1Sam 20:13 - ÎVUKU RÎA ÛVORO MWARO

¹³ Nwatî ethîrwa arî na mworoto wa gûgwîka ûûru, Ngai-Mûnene arombûraga ethîrwa nîngaarega gûkumbûrîra ûndû ûcio nîguo ûvonoke. Ngai-Mûnene aroîkara nawe wata ûrîa arekaraga na vava.

1Sam 20:13 ပူးပေါင်းရင်းမြစ်များ

2Sam 19:13

Daudi nîwacokire akîmeera meere Amasa atîrî, “We ûrî wa nyomba yakwa kuuma ûmûnthî nînagûtua mûnene wa athigari akwa a mbaara vandûrî va Joabu. Ngai arombûraga ethîrwa tî mvingia ûguo.”

2Sam 3:35

Mûthenya wonthe andû nîmaaringîrîrie Daudi arîe irio, nwatî Daudi nîwevîtire na akiuga atîrî, “Ngai arombûraga ethîrwa nîngûrîa kîndû mbere ya gûtuke!”

2Sam 7:15

Nwatî ndikaamûthengutîria wendo wakwa ûtathiraga ûrîa nîmwendete naguo ta ûrîa naathengutîrie Saûlo nîguo we ûtuîke mûthamaki.

1Atha 1:37

Ngai-Mûnene aroethagîrwa arî na Solomoni wata ûrîa arethagîrwa arî na mwathi wakwa. Ngai-Mûnene arotûma ûthamaki wa Solomoni ûvua wana gûkîra waku.”

1Atha 19:2

Nake Jezebeli nîwatûmire mûnjaama kûrî Elija akamwîre atîrî, “ngai irombûraga ethîrwa rûyû îthaa ta rîîrî ndikaagwîka wata ûrîa wekire arathi.”

1Atha 20:10

kuuma kûrî Benihadadi yaugaga atîrî, “ngai irombûraga ethîrwa îtûûra rîîrî rîa Samaria nî gûgaatigara wanarî mûthetu ûngîkumbatwa ngundi nî andû onthe arîa manûmîrîrîte. Ngaarîcûkangia viû!”

1Maû 22:11

“Rîu mûvîcîwa, Ngai-Mûnene, Ngai waku nîekare nawe na arokûvotithia gûtuma hekarû yake wata ûrîa aakwîrîre.

1Maû 22:16

na thaavu, sîlûva, gîcango na cuuma. Ûkîra rîu wambîrîrie wîra, na Ngai-Mûnene ethagîrwe nawe!”

Mathaayo 28:20

Mathomithagieni kwathîkîra maûndû monthe marîa nîmwathîte. Ngethagîrwa nîrî vamwe na mue vîndî cionthe kinya îthirîro rîa mavinda mama.”

Afil 4:9

Îkagani maûndû marîa mwathomire na mûkîamûkîra kuuma kûrî ciugo ciakwa wa vamwe na ciîko ciakwa. Nake Ngai ûrîa ûtûvecaga thayû akethagîrwa vamwe na mue.

Josh 1:5

Gûtirî mûndû ûgaakûvoota vîndî îrîa yonthe ûgûtûûra mwoyo. Ngethagîrwa nîrî nawe ta ûrîa nethagîrwa nîrî na Musa. Ndigaagûtiganîria.

Ruthu 1:17

Kûrîa ûgaakuîra nîkuo ngaakuîra na nwakuo ngaathikwa. Ngai-Mûnene aromverithie kûngîkaagîa ûndû ûngîtûma tûtigane nawe tiga gîkuû.”

1Sam 10:7

Vîndî îrîa maûndû mama magekîka, we ûgeka wa ûrîa ûkona kwagîrîrîte nîûndû Ngai arî vamwe nawe.

1Sam 14:47

Vîndî îrîa Saûlo aatuîkire Mûthamaki wa Isiraeli, nîwarûire na nthû ciake cionthe kuuma mîena yonthe: Nîwarûire na Amoabu, andû a Amoni, Aedomu, athamaki a Zoba na Afilisiti. Nao andû onthe arîa ke aathiîcaga kûrûa nao, nîwamavootaga.

1Sam 17:37

Ngai-Mûnene ûrîa ûmvonokagia kuuma kûrî mînyambû na ngatûnyi, nwake ûkamvonokia kuuma kûrî Mûfilisiti ûyû.” Nake Saûlo nîwerire Daudi atîrî, “Nî waro, thiî na Ngai-Mûnene aroîkara nawe.”

1Sam 18:12

Saûlo nîwetigagîra Daudi nîûndû Ngai-Mûnene aarî vamwe na Daudi, nwatî agatiganîria Saûlo.

1Sam 19:3

Nîngaathiî na nûngame vakuvî na vava kûu ûkethîrwa wîthithîte na nîmwarîrie ûvoro ûkwîgiî. Ethîrwa nîngaamenya ûndû wanarî ûrîkû, nîngaakwîra.”

1Sam 20:12

Nake Jonathani nîwerire Daudi atîrî, “Ngai-Mûnene, Ngai wa Isiraeli arotuîka mûira wetû! Rûyû kana mûthenya wa kathatû îthaa wata rîîrî nîngaaûria vava ûvoro ûcio. Ethîrwa mworoto wake kûrî we nî mwaro, nîngaakûmenyithia.

1Sam 20:14

Ethîrwa nie tîngua, ûkaavingia kîîranîro kîrîa kîtheru Kîam Ngai-Mûnene, na nîngîgaakua,

1Sam 25:22

Ngai arombûraga ethîrwa ndikethîrwa mbûragîte arûme onthe a mûciî wake rûyû mbere ya gûkîe!”

1Sam 3:17

Nake Eli nîwaûririe Samueli atîrî, “Ngai-Mûnene arakwîrire atîa? Mbîra maûndû monthe. Ngai nîagaakûverithia mûno ethîrwa tî ûmbîra maûndû monthe marîa arakwîrire.”