1Sam 2:34 - ÎVUKU RÎA ÛVORO MWARO

³⁴ Naguo ûndû ûrîa ûgeekîka kûrî anake aku oîrî, Hofini na Finehasi nîguo ûgaatuîka kîmenyithia kûrî we atî, maûndû monthe marîa mbugîte nîmakaavinga. Naguo nî atî, anake aku wa oîrî magaakua mûthenya ûmwe.

1Sam 2:34 ပူးပေါင်းရင်းမြစ်များ

1Atha 13:3

Vîndî wa îo Mûndû ûcio wa Ngai nwa waugire atîrî, “Metha îno ya kîgongoona nîîkomomorwa, naguo mûu ûyû ûrî îgûrû rîayo ûnyague. Gîkî nîkîo kîmenyithia gîa kwonania atî nî Ngai-Mûnene warîtie.”

1Atha 14:12

Ahija nîwathiîre mbere na akîra mûka wa Jeroboamu atîrî, “Rîu ûkîra ûcoke mûciî. Vîndî îrîa ûgaatonya îtûûrarî nîrîo mûvîcîguo agaakua.

Luka 2:12

Naguo ûvoro ûcio mûkaaûmenya na njîra ta îno: mûkoona gakenge karigicîrîtue cuka na kamamîte mûvaratîrî.”

1Sam 10:7

Vîndî îrîa maûndû mama magekîka, we ûgeka wa ûrîa ûkona kwagîrîrîte nîûndû Ngai arî vamwe nawe.

1Sam 2:33

Mûndû wa wonthe wa rûciaro rwaku ûrîa ngaavonokia na nîmwîtîkîrie andungatagîre arî ta mûthînjîri-Ngai agaatûûra arîraga na ecûrîtwe nî kîeva. Nao andû acio engî onthe a rûciaro rwaku magaakuucaga gîkuû Kîam ruuo.

1Sam 3:12

Mûthenya ûcio nîrîo ngaavingia maûndû monthe marîa naririe megiî Eli na andû a mûciî wake, kuuma Kîammbîrîria nginya mûthiia.

1Sam 4:11

Narîo îthandûkû rîa Kîrîkanîro rîa Ngai nîrîatavîrûe; nao anake a Eli oîrî, Hofini na Finehasi makîûragwa.

1Sam 4:17

Nake mûnjaama nîwacokirie na akiuga atîrî, “Aisiraeli nîmaaûrire nî Afilisiti; na andû etû eengî mûno maûragwa! Makîria ya ûguo, anake aku Hofini na Finehasi wanao nîmaûragirwe, na îthandûkû rîa Kîrîkanîro rîa Ngai rîatavwa!”

1Sam 4:21

Nake nîwatuîrîre kaana kau rîîtwa Ikabodi. Vîndî wa îo nîwataarîrie na akiuga atîrî, “Riiri wa Ngai nîûthengutîte Isiraeli.” Oorotaga gûtavwa kwa îthandûkû rîa Kîrîkanîro rîa Ngai vamwe na gîkuû Kîam îthe wa mûthuuriwe marî na mûthuuriwe.

1Sam 4:22

Nîwaugire atîrî, “Riiri wa Ngai nîûthengutîte Isiraeli, nîûndû îthandûkû rîa Kîrîkanîro rîa Ngai nî rîtave.”