1Sam 21:11 - ÎVUKU RÎA ÛVORO MWARO

¹¹ Nacio ndungata cia mûthamaki ûcio nîciamwîrire atîrî, “Kinthî ûyû tî Daudi ûrîa mûthamaki wa vûrûri wa Isiraeli? Ûyû nîke mûndû ûrîa aka maainîre makiugaga atî, ‘Saûlo nîaûragîte andû ngiri nyîngî, nwatî Daudi nîaûragîte andû ngiri makûmi meengî.’ ”

1Sam 21:11 ပူးပေါင်းရင်းမြစ်များ

Thaburi 34:1

Ngaacokagîria Ngai-Mûnene ngatho vîndî cionthe, nîndûûra nîmûkumagia.

1Sam 16:1

Nake Ngai-Mûnene nîwaûririe Samueli atîrî, “Nîûtûûra ûrîragîra Saûlo nginya rî? Nie nînîmûregete athiî na mbere arî mûthamaki wa Isiraeli. Îcûria mûcuva waku maguta ma mîtamaiyû îrîa îciaraga matunda na ûthiî Bethilehemu kwa mûndû wîtagwa Jesii, nîûndû nie nî nthuurîte ûmwe wa anake ake atuîke mûthamaki.”

1Sam 19:18

Nake Daudi nîwaûrire na akîthiî kûrî Samueli kûu Rama na akîmwîra ûrîa wonthe Saûlo amwîkîte. Vuva wa ûguo Daudi na Samueli nîmathiîre Naiothu gûtûûra kuo.

1Sam 27:1

Daudi nîweîrire na ngoro atîrî, “Mûthenya ûmwe Saûlo nîakambûraga. Kwoguo ûndû ûrîa mwaro makîria nîngîka nî kûra nthiî vûrûrirî wa Afilisiti. Vîndî îo Saûlo nîagaatiga kûnjaria kûu vûrûrirî wonthe wa Isiraeli, na ngethîrwa nîrî mûgitîre kuuma kûrî ke.”

1Sam 27:2

Kwoguo Daudi marî na andû ake magana matandatû nîmaathiîre wa rîmwe kwî Akishi mûvîcî wa Maoku, mûthamaki wa Gathu.

1Sam 29:5

Kinthî ûyû tî Daudi ûrîa aka maainîre makîrûgarûgaga makiugaga atî, ‘Saûlo nîaûragîte andû ngiri nyîngî, nwatî Daudi nîaûragîte andû ngiri makûmi meengî?’ ”