1Sam 2:28 - ÎVUKU RÎA ÛVORO MWARO

²⁸ Na nî nie naathuurire andû a mûciî wa Aroni gatagatîrî ka mîvîrîga yonthe ya Isiraeli matuîke athînjîri-Ngai akwa, nîguo mekagîre nguo ntheru vîndî îrîa makwenda kûmbarîria, mathiîcage metharî ya kîgongoona, na mamvîvagîrie ûbani vo. Nie nînaamavere rûtha meigagîre iveo imwe cia irîa ciavothagwa nî Aisiraeli.

1Sam 2:28 ပူးပေါင်းရင်းမြစ်များ

2Sam 12:7

Nake mûrathi Nathani nîwerire Daudi atîrî, “We nîwe mûndû ûcio, na Ngai-Mûnene, Ngai wa Isiraeli arauga atîrî, ‘Naagûtuire mûthamaki wa Isiraeli na ngîkûvonokia kuuma kûrî Saûlo.

2Sam 6:14

Nake Daudi nîwainîre Ngai-Mûnene na vinya wake wonthe ekîrîte Efodi.

Ntha 28:1

“Îra mûrwanyûkwe Aroni na avîcî ake, Nadabu, Abihu, Eleazaru, na Ithamaru maûke varî we. Mamûre ûmarute kûrî andû a Isiraeli, nîguo mandungatagîre marî athînjîri-Ngai.

Ntha 28:4

Meere matume nguo ya gûkunîkîra kîthûri, efodi, nguo ndaca, kavuti karaca gakinyîte nthûng'warî na kagemetue na ndigi cia marangi ngûrani, kîremba na mûcivi mûraca ûtumîtwe na gîtambaa. Nîmatume nguo icio ntheru cia mûrwanyûkwe Aroni na avîcî, nîguo mandungatagîre marî athînjîri-Ngai.

Ntha 30:7

Aroni akaavîvagîria ûbani mûnungi waro îgûrû rîa metha ya kîgongoona iraûko cionthe rîrîa agûka gwakia taa.

Ntha 30:8

Na vîndî îrîa agûka gwakia taa kîvwaî nwanginya avîvie ûbani. Matega mama ma kûvîvia ûbani nîmatûûra marutagwa nî njiarwa ciaku cionthe.

Alawi 2:10

Matega mau mengî magaatigara nî ma athînjîri-Ngai; nî matheru mûno nîûndû nî mamwe ma matega ma kûvîvua marîa marutîrîtwe Ngai-Mûnene.

Alawi 2:3

Matega ma irio marîa magaatigara nî ma athînjîri-Ngai; nî matheru mûno nîûndû nî mamwe ma irio irîa irutîrîtwe Ngai-Mûnene.

Alawi 6:16

Mûtu ûcio wîngî ûkaarîwa nî Aroni na avîcî ake. Ûkaarîrwa vandûrî varîa vatheru, na nîvo nja ya îgema rîa Ngai-Mûnene, ûtekîrîtwe ndawa ya kwimbia.

Alawi 7:32

Nîmûkaanenganîra nyama ya Kîamû gîa kûgûrû kwa ûrîo kwa vuva wanayo kûrî mûthînjîri-Ngai kuuma kûrî nyamû ya îtega rîenyu rîa thayû.

Alawi 7:36

Mûthenya ûcio nîrîo Ngai-Mûnene aathire andû a Isiraeli manengagîre athînjîri-Ngai icunjî icio cia matega. Mau nîmo maathani marîa andû a Isiraeli na njiarwa ciao magîrîrwe nî gûtûûra marûmagîrîra.”

Ndari 16:5

Nîwacokire akîra Kora na arûmîrîri ake onthe atîrî, “Rûyû kîraûko Ngai-Mûnene nîagaatwonia mûndû ûrîa athuurîte atuîke wake. Mûndû ûcio nîke ûkaavotithagua nî Ngai-Mûnene kûthiî metharî yake.

Ndari 18:19

“Nînakûva we avîcî aku na erîtu aku matega monthe ma mwanya marîa andû a Isiraeli makaandutagîra matûûre marî menyu. Gîkî nîgîtûûra kîrî kîrîkanîro gîakwa nawe na njiarwa ciaku na gîtikaagarûrwa.”

1Sam 14:3

(Amwe gatagatîrî ka arûme acio maarî, mûthînjîri-Ngai ûrîa wetagwa Ahija na nîke wakuuîte efodi. Ahija aarî mûvîcî wa Ahitubu; Ahitubu aarî mûrwang'ina na Ikabodi. Ikabodi nake aarî mûvîcî wa Finehasi, Finehasi aarî mûvîcî wa Eli, ûrîa warî mûthînjîri-Ngai wa Ngai-Mûnene kûu Shilo.) Nao arûme acio matiamenya atî Jonathani aarî mûthiîu.

1Sam 2:18

Samueli nîwathiîre na mbere gûtungatîra Ngai-Mûnene ekîrîte nguo îrîa yarathimîrîtûe wîra ûcio.