1Sam 2:3 - ÎVUKU RÎA ÛVORO MWARO

³ Mûtigacoke kwaria na mwîtîîo rîngî. Tigani gwîtîîaga vîndî îrîa mûkwaria, nîûndû Ngai-Mûnene nîke Ngai ûrîa wicî maûndû, atucagîra andû onthe kûringana na ciîko ciao.

1Sam 2:3 ပူးပေါင်းရင်းမြစ်များ

1Atha 8:39

nakûthaitha ûkaathikîrîria mavoya mao ûrî kûu ûtûûraga îgûrû, ûkaamovera na ûmatethie. Na nîûndû we wenga nîwe wîcî ngoro ya mûndû, îka wa mûndû kûringana na ûrîa ûkoona kwagîrîrîte,

Ayubu 31:6

Ngai nîanthime na kîthimi kîrîa Kîamgîrîru, na nîakwona atî nie ndirî na mavîtia.

Thaburi 147:5

Ngai-Mûnene nî mûnene na nîecûrîtwe nî ûvoti, ûûgî wake ndûngîthimîka.

Thaburi 17:10

Matirî ntha na maragia na mwîtîîo.

Thaburi 31:18

Kiria andû arîa maveenanagia, andû arîa etîi na aganu, arîa manyararaga andû arîa athingu.

Thaburi 44:21

we Ngai, ûngîrî mûmenyu ûvoro ûcio, nîûndû we nîwicî nthitho ya ngoro cietû.

Thaburi 75:5

Mûtikeyone takwa mûrî andû a vata mûno, kana mwaragie na mwîtîîo.”

Thaburi 94:4

Nî nginya rî eki naaî magûtûûra maragia ciugo cia gwîtîîa, andû arîa acûku magûtûûra metîîaga?

Nthi 16:2

Mûndû onaga ciîko ciake cionthe irî mbaro, nwatî Ngai-Mûnene atuîragia ngoro ya mûndû.

Nthi 24:12

Ethîrwa nwa uge atîrî, “Nie ndiîcî ûvoro ûyû,” Ngai-Mûnene ûrîa ûmenyaga ngoro cia andû nîonaga, nîakaarîva mûndû kûringana na wîra wake.

Nthi 8:13

Gwîtigîra Ngai-Mûnene nî kûthûûra maûndû macûku; nî nthûrîte mwîtîîo, mwîcaaro, maûndû macûku na maûndû ma kûvîtithia andû.

Isaia 26:7

Njîra ya andû arîa athingu nî nûngarû; we Ngai-Mûnene nîûrûngaragia njîra cia andû arîa athingu.

Isaia 37:23

Nîûrîkû ûthekererete na ûkaruma? Nîûrîkû ûcio ugîrîrîtie na ûgakûûrîra metho? Nînie Ûrîa Mûtheru wa Isiraeli!

Jeremia 17:10

Nie Ngai-Mûnene nî nie nduîragia meciria ma andû, na ngathima ngoro ciao. Kwoguo mvecaga mûndû kîrîa kîringanîte na mûtûûrîre wake, na kûringana na ciîko ciake.”

Ezek 35:13

Nîmbîguîte ûrîa wîthîrîtwe ûgîîtîa na ûkîaria maûndû meengî mambîgiî.”

Danieli 4:37

Na rîu, nie Mûthamaki Nebukadinezarû, nînîragooca, ngakumia na ngava Mûthamaki wa îgûrû riiri, nîûndû mawîra make monthe nî ma kîvooto, njîra ciake nî cia ma, na nîanyivagia arîa etîi.

Danieli 5:27

TEKELI nî kuga, atî we wî mûthime na ratiri ûkoneka ûtarî mwagîrîru.

Malaki 3:13

Ngai-Mûnene arauga atîrî, “Nîmwarîtie maûndû macûku mûno mambîgiî. Nwatî mue mûragia atîrî, ‘Nî maûndû marîkû macûku twarîtie îgûrû rîaku?’

Ahib 4:12

Kiugo Kîam Ngai kîrî mwoyo nîkîrutaga wîra na nî kîûgî gûkîra rûviû rûrîa rûnoore mîena îîrî. Nîgîtemaga nginya varîa ngoro na mwoyo inyitanîrîte, na gîgatema gatagatîrî ka marûngo wana gatagatî ka mavîndî. Na nîkîvotaga gûtuîria na kûmenya meciria na merirîria ma ngoro cietû.

Josh 22:22

“Ngai Ûmwe ûrîa ûrî Vinya, nîke Ngai-Mûnene! Ngai Ûmwe ûrîa ûrî Vinya, nîke Ngai-Mûnene! Ke nîwicî kîrîa gîatûmire twîke ûguo na nîtûkwenda wanamue mûmenye. Ethîrwa nîtwekire ûndû mûcûku na tûkîthûkia kîrîkanîro gîetû na Ngai-Mûnene, ndûkareke tûtûûra mwoyo!

Kûguû 2:23

Wana nîngaaûraga arûmîrîri ake. Namo makanitha monthe nîmakaamenya atî nie nînie nduîragia meciria ma andû na ngamenya merirîria mao. Nie nîngaaverithia wa ûmwe wa cienyu kûringana na mevia marîa ekîte.

Atir 9:38

Zebuli nîwacokire akîmwîra atîrî, “Waragia atîa? Kinthî tîwe waûririe nî tûtungatîra Abimeleki nîkî? Kinthî andû aya tîo warumire? Thiî rîu mûkarûe nao.”

1Sam 16:7

Nwatî Ngai-Mûnene nîwerire Samueli atîrî, “Tiga kûroria ûrîa aracavîte kana ûrîa arî mûthaka. Nie nînîmûregete, nîûndû ndiroragia ta ûrîa andû maroragia. Andû maroragia ûrîa mûndû ethagîrwa ekariî akîonwa na metho, nwatî nie ndoragia ngoro ndaarî.”