1Sam 2:29 - ÎVUKU RÎA ÛVORO MWARO

²⁹ Nîndûî vi kîratûma ûkorokere iveo na magongoona marîa naathire andû akwa mandutagîre? We Eli, nîndûî kîratûma ûtîîe anake aku kûngîra na njîra ya kûmetîkîria menorithagie na iveo irîa mbaro mûno cia irîa ndutagîrwa nî andû akwa, Aisiraeli?

1Sam 2:29 ပူးပေါင်းရင်းမြစ်များ

2Atha 12:6

Nwatî mwakarî wa mîrongo îîrî na îthatû (23) Joashi arî mûthamaki, athînjîri-Ngai matiatûmîte andû macoke hekarûrî.

Thaburi 26:8

Nîmendete hekarû yaku kûrîa ûtûûraga, we Ngai-Mûnene, na vandû varîa riiri waku wîkaraga.

Ezek 13:19

Mue nîmûmbagithîtie gîtîîo mbere ya andû akwa nîûndû wa kûvewa îvaki rîa cairi ya ngundi na tûirio tûnini. Nîmûragithîtie andû arîa matagîrîrwe nî kûragwa na mûkavonokia andû arîa matagîrîrwe nî gûtûûra mwoyo na njîra ya kûveenia andû akwa nao magetîkia maveeni menyu.’ ”

Ezek 34:10

Nie Ngai-Mûnene Ngai nîndeganîte namue. Nîngaamûcuna ng'ondu irîa mûrî nacio na ndigetîkîra mûtuîke arîthi a cio. Mue ene mûtigaacoka kwîguna nacio rîngî. Nîngaaivonokia kuuma kûrî mue nîguo itigatuîke nyama cienyu.

Ezek 34:2

“Mûndû, rathîra arîthi a Isiraeli na ûmere ûrîa nie Ngai-Mûnene Ngai mbugîte. Meere atî marî na thîna nîûndû merîthagia o ene. Anga arîthi matiagîrîrwe nî kûrîthia ng'ondu?

Hosea 4:8

Metongetia na maketha ma andû akwa arîa evia, nîmeriragîria mûno kwona magîka mevia.

Alawi 19:15

“Tuithanagiani maciira na kîvooto; mûtikonanie kîmenyano kûrî athîni kana mwîtigagîre itonga, nwatî tucagîrani andû arîa engî ciira na kîvooto.

Mika 3:5

Ûvororî wîgiî arathi arîa mavîtithagia andû akwa; arathi arîa marathaga thayû rîrîa mavewa kîndû, nwatî makamarathîra mbaara rîrîa matavetwe kîndû.” Ngai-Mûnene arauga atîrî,

Mathaayo 10:37

“Mûndû ûrîa wendete îthe kana ng'ina kûngîra tîmwagîrîru wa gûtuîka mûrutwa wakwa; na mûndû ûrîa wendete mûvîcî kana mwarî kûngîra tî mwagîrîru wa gûtuîka mûrutwa wakwa.

Mathaayo 22:16

Nîmaatûmire arutwa ao na andû amwe a Kîamma Kîam Aerodia kûrîke na makîmwîra atîrî, “Mwarimû, tue nîtwîcî atî we waragia ûma na nîûthomithagia andû ûma wîgiî wendi wa Ngai ûtakûmakua nî ûrîa magwîciria. Na ndwendaga kûmenya mûndû nî wa ngathî îrîkû.

Luka 14:26

“Mûndû wa wonthe ûkaga kûrî nie na nwa ende gûtuîka mûrutwa wakwa nwa nginya amende makîria ya ûrîa endete îthe na ng'ina, mûka na ciana, aa mûrwang'ina na aa mwarwang'ina, na amende makîria ya ûrîa eyendete ke mwene.

Aroma 16:18

Nîûndû andû arîa mekaga maûndû ta mau matungatagîra mavu mao, nwatî tî Mwathani wetû Jesû Kristû. Na njîra ya ciugo ciao mbaro na mîario yao îrî na mûrîo, andû acio nîmaveenagîrîria andû arîa marî ngoro mvûthû.

2Akor 5:16

Kwoguo kuuma rîu, tûtigûcoka gûtucagîra mûndû wa wonthe kûringana na meciria ma andû. Wana ethîrwa vîndî îmwe nîtwatuîrîre Kristû kûringana na ûrîa andû meciragia, rîu tûtiîkaga ûguo.

Gûco 32:15

“Andû a Isiraeli nîmaarîre waro na makînora, nwatî makîregana nake; nîmaanorire magîtunguva na makîvaa mûno. Nîmaareganire na Ngai ûrîa wamaûmbire, na magîtiganîria mûvonokia wao mûnene.

Gûco 33:9

Alawi nîmaatwire matiganîrie aciari ao, makîriganîrwa nî aa mûrwang'ina na aa mwarwang'ina, na magîtiganîria ciana ciao. Nîmaavingirie maathani maku, na makîrûmîrîra kîrîkanîro gîaku.

Jakuvu 3:17

Nwatî mbere ya maûndû monthe, ûûgî ûrîa uumaga îgûrû nî mûtheru, nî wa thayû, ûvoreri na wendani. Ûûgî ûcio wîcûrîtwe nî ntha na nîûciaraga maciaro ma ciîko mbaro, ndûrî kîmenyano na ndûrî ûvinga.

Josh 18:1

Andû onthe a Isiraeli nîmaagomanire Shilo. Nîmaambire îgema rîa kûgoocagîra Ngai-Mûnene kûu Shilo, nîûndû vûrûri ûcio nîmaaûvotete.

1Sam 3:13

Nie nîmbîrîte Eli atî, nîngaaverithia andû a mûciî wake tene na tene nîûndû wa mîtugo mîcûku ya kûnuma îrîa îthîrîtwe îrî na anake ake. Eli ke mwene nîwaicî atî avîcî ake nîmeekaga maûndû macûku, nwatî ndaamakaania.