1Sam 19:5 - ÎVUKU RÎA ÛVORO MWARO

⁵ Nîweîkîrire ûgwatirî mûnene rîrîa aaûragire Goliathu na Ngai-Mûnene agîtûma Aisiraeli mavootane. Rîrîa wonire ûndû ûcio, we nîwakenire. Rîu we ûrenda gwîka ûndû ûyû mûcûku nîkî wa gwîtûrûra nthakame ya mûndû ûtarî na wîvia na njîra ya kûûraga Daudi vatarî na gîtûmi?”

1Sam 19:5 ပူးပေါင်းရင်းမြစ်များ

2Sam 23:10

nwatî Eleazaru nîwarûire na Afilisiti nginya njara yake îkînoga na îkîûmagara ûndû îtangîavotire kûrekia rûviû rûrîa aanyitîte. Ngai-Mûnene nîwatûmire ûvootani mûnene wonekane mûthenya ûcio. Mbaara yathira Aisiraeli nîmaacokire varîa Eleazaru aarî na magîoca indo irîa ciatigîtwe nî andû arîa maaûragîtwe.

1Maû 11:14

Nwatî Eleazaru nîwarûngamire mûgûndarî gatagatî marî na andû ake na nîmaaûgitîre na makîûraga Afilisiti. Ngai-Mûnene nîwavere Eleazaru na andû ake ûvootani mûnene.

1Maû 11:18

Athigari arîa athatû njamba nîmaavîtûkîrîre varîa athigari a Afilisiti maambîte magema mao, nîmaathiîre magîtava manjî na makîvirîra Daudi. Nwatî Daudi ndaanyua manjî mau, vandû va ûguo nîwametûrûrire nthî marî ta îtega kûrî Ngai-Mûnene

Thaburi 109:5

Nîmekaga maûndû maro nao makandîva na maûndû macûku, nînîmendete, nwatî o nîmamenete.

Thaburi 119:109

Mbîthagîrwa vîndî cionthe nîrî thînarî wa gîkuû, nwatî ndiriganagîrwa nî watho waku.

Thaburi 25:3

Ndûkareke andû arîa magwîtîkîtie maconorithue, nwatî ûconorithie arîa mareganaga nawe.

Thaburi 69:4

Arîa mamenerete mana nî eengî gûkîra njuîrî cia kîongo gîakwa. Nthû ciakwa ciaragia maveeni îgûrû rîakwa; marî na vinya na marenda kûmbûraga, nîngîvota atîa gûcokia kîndû ndaîîte?

Thaburi 94:21

Manyitanagîra vamwe nîguo mathirie andû arîa athingu, na matucagîra andû arîa matarî na mavîtia maûragwe.

Ntha 14:13

Nake Musa nîwamacokerie atîrî, “Mûtigetigîre, mwîyûmîrîrie na nîmûkwona ûrîa Ngai-Mûnene agwîka nîguo amûvonokie ûmûnthî. Mue mûtigaacoka kwona andû aya a Misiri rîngî.

Jeremia 26:15

Nwatî menyani nama atî mwambûraga, mue na îtûûra rîîrî rîonthe atî nîmûgûcokererwa nî nthakame ya mûndû ûtarî na mavîtia, nîûndû nama nî Ngai-Mûnene wandûmire mbarie ciugo ino mûkîgucaga.”

Mathaayo 27:24

Rîrîa Pilato oonire atî gûtirî ûndû angîka na akîona atî andû mavota kûgoma, nîwocire manjî, akîîthambia njara arî mbere ya kîrîndî na akîmeera atîrî, “Nie ndikaûrua nthakame ya mûndû ûyû. Ûyû nî wîra wenyu!”

Mathaayo 27:4

“Nie nînjîvîtie nîûndû wa gûcukanîrîra mûndû ûtevîtie nîguo aûragwe.” Nao nîmaamûcokerie atîrî, “Tue tûtiramaka nî ûguo, ûcio nî thîna waku.”

Johana 15:25

Naguo ûndû ûyû wekîkire nîguo ciugo ivinge irîa ciandîkîtwe wathorî wao atî: ‘Maamenire gûtarî na gîtûmi.’

Ciîko 20:24

Nwatî ndionaga mwoyo wakwa ûrî na vata wana vanini. Ûndû ûrîa ûrî na vata nî kûrîkia wîra na gûkinyîra mûthiia wa ûtungati ûrîa Mwathani Jesû aamveere ndute, naguo nî kûvecana Ûvoro Mwaro wîgiî wega wa Ngai.

Afil 2:30

nîûndû aarî vakuvî gûkua nîûndû wa wîra wa Kristû. Ekire ûguo nîguo andethie na ûtethio ûrîa mue mûtangîavotire kûmva.

Ahib 2:3

Tûngîrega kûverithua atîa tûngîtiganîria ûvonokio mûnene ta ûyû? Mwathani nîke warî wa mbere kwanîrîra ûvonokio ûyû, natue nîtwamenyithirue atî nî wa ma nî arîa maamwîgwire.

Atir 12:3

Rîrîa noonire atî tîmûmvonokia, nînevirire ûgwatirî wa gîkuû na nînaaringire ngîthiî kûrûa na Aamoni na Ngai-Mûnene nîwamvotithirie kûmavoota. Kwoguo mûkîte kûrî nie mûkîenda tûrûe namue nîkî?”

Atir 9:17

Ririkanani atî, vava nîwamûrûîrîre na agîtonyia ûgwatirî wa gîkuû, na akîmûvonokia kuuma kûrî Amidiani.

1Sam 11:13

Nwatî Saûlo nîwamerire atîrî, “Ûmûnthî gûtirî mûndû ûkûûragwa, nîûndû ûmûnthî nîguo mûthenya ûrîa Ngai-Mûnene avonokia andû a Isiraeli.”

1Sam 14:45

Nao andû nîmeerire Saûlo atîrî, “Kûngîvoteka atîa Jonathani akue na arutîte wîra mûnene ûguo wa gûtûma andû a Isiraeli mavootane? Naarî! Tue nîtwevîta na Ngai-Mûnene ûrîa ûtûûraga mwoyo atî, gûtirî wanarî rûcuîrî rûmwe rûkauma kîongorî gîake. Ûrîa ekire ûmûnthî wîkîkire na ûtethio wa Ngai.” Kwoguo andû nîmaavonokirie Jonathani kuuma gîkuûrî.

1Sam 19:6

Saûlo nîwetîkirie ûrîa Jonathani aamwîrire na akîîvîta na rîîtwa rîa Ngai-Mûnene atî, ndakaaûraga Daudi.

1Sam 20:32

Jonathani nîwacokerie îthe Saûlo atîrî, “Nîndûî gîgûtûma akue? Nîkwa ekîte atîa?”

1Sam 22:14

Ahimeleku nîwacokerie mûthamaki atîrî, “Daudi nîke ndungata îrîa îîvokekete mûno gatagatîrî ka ndungata ciaku cionthe! Ke nî mûthoniguo, nîke mûnene wa athigari arîa makûrangagîra na nîatîîtwe mûno nî andû onthe a nyomba yaku.

1Sam 28:21

Nake mûndûmûka ûcio nîwacokire akîthiî kûrî Saûlo, na ona ûrîa aamakîte nîwamwîrire atîrî, “Mwathi wakwa, nînîîtonyirie ûgwatirî wa gîkuû rîrîa mbîtîkîrire gwîka ûrîa we ûmbîrire.