1Sam 20:3 - ÎVUKU RÎA ÛVORO MWARO

³ Nwatî Daudi nîwacokerie Jonathani atîrî, “Aguo nîecî waro mûno ûrîa ûmendete na nîatuîte atî tîakûmenyithia ûrîa avangîte gwîka, nîûndû nwa wîgue naaî mûno ngororî. Nwatî nie nîrevîta na Ngai-Mûnene ûrîa ûtûûraga mwoyo nîrî mbere yaku atî, nie ndigarîtie vanini ngue!”

1Sam 20:3 ပူးပေါင်းရင်းမြစ်များ

2Sam 15:21

Nwatî Itai nîwacokerie mûthamaki atîrî, “Mwathi wakwa, nevîta na rîîtwa rîa Ngai-Mûnene, atî vîndî cionthe tûkethagîrwa nawe, wana ethîrwa nî mûtinorî wa gîkuû.”

2Atha 2:2

Marî njîrarî Elija nîwerire Elisha atîrî, “Nakûthaitha wîkarage ava nîûndû Ngai-Mûnene nîandûmîte nthiî Betheli.” Nwatî Elisha nîwamwîrire atîrî, “Nevîta na Ngai wakwa ûrîa ûtûûraga mwoyo na wata ûrîa we mwene ûgûtûûra mwoyo, atî tî ngûtiga.” Kwoguo nîmaathiîre Betheli.

2Atha 2:4

Elija nîwacokire akîra Elisha atîrî, “Nakûthaitha wîkarage ava nîûndû Ngai-Mûnene nîandûmîte nthiî Jeriko.” Nwatî Elisha nîwamwîrire atîrî, “Nevîta na Ngai wakwa ûrîa ûtûûraga mwoyo na wata ûrîa we mwene ûgûtûûra mwoyo, atî tîngûtiga.” Kwoguo nîmaathiîre Jeriko.

2Atha 2:6

Elija nîwacokire akîra Elisha atîrî, “Nakûthaitha îkaraga ava nîûndû Ngai-Mûnene nîandûmîte nthiî rûnjîrî rwa Jorodani.” Nwatî Elisha nîwamwîrire atîrî, “Nevîta na Ngai wakwa ûrîa ûtûûraga mwoyo na wata ûrîa we mwene ûgûtûûra mwoyo atî, tî ngûtiga.” Kwoguo wa oîrî nîmaathiîre Jorodani,

Thaburi 116:3

Naarigicîrîtue nî ûgwati wa gîkuû, na ngînyitwa nî kîmako gîa kwa arîa akuû; necûrîtwe nî guoya na kîeva.

Jeremia 38:16

Nake mûthamaki Zedekia nîwevîtire mbere ya Jeremia na nthitho akiugaga atîrî, “Wata ûrîa Ngai-Mûnene atûûraga mwoyo, Ngai ûrîa watûveere mwoyo, ndigaakûûraga, kana ngûrekereria kûrî andû aya marenda gûkûûraga.”

Jeremia 4:2

na mûngîîvîta mûrî na ûûma, kîvooto na ûthingu, mûkiugaga, ‘wata ûrîa Ngai-Mûnene atûûraga mwoyo,’ vîndî îo mavûrûri nîmakaarathimwa, na magîe na riiri nîûndû wakwa.”

Gûco 28:66

Nîmûtûûra mûrî ûgwatirî; na mûkethagîrwa mwîcûrîtwe nî guoya nyîngî mûthenya na ûtukû na mûtarî na kîîrîgîrîro gîa ûtûûro.

Gûco 6:13

Îîtigagîreni Ngai-Mûnene, Ngai wenyu na mûmûtungatagîre na mwîvîtage mûkîgwetaga rîîtwa rîake rîonga.

Ahib 6:16

Andû matûmagîra rîîtwa rîa mûndû ûrîa mûnene kûmakîra rîrîa makwîvîta, naguo mwîvîto ûcio nîûthiragia ngarari cionthe.

1Sam 1:26

Nake Hana nîwaugire atîrî, “Ta mbîtîkîria mwathi wakwa! Wata ûrîa mwathi wakwa ûgûtûûra mwoyo, nie nînie mûndûmûka ûrîa warûngamîte mbere yaku ngîvoya Ngai-Mûnene.

1Sam 17:55

Rîrîa Saûlo oonire Daudi athiîte kûrûa na Goliathu, ke nîwaûririe Abineri atîrî, “Abineri, kavîcî gaka nî ka û?” Abineri aarî mûnene wa athigari a Saûlo. Nake Abineri nîwamûcokerie atîrî, “Mwathi wakwa nie ndiîcî kavîcî gaka nî ka û.”

1Sam 20:2

Nake Jonathani nîwamûcokerie atîrî, “Ûguo ûroaga gwîkîka! We tîûkua. Gûtirî ûndû wanarî ûmwe vava angîka atambîrîte, ûrî mûnene kana ûrî mûnini. Na ndangînthitha ûndû ûcio. Ûcio tî ûvoro wa ma!”

1Sam 20:4

Nake Jonathani nîwerire Daudi atîrî, “Nîngûgwîkîra ûndû wa wonthe ûrîa ûkwenda mbîke.”

1Sam 25:26

Nî Ngai-Mûnene akûgiririe wîrîvîrîria na njîra ya kûraga nthû ciaku. Na rîu nîngwîvîta na Ngai-Mûnene ûrîa ûtûûraga mwoyo atî nthû ciaku na andû onthe arîa mendaga gûgwîka ûûru makaaverithua ta Nabali.

1Sam 27:1

Daudi nîweîrire na ngoro atîrî, “Mûthenya ûmwe Saûlo nîakambûraga. Kwoguo ûndû ûrîa mwaro makîria nîngîka nî kûra nthiî vûrûrirî wa Afilisiti. Vîndî îo Saûlo nîagaatiga kûnjaria kûu vûrûrirî wonthe wa Isiraeli, na ngethîrwa nîrî mûgitîre kuuma kûrî ke.”