1Sam 20:41 - ÎVUKU RÎA ÛVORO MWARO

⁴¹ Mwanake ûcio arîkia kûthiî, Daudi nîwaumîrire varîa eethithîte vuva ya kîrûndo Kîam mathiga, agîturia maru na akînamîrîra nthî maita mathatû. Nao oîrî, Jonathani na Daudi nîmaamumunyanire makîrîraga. Daudi aarî na kîeva kîngî gûkîra Jonathani.

1Sam 20:41 ပူးပေါင်းရင်းမြစ်များ

Kîam 29:11

Nîwacokire akîthiî akîmumunya Rakeli na akîrîra nîûndû wa gîkeno.

Kîam 29:13

Rîrîa Labani eegwire ûvoro ûcio wa Jakovu mwana wa mwarwang'ina, nîwavinyûrire kûmûtûnga. Nîwamûkumbatire akîmûmumunya, na agîcoka akîmûvira mûciî. Nake Jakovu nîwerire Labani maûndû monthe marîa mekîkîte.

Kîam 33:4

Nwatî Esaû nîwavinyûrire kûmûtûnga. Nîwamûkumbatire, akîmûmumunya na oîrî nîmaarîrire.

Kîam 42:6

Vîndî îo Josefu nîke warî mûnene wa maûndû monthe vûrûrirî wa Misiri na nîke wendagîria andû onthe a vûrûri ûcio irio. Kwoguo aa mûrwang'ina nîmaathiîre mbere yake na magîturumithia mothiû mao nthî.

Kîam 43:28

Nao nîmaamûcokerie atîrî, “Ndungata yaku na nîke vava arî vo na nî mwaro.” Nao nîmaaturirie ndu na magîturumithia mothiû mao nthî mbere yake.

Kîam 45:15

Josefu wa akîrîraga, nîwamumunyire aa mûrwang'ina acio engî onthe, ûmwe kwa ûmwe. Vuva wa ûguo, aa mûrwang'ina acio nîmaambîrîrie kwaranîria nake.

2Sam 1:2

Naguo mûthenya wa kathatû mwanake ûmwe nîwaûkire aumîte kûrîa Saûlo maambîte magema. Eekîrîte nguo ino ndembûkangu na ageîtîrîria mûthetu kîongorî gîake. Rîrîa mwanake ûcio aakinyire kûrî Daudi, nîwenamîrîrie ûthiû wake nthî na gîtîîo mbere yake.

2Sam 1:26

“Nie nîrî na kîeva nîûndû waku mûrwaiya Jonathani; kûrî nie we ûraarî mûndû mwaro mûno! Wendo ûrîa ûramendete naguo ûrarî wa magegania, nîûndû ûrarî mûnene gûkîra wendo wa mûndû mûka.

2Sam 14:4

Mûndûmûka ûcio nîwathiîre kûrî mûthamaki akîînamîrîra nthî na gîtîîo na akiuga atîrî, “Nakûthaitha ûndethie mwathi wakwa!”

2Sam 19:39

Daudi na andû ake onthe nîmaaringire Jorodani. Nîwacokire akîmumunya Barizilai na akîmûrathima. Vuva wa ûguo Barizilai nîwacokire gwake mûciî.

2Sam 9:6

Rîrîa Mefiboshethu mûvîcî wa Jonathani ûrîa warî ûmawe wa Saûlo aakinyire kûrî Daudi, nîwenamîrîre mbere ya Daudi na gîtîîo. Nake Daudi nîwamwîtire atîrî, “Mefiboshethu,” Nake nîwamûcokerie atîrî, “Îî nîrî ava nie ndungata yaku.”

1Atha 1:16

Bathisheba nîwenamîrîre mbere ya mûthamaki na gîtîîo nake mûthamaki nîwamûûririe atîrî, “Ûrenda ndûî?”

1Atha 1:23

Mûrathi Nathani nîwatonyire na akîmama na îvu aturumithîtie ûthiû wake nthî vau mbere ya mûthamaki.

1Atha 1:31

Nake Bathisheba nîwenamîrîrie ûthiû wake na gîtîîo mbere ya mûthamaki na akiuga atîrî, “Mwathi wakwa mûthamaki Daudi, ûrotûûra tene na tene!”

Ciîko 20:37

Andû onthe nîmaarîrire, makîmûmumunya na makîmugîra ûvoro.

1Sam 10:1

Nake Samueli nîwocire kanyûngû karî na maguta na agîtîrîria Saûlo maguta mau kîongorî gîake, akîmûmumunya, na akiuga atîrî, “Ngai-Mûnene nîagwîtîrîrîtie maguta nîguo ûtuîke mûthamaki wa andû ake a Isiraeli. We nîûgatongoria andû ake na ûmagitîre kuuma kûrî nthû ciao cionthe. Naguo ûndû ûrîa ûgakwonia nama atî Ngai-Mûnene nîakûthuurîte nîguo ûtuîke mûthamaki wa andû ake nî atî:

1Sam 18:3

Jonathani nîwendire Daudi mûno na kwoguo nîwathondekire kîîranîro na Daudi, atî magaatûûra marî arata.

1Sam 20:40

Jonathani nîwanengerire mwanake ûcio indo ciake cia mbaara na akîmwîra aicokie îtûûrarî.

1Sam 24:9

na akîîra Saûlo atîrî, “Nîndûî gîtûmaga ûthikîrîrie andû arîa makwîraga atî, Daudi nîarenda gûkûgera ngero?

1Sam 25:23

Na rîrîa Abigaeli oonire Daudi, nîwaumire îgûrû rîa mvunda na îvenya na akîîgwîthia nthî mbere ya Daudi,