1Sam 21:12 - ÎVUKU RÎA ÛVORO MWARO

¹² Daudi nîwaigire ciugo icio ngororî yake na agîîtigîra Akishi, mûthamaki wa Gathu mûno.

1Sam 21:12 ပူးပေါင်းရင်းမြစ်များ

Kîam 26:7

Rîrîa arûme a kûu maamûririe maûndû megiî mûka, Isaka nîwamerire atîrî, “Ûyû nî mwarwaiya.” Aameerire ûguo nîûndû nîwetigagîra kûmeera atî nî mûka wake nîûndû andû a kûu nîmangîamûragire nîguo moce Rebeka, nîûndû wa ûrîa aarî mûthaka.

Thaburi 119:11

Nîmbigîte kiugo gîaku ngororî yakwa, nîguo ndigakwîvîrie.

Thaburi 34:4

Nînavoire Ngai-Mûnene, na akîmbîgua; nîwanthiririe guoya yonthe îrîa naarî nayo.

Thaburi 56:3

We Ngai mwene vinya wonthe, rîrîa nanyitwa nî guoya, nîwe nîîvokaga.

Luka 2:19

Nake Mariamu nîwekarire akîririkanaga maûndû mama monthe na ageciragia mûno ûvoro wamo.

Luka 2:51

Jesû nîwacokire Nazarethi arî vamwe na aciari ake, na nîwekaranagia nao akîmaathîkagîra. Nake ng'ina nîwaigaga maûndû mau monthe ngororî yake.

1Sam 18:7

Nao magîkûngûîra, aka maainaga magîcokanagîria makiugaga atîrî, “Saûlo nîaûragîte andû ngiri nyîngî nwatî Daudi aûragîte ngiri makûmi meengî.”

1Sam 21:10

Kwoguo Daudi nîwaûrire kuuma kûrî Saûlo mûthenya ûcio na akîthiî kûrî Akishi mûthamaki wa Gathu.

1Sam 21:13

Kwoguo rîrîa rîonthe Daudi angîethagîrwa marî na andû acio, nîwetuucaga kîûgû na agekaga maûndû ta mûndû wa ngoma. Rîrîa mangîageririe kûmûvingîrîria, ke nîwandîkangaga mîrangorî ya îtûûra na agetagîrîria mata nderurî ciake.