1Sam 22:17 - ÎVUKU RÎA ÛVORO MWARO

¹⁷ Nîwacokire akîîra athigari arîa maamûrangagîra arîa maarûngamîte mamûthiûrûrûkîrîtie atîrî, “Ûragani athînjîri-Ngai a Ngai-Mûnene, nîûndû wanao nîmaanyitanîre na Daudi. Nîmaamenyaga atî Daudi aarî mûtoroku, nwatî matianyumbûrîra.” Nwatî ndungata cia mûthamaki nîciaregire kûraga athînjîri-Ngai a Ngai-Mûnene.

1Sam 22:17 ပူးပေါင်းရင်းမြစ်များ

2Sam 15:1

Vuva wa ûguo Abusalomu nîwecarîrie gîkaari Kîam mbarathi, na andû mîrongo îtano a kûthiî marî mbere yake mavinyûrîte.

1Atha 1:5

Adonija mûvîcî wa Daudi ûrîa maagîte na mûka Hagithi nîwambîrîrie gwîtîîa akiugaga atî nîke ûgaatuîka mûthamaki. Kwoguo nîwavarîrîrie ikaari cia mbarathi, athigari arîa mathiîcaga mekarîrîte mbarathi na arûme mîrongo îtano mathiî mbere yake makinaga.

1Atha 14:27

Vandûrî va cio Solomoni nîwarûthire ngo cia gîcango na akîinenganîra kûrî anene a agitîri a kîvingo Kîam mûciî wa mûthamaki nîguo maimenyagîrîre.

1Atha 18:4

na rîrîa Jezebeli aaûragaga arathi a Ngai-Mûnene, Obadia nîwocire arathi îgana rîmwe na akîmathitha ngurungarî marî ikundi igîrî cia arathi mîrongo îtano, na akîmava mîgate na manjî.)

2Atha 10:25

Kwoguo rîrîa Jehu aarîkirie kûruta matega, nîwerire arangîri na anene atîrî, “Tonyani mûmaûrage onthe, na mûtikarekererie wanarî ûmwe aûre!” Nao nîmaatonyire makîmaûraga na magikia mîîrî yao nja ya hekarû. Nîmaacokire magîtonya vandû varîa vatheru va hekarû ya Baali

Ntha 1:17

Nwatî Sifira na Pua nîmeetigîrîte Ngai na kwoguo nîmaaregire kwathîkîra mûthamaki. Vandû va ûguo nîmaarekire tûvîcî tûtûûre mwoyo.

Ciîko 4:19

Nwatî Petero na Johana nîmaamacokerie atîrî, “Mue ene tuani ûndû ûrîa mwagîrîru methorî ma Ngai. Tuani kana nîmue tûkwathîkîra kana nîtwathîkîra Ngai.

1Sam 14:45

Nao andû nîmeerire Saûlo atîrî, “Kûngîvoteka atîa Jonathani akue na arutîte wîra mûnene ûguo wa gûtûma andû a Isiraeli mavootane? Naarî! Tue nîtwevîta na Ngai-Mûnene ûrîa ûtûûraga mwoyo atî, gûtirî wanarî rûcuîrî rûmwe rûkauma kîongorî gîake. Ûrîa ekire ûmûnthî wîkîkire na ûtethio wa Ngai.” Kwoguo andû nîmaavonokirie Jonathani kuuma gîkuûrî.

1Sam 2:31

Tathikîrîria, vingo nîgûkinya rîrîa ngaaûraga andû ethî onthe a mûciî waku wana a mûvîrîga wenyu, na gûtîkeethîrwa kûrî na mûndû wanarî ûmwe mûkûrû gatagatîrî ka andû a mûciî waku.

1Sam 20:33

Kavindarî wa kau, Saûlo nîwaikirie Jonathani îtumû akîenda kûmûûraga, nake Jonathani akîmenya atî îthe nama nîwatuîte nîakûûraga Daudi.

1Sam 22:13

Saûlo nîwamûririe atîrî, “We mûrî na Daudi mûnjirîrîte nîkî? Nîndûî gîatûmire ûmûva irio na ûmûnengera rûviû na ûvoe Ngai vandûrî vake? Rîu nîareganîte nanie na etererete one kamweke nîguo ambûrage!”

1Sam 22:16

Nake mûthamaki nîwerire Ahimeleku atîrî, “We vamwe na andû onthe a mûciî wenyu nwanginya mûragwe.”

1Sam 25:17

Rîu îîcirie ûvoro ûyû na ûmenye ûrîa wagîrîrwe nî gwîka. Ûndû ûyû wavota kûretere mwathi wetû ûndû mûcûku wa vamwe na andû a mûciî wake. Ke nî mûndû mwaganu na ndangîthikîrîria mûndû!”

1Sam 8:11

Ke nîwamataarîrie na akîmera atîrî, “Mûthamaki ûcio nîagecukia anake enyu na athiî nao; amwe ao nîakaamatua ndereva cia ikaari ciake cia mbaara, nao engî amatue a kûthiîcaga matûîte mbarathi ciake, nao makathiîcaga mavinyûrîte matongoreretie ikaari ciake cia mbaara.