1Sam 2:10 - ÎVUKU RÎA ÛVORO MWARO

¹⁰ Ngai-Mûnene nîagacûkangia nthû ciake, nîakaairiva na mûgambo ta wa ngwa arî îgûrû. Ngai-Mûnene nîagaacirithia andû onthe a nthî, na ave mûthamaki ûrîa ke athuurîte ûvoti, amûve vinya wa kûvootana.”

1Sam 2:10 ပူးပေါင်းရင်းမြစ်များ

2Sam 22:14

Ngai-Mûnene nîwarurumithirie marurumî îgûrû, naguo mûgambo wa Ngai mwene vinya wonthe ûkîguwa.

2Sam 7:13

Ûcio nîke ûkaandumîra hekarû na nîngaatûma ûthamaki wake ûtûûre tene na tene.

2Sam 7:8

“Kwoguo îra ndungata yakwa Daudi, atî nie Ngai-Mûnene mwene vinya wonthe nîramwîra atîrî, ‘Nie naakûrutire kîthakarî kûrîa warîthagia ng'ondu nîguo ûtuîke mûtongoria wa andû akwa a Isiraeli.

Ayubu 40:9

We wî vinya ta nie? Wavota kûruruma na mûgambo ta wakwa?

Thaburi 132:17

Nîngaatûma kuume ûmwe wa njiarwa cia Daudi arî mûthamaki; nîmwamûrîte atuîke ta taa ya andû akwa.

Thaburi 148:14

Nîatûmîte andû ake magîe na vinya, nîguo andû ake onthe mamûgooce, andû a Isiraeli arîa endete mûno. Kumiani Ngai-Mûnene!

Thaburi 2:2

Athamaki a nthî nîmevaragîria, nao atongoria a nthî makathiî ndundu nîguo maregane na Ngai-Mûnene na maregane na mûthamaki ûrîa Ngai-Mûnene athuurîte makiugaga atîrî,

Thaburi 2:6

“Nîmbigîte mûthamaki ûrîa nthurîte, nîmwigîte Zayuni, kîrîmarî gîakwa kîtheru.”

Thaburi 2:9

Nîûgaacûkangia mavûrûri marîa mengî mathire viû, ûkaamaûraga mavaragane ta nyûngû ya yûmba.’ ”

Thaburi 20:6

Rîu nîmbicî atî Ngai-Mûnene nîavecaga mûthamaki ûrîa athuurîte ûvootani, arî îgûrû kûrîa atûûraga nîacokagia mavoya make, nîamûvotithagia kûvoota nthû ciake cionthe na vinya wake.

Thaburi 20:7

Andû amwe metîîaga na ikaari ciao cia mbaara, nao engî magetîîa na mbarathi ciao, nwatî tue twîtîîaga na Ngai-Mûnene, Ngai wetû.

Thaburi 21:1

Mûthamaki arî na gîkeno, we Ngai-Mûnene, nîûndû Nîwamûvere vinya, nîakenete mûno nîûndû nîwamûvotithirie kûvootana.

Thaburi 28:8

Ngai-Mûnene nîagitagîra andû ake, nîagitagîra na akavonokia mûthamaki ûrîa athuurîte.

Thaburi 45:7

nîwendete ûthingu na ûkamena waganu. Kwoguo Ngai, Ngai waku nîakûthuurîte, na nîakûvete gîkeno gûkîra athamaki arîa engî onthe.

Thaburi 89:17

Nîûndû we nîwe vinya wao wa magegania; wendo waku nîguo ûtûmaga mavoote nthû ciao.

Thaburi 89:24

Wîvokeku wakwa na wendo wakwa ûtathiraga ûkethagîrwa nake, nîngaatûmaga avootanage vîndî cionthe.

Thaburi 89:25

Nîngaatûma ûthamaki wake wîvande, kuuma îriarî kûthiî nginya nyûnjîrî.

Thaburi 96:13

îkaaina îrî mbere ya Ngai-Mûnene rîrîa agaaûka. Nîûndû agaaûka gûtuîra andû a nthî ciira. Ke agaatuîra nthî na waragania na andû a nthî na kîvooto.

Thaburi 98:9

mûrî mbere ya Ngai-Mûnene, nîûndû nîaûkîte gûtuîra nthî ciira. Ke agaatuîra andû na waragania na kîvooto.

Ntha 15:6

Njara yaku ya ûrîo we Ngai-Mûnene îrî riiri na îrî vinya; njara yaku ya ûrîo we Ngai-Mûnene yunangaga nthû tûcunjî tûcunjî.

Mûvunjia 11:9

We mwanake kenagîra wîthî waku. Ngoro yaku nî îkenagîre wîthî waku. Îkaga ûrîa ngoro yaku îrenda. Nwatî ririkana atî Ngai nîagaagûtuîra nîûndû wa maûndû marîa monthe wîkaga.

Mûvunjia 12:14

Ngai nîagaatuîra wa mûndû kûringana na maûndû monthe marîa ekaga, wana maûndû monthe marîa mekagîrwa ndumarî, marî maro kana marî macûku.

Isaia 29:6

Ngai-Mûnene mwene vinya wonthe nîagaaûka kûrî mue, na njîra ya ngwa, kîthingithia na mûgambo mûnene, rûkûngi rwa ngoma cia aka, rûkûngi rûnene na mwaki wa kûthiria.

Isaia 32:1

Nîgûkaagîa na mûthamaki ûkaathanaga na ûthingu, na anene mathanage na kîvooto.

Isaia 45:24

“Vîndî îo nîgûkeerwa îgûrû rîakwa atî: Ûthingu na vinya cionekaga kûrî Ngai-Mûnene; andû arîa onthe maamûrakarîrîte, nîmagaaûka kûrî ke na maconoke.”

Ezek 29:21

“Mûthenya ûcio nîngaatûma andû a Isiraeli magîe na vinya na nîûkaavota kwaria ûrî gatagatî kao, nao nîmakaamenya atî nie nînie Ngai-Mûnene.”

Mathaayo 25:34

Nake mûthamaki nîagaacoka ere andû arîa makeethîrwa marî mwena wake wa ûrîo atîrî, ‘Ûkani mue arîa mûrathimîtwe nî Vava! Ûkani mûgwate Ûthamaki ûrîa wavarîrîtue nîûndû wenyu kuuma wa Kîammbîrîria gîa kûmbwa kwa nthî.

Mathaayo 28:18

Nake Jesû nîwathiîre vakuvî nao na akîmeera atîrî, “Nie nîrî mûve wathani wonthe gûkû nthî wana îgûrû.

Luka 1:69

Nîatûvete mûvonokia ûrî na vinya, ke nî njiarwa ya Daudi ndungata yake.

Luka 19:27

Nacio nthû ciakwa irîa iteendaga nduîke mûthamaki wacio, ireteni ava mbere yakwa na mûciûrage ngîonaga!’ ”

Ciîko 10:38

Mue nîmwîcî ûvoro wîgiî Jesû Mûnazarethi. Ngai Nîwamûvere Roho Mûtheru na akîmûva vinya. Jesû nîwathiîcaga kûndû kuonthe agîkaga waro na akîvonagia arîa onthe maanyitîtwe nî Ngoma. Jesû eekaga ûguo nîûndû Ngai aarî vamwe nake.

Ciîko 4:27

Nîûndû ûguo nîguo gwekîkire rîrîa Herode, Pontio Pilato, andû a Ndûrîrî na andû a Isiraeli, maatûnganire vamwe îtûûrarî rîîrî rîa Jerusalemu. Nîmaaregire Jesû ndungata yaku ntheru îrîa we watuire Mesaya.

2Akor 5:10

Nîûndû tuonthe nwanginya tûkaarûgama mbere ya Kristû tûtuîrwe nîke. Wa mûndû nîakaagwata kîrîa kîmwagîrîrîte, kîrî Kîamro kana kîrî gîcûku kûringana na wîra ûrîa mûndû arutîte arî na mwîrî.

Atir 5:31

Ngai-Mûnene, nthû ciaku irokua wa ûguo, nwa arata aku maroîthîrwa mekariî ta riûa rîkîratha! Naguo vûrûri ûcio nîwagîre thayû îvinda rîa mîaka mîrongo îna.

1Sam 12:13

“Rîu mûthamaki ûrîa mwetirie na mûkîthuura Ngai-Mûnene nîwamûvere, na nîke ûyû ava.

1Sam 12:17

Îvinda rîîrî nî rîrîa kwîthagîrwa gûtarî na mbura. Nwatî nie nîmvoya Ngai-Mûnene nîguo arete ngwa na aurithie mbura. Vîndî îrîa ûndû ûyû ûgeekîka nîrîo mue mûkaamenya, atî nîmwekire wîvia mûnene kûrî Ngai-Mûnene rîrîa mwetirie mûthamaki.”

1Sam 12:18

Kwoguo Samueli nîwavoire kûrî Ngai-Mûnene, nake Ngai-Mûnene akîrete ngûa na akiurithia mbura mûthenya wa ûcio. Nao andû onthe nîmeetigîre Ngai-Mûnene na Samueli

1Sam 12:3

Rîu nie nîrî ava. Ethîrwa kûrî na ûndû mûcûku naneka, nthitangani rîu tûrî mbere ya Ngai-Mûnene na mbere ya mûthamaki ûrîa ke eetîrîrie maguta. Nanaîa ng'ombe kana mvunda ya mûndû? Nanacuuna mûndû kîndû na njîra ya maveeni, kana ngakinyîrîria mûndû? Nanetîkîra gwoca îvaki kuuma kûrî mûndû wana ûrîkû? Ethîrwa naneka ûmwe wa maûndû mama, nie nîngûrîva.”

1Sam 15:28

Nake Samueli akîîra Saûlo atîrî, “Ngai-Mûnene nîatembûra ûthamaki wa Isiraeli kuuma kûrî we ûmûnthî na nîa akaûvecana kûrî mûndû wîngî mwaro gûgûkîra.

1Sam 16:1

Nake Ngai-Mûnene nîwaûririe Samueli atîrî, “Nîûtûûra ûrîragîra Saûlo nginya rî? Nie nînîmûregete athiî na mbere arî mûthamaki wa Isiraeli. Îcûria mûcuva waku maguta ma mîtamaiyû îrîa îciaraga matunda na ûthiî Bethilehemu kwa mûndû wîtagwa Jesii, nîûndû nie nî nthuurîte ûmwe wa anake ake atuîke mûthamaki.”

1Sam 7:10

Vîndî îrîa Samueli aarutaga îtega, Afilisiti nîmaakuvîvîrie Aisiraeli nîguo mamatharîkîre; nwatî Ngai-Mûnene nîwarurumîre Afilisiti na mûgambo mûnene kuuma îgûrû, na makîvîngîcîka; nao Aisiraeli makîmariva mûno.