1Sam 20:29 - ÎVUKU RÎA ÛVORO MWARO

²⁹ Arambîrire atîrî, ‘Tiga nthiî nîûndû andû a mûciî wetû marî na kîgongoona îtûûrarî na mûrwaiya nîarenda mbîthîrwe nîrî kuo. Ethîrwa nî waro mbîtîkîria nthiî ngonane na aa mûrwaiya.’ Kîu nîkîo gîtûmi atarî gîtîrî gîake metharî.”

1Sam 20:29 ပူးပေါင်းရင်းမြစ်များ

1Sam 16:2

Nake Samueli nîwaûririe atîrî, “Nîngîka ûguo atîa? Saûlo angîgua ûguo nîkwa akambûraga!” Nake Ngai-Mûnene nîwerire Samueli atîrî, “Oca mori ûthiî nayo na uge atî ûthiîte kuo kûrutîra Ngai-Mûnene kîgongoona.

1Sam 17:28

Nake Eliabu, mûrwang'ina ûrîa mûkûrû nîweguire Daudi akîaria na andû acio. Nîwarakarirue nî Daudi na akîmûria atîrî, “We ûreka atîa gûkû? Ûtigîre ng'ondu icio itarî nyîngî werûrî irî na û? Nîmbicî ûrîa ûreîgîria na ûûru ûrîa ûrî ngororî yaku! Nîûndû we ûûkîte tu kwona mbaara.”

1Sam 20:28

Nake Jonathani nîwacokerie Saûlo atîrî, “Daudi nîaranthaithire nîmwîtîkîrie athiî Bethilehemu.

1Sam 20:30

Nake Saûlo nîwarakarîre Jonathani na akîmwîra atîrî, “We ûrî mwana wa mûndûmûka mûremi! Nîmenyete atî nîmûnyitanîte na Daudi nîguo agûconorithie na aconorithie nyûkwe!