1Sam 21:5 - ÎVUKU RÎA ÛVORO MWARO

⁵ Nake Daudi nîwacokerie mûthînjîri-Ngai atîrî, “Nî ma, andû akwa metheragia vîndî cionthe wana rîrîa tûkûthiî rûgendo wa ruonthe. Na kinthî twa methîrwe metheretie makîria rûgendorî rûrû rwa mwanya?”

1Sam 21:5 ပူးပေါင်းရင်းမြစ်များ

Ntha 19:14

Kwoguo Musa nîwanyûrûrûkire kuuma kîrîmarî akîthiî kûrî andû, akîmera metherie na makîthambia nguo ciao.

Ntha 19:15

Musa nîwamerire atîrî, “Îîvarîrieni mbere ya mûthenya wa kathatû na andû matikamenyane kîîmwîrî.”

Ntha 25:30

Nayo metha igwe mbere ya îthandûkû rîa kîrîkanîro. Na îgûrû rîayo vethagîrwe vîndî cionthe varî na mûgate ûrîa nyamûrîrîtwe.”

Alawi 24:9

Mîgate îo nî ya Aroni na njiarwa ciake, na makaamîrîcagîra vandû varîa vatheru vîndî cionthe, nîûndû kau nî gacunjî katheru mûno ka îtega rîa kûvîvua rîa athînjîri-Ngai rîrîa rîtegeretwe Ngai-Mûnene.”

Alawi 8:26

Nîwacokire agîoca mûgate ûmwe kuuma gîkavurî kîrîa gîekîrîtwe mîgate îrîa yamûrîrîtwe Ngai-Mûnene îtarî mîkîre ndawa ya kwimbia, mûgate ûmwe ûrî na maguta, na kamûgate kamwe gaceke na agîcigîrîra îgûrû rîa mathunya mau na Kîamû kîu Kîam ûrîo gîa kûgûrû kwa vuva.

Ciîko 9:15

Nwatî Mwathani nîwerire Anania atîrî, “We thiî, nîûndû nie nînthuurîte Saûlo nîguo atuîke ndungata yakwa. Ke nîke ûgûtûma rîîtwa rîakwa rîmenywe nî Andû a Ndûrîrî, athamaki na andû a Isiraeli.

1Akor 7:5

Mûtikaaimanage mîîrî yenyu, tiga nwanga mûrîkanîrîte atî nîmûgwîkara mûtakûmenyana kîîmwîrî gwa kavinda kanini nîguo mûgîcage na kavinda ga kûvoya. Nwatî vuva wa kavinda kau cokanagîrani wa rîngî nîguo Caitani ndakamûgerie nîûndû wa gûtura ûvoti wa kwatha merirîria ma mwîrî.

1Pet 3:17

Nîûndû nî kava kûthînîka nîûndû wa gwîka waro ethîrwa ûcio nîguo wendi wa Ngai, gûkîra kûthînîka nîûndû wa gwîka naaî.