1Sam 20:2 - ÎVUKU RÎA ÛVORO MWARO

² Nake Jonathani nîwamûcokerie atîrî, “Ûguo ûroaga gwîkîka! We tîûkua. Gûtirî ûndû wanarî ûmwe vava angîka atambîrîte, ûrî mûnene kana ûrî mûnini. Na ndangînthitha ûndû ûcio. Ûcio tî ûvoro wa ma!”

1Sam 20:2 ပူးပေါင်းရင်းမြစ်များ

Kîam 44:7

Nao nîmaamûririe atîrî, “Mwathi wetû, ûkîaria ûguo ûrenda kuga atîa? Nama tûtirî eku ûndû ta ûcio.

Thaburi 40:6

We ndwendaga magongoona na matega, ndwîtagia matega ma kûvîvua kana ma kûtheria mevia, nwatî ûmvete matû ngwîgucage,

Nthi 29:24

Mûndû ûrîa ûnyitanagîra na mwîi acûkangagia ûtûûro wake ke mwene, nîegucaga irumi cia ûrîa ûrarumwa, na ndetîkagîra kumbûra.

Isaia 50:5

Mwathani Ngai-Mûnene nîavingûrîte matû makwa, na ndiatuîka mûregi, kana nîmûtiganîria.

Luka 20:16

Agaaûka aûrage arîmi acio na anenganîre mûgûnda ûcio kûrî arîmi engî.” Na rîrîa andû meegwire ûguo nîmeeranire atîrî, “Ngai! Ûndû ûyû ûrorega gûtuîkîka!”

Johana 15:15

Nie ndigûcoka kûmwîta ndungata rîngî, nîûndû ndungata ndîthagîrwa îkîmenya ûrîa mûmîathi areka. Vandû va ûguo nînîmwîta arata, nîûndû nînîmûmenyithîtie maûndû monthe marîa mbîguîte kuuma kûrî Vava.

Johana 17:8

Nie nînaamakinyîrie ndûmîrîri îrîa wamvere, nao makîmîamûkîra. Nîmaicî na ma atî nie naumire kûrî we, na nîmetîkîtie atî we nîwe wandûmire.

Josh 22:29

Tûtingîregana na Ngai-Mûnene na tûtume metha ya kîgongoona îngî îrîa îngîrutîrwa magongoona, tiga îrîa ya Ngai-Mûnene, Ngai wetû îrîa îrî mbere ya îgema rîake rîa gûtûnganwa.”

Josh 24:16

Nao andû nîmaacokirie atîrî, “Tue tûtingîtungatîra ngai ciîngî, tûgatungatagîra Ngai-Mûnene!

1Sam 14:45

Nao andû nîmeerire Saûlo atîrî, “Kûngîvoteka atîa Jonathani akue na arutîte wîra mûnene ûguo wa gûtûma andû a Isiraeli mavootane? Naarî! Tue nîtwevîta na Ngai-Mûnene ûrîa ûtûûraga mwoyo atî, gûtirî wanarî rûcuîrî rûmwe rûkauma kîongorî gîake. Ûrîa ekire ûmûnthî wîkîkire na ûtethio wa Ngai.” Kwoguo andû nîmaavonokirie Jonathani kuuma gîkuûrî.

1Sam 20:1

Daudi nîwacokire akiuma Naiothu kûu Rama akîthiî kûrî Jonathani na akîmûria atîrî, “Nîkwa mbîkîte atîa? Mavîtia makwa nîmarîkû? Nî îvîtia rîrîkû mvîtîrîtie aguo narîo rîa gûtûma ende kûmbûraga?”

1Sam 20:12

Nake Jonathani nîwerire Daudi atîrî, “Ngai-Mûnene, Ngai wa Isiraeli arotuîka mûira wetû! Rûyû kana mûthenya wa kathatû îthaa wata rîîrî nîngaaûria vava ûvoro ûcio. Ethîrwa mworoto wake kûrî we nî mwaro, nîngaakûmenyithia.

1Sam 20:3

Nwatî Daudi nîwacokerie Jonathani atîrî, “Aguo nîecî waro mûno ûrîa ûmendete na nîatuîte atî tîakûmenyithia ûrîa avangîte gwîka, nîûndû nwa wîgue naaî mûno ngororî. Nwatî nie nîrevîta na Ngai-Mûnene ûrîa ûtûûraga mwoyo nîrî mbere yaku atî, nie ndigarîtie vanini ngue!”

1Sam 9:15

Naguo mûthenya ûmwe mbere ya Saûlo aûke, Ngai-Mûnene nîwarîrîtie Samueli na akamwîra atîrî,