1Sam 20:17 - ÎVUKU RÎA ÛVORO MWARO

¹⁷ Jonathani nîwevîtithirie Daudi rîngî na akîmwîrîra atî akaamwendaga nîûndû Jonathani nîwendete Daudi wata ûrîa eyendete ke mwene.

1Sam 20:17 ပူးပေါင်းရင်းမြစ်များ

2Sam 1:26

“Nie nîrî na kîeva nîûndû waku mûrwaiya Jonathani; kûrî nie we ûraarî mûndû mwaro mûno! Wendo ûrîa ûramendete naguo ûrarî wa magegania, nîûndû ûrarî mûnene gûkîra wendo wa mûndû mûka.

Nthi 17:17

Mûrata wa ma nî wa vîndî cionthe. Andû arîa maciaranîrîtue vamwe nîmatethanagia vîndî ya thîna.

Nthi 18:24

Ûrata ûmwe ndwîthagîrwa ûrî wa ma, nwatî kûrî arata evokeku gûkîra mûndû na mûrwang'ina.

Jeremia 40:9

Nake Gedalia nîwevîtire mbere yao na mbere ya athigari a mbaara na akiuga atîrî, “Mûtigetigîre gûtungatîra Akalidei. Tûûrani vûrûrirî ûyû na mûtungatîre mûthamaki wa Babuloni, na maûndû menyu monthe nîmakûvua.

Gûco 13:6

“Ethîrwa mûrwanyûkwe, kana mûvîcîguo, kana mwarîguo, kana mûkaguo ûrîa wendete mûno, kana mûrata waku wa vakuvî nwa akûveenererie na nthitho akwîre mûthiî mûkagooce ngai ciîngî irîa we wana methe menyu mûtaicî,

1Sam 18:1

Rîrîa Saûlo na Daudi maarîkirie kwaria, Jonathani mûvîcî wa Saûlo nîwagucîrîrue mûno nî Daudi na Jonathani akîenda Daudi wata ûrîa eyendete ke mwene.

1Sam 18:3

Jonathani nîwendire Daudi mûno na kwoguo nîwathondekire kîîranîro na Daudi, atî magaatûûra marî arata.