1Sam 19:24 - ÎVUKU RÎA ÛVORO MWARO

²⁴ Nîwarutire nguo ciake na akîambîrîria kûratha arî mbere ya Samueli. Nîwekarire arî njaga mûthenya ûcio wonthe na ûtukû. (Kwoguo andû nîmaambîrîrie kûrania atîrî, “Nîkwa Saûlo wanake arî mûtuîku mûrathi?”)

1Sam 19:24 ပူးပေါင်းရင်းမြစ်များ

2Sam 6:14

Nake Daudi nîwainîre Ngai-Mûnene na vinya wake wonthe ekîrîte Efodi.

2Sam 6:20

Vuvarî rîrîa Daudi aathiîre kûrathima andû a mûciî wake, Mikali mwarî wa Saûlo nîwathiîre kûmûtûnga na akîra Daudi atîrî, “Kaî mûthamaki wa Isiraeli nîatûmîte atîwe ûmûnthî-î! Ke eguûririe nguo yake ya ûthamaki methorî ma ndungata ciake cia erîtu ta mûndû mûritu!”

Isaia 20:2

Ngai-Mûnene nîwerire Isaia mûvîcî wa Amozu atîrî, “Thiî ûrute nguo îo ya macakaya wîyovete kîûnûrî na ûrute iratû magûrûrî maku.” Nake Isaia nîwekire guo, akîthiî arî njaga na arî magûrû matheri.

Mika 1:8

Nîûndû wa ûguo nîngûrîra na njakae; nînthiî nîrî njaga na ndarî iratû. Nîndîra ta Kîamthi, na ndîre ta nyaga.

Ndari 24:4

Ûyû nî ûrathi wa mûndû wîgucaga mûgambo wa Ngai, mûndû wonaga cioneki cia Ngai Mwene Vinya, mûndû wîgwîthagia nthî mbere ya Ngai na akona cioneki.

Ciîko 9:21

Nao andû onthe arîa maamwîgwire nîmaamakire mûno na makîûrania atîrî, “Na kinthî mûndû ûyû tîke ûrîa ûrarî Jerusalemu, na nîke ûraûragaga andû arîa magoocaga mûndû ûcio wîtagwa Jesû? Wana kinthî ke twake ûraûkire gûkû nîûndû wa gîtûmi wa kîu gîa kûnyita arûmîrîri acio a Jesû akîmacokagia kûrî anene a athînjîri-Ngai?”

1Sam 10:6

Nake Roho wa Ngai-Mûnene agaûka îgûrû rîaku na vinya wa rîmwe na ûgarûrûke ûtuîke mûndû wîngî. Nawe ûkanyitanîria nao na wambîrîrie kwina ugîrîrîtie.

1Sam 15:35

Nake Samueli ndoona Saûlo rîngî nginya rîrîa aakwire. Nwatî Samueli nîwarîrîre Saûlo mûno. Na Ngai-Mûnene nîweririre nîûndû wa gûtua Saûlo mûthamaki wa Isiraeli.

1Sam 18:10

Naguo mûthenya ûcio wîngî roho mûcûku aumîte kûrî Ngai nîwatonyire kûrî Saûlo wa rîmwe arî gwake mûciî na agîkara ta mûndû wî na ngoma. Vîndî îo, Daudi nîkwa aavûûraga ngita wata ûrîa aamenyerete gwîka wa mûthenya wa mûthenya, nake Saûlo aanyitîte îtumû na njara yake.