1Sam 19:2 - ÎVUKU RÎA ÛVORO MWARO

² Kwoguo Jonathani nîwerire Daudi atîrî, “Vava nîarenda gûkûûraga. Kwoguo îîmenyerere rûyû kîraûko ûkeethitha vandû ûtakwonwa na wîkare vo.

1Sam 19:2 ပူးပေါင်းရင်းမြစ်များ

Thaburi 16:3

Andû arîa mevokete Ngai-Mûnene vûrûrirî kaî nî aro-î! Nîngenaga mûno ngîkarania nao.

Nthi 17:17

Mûrata wa ma nî wa vîndî cionthe. Andû arîa maciaranîrîtue vamwe nîmatethanagia vîndî ya thîna.

Ciîko 23:16

Nake mwanake ûmwe wa mwarwang'ina na Paûlo nîwegwire ûvoro wîgiî mûvango ûcio. Kwoguo mwanake ûcio nîwathiîre kûrîa athigari maarî na akîîra Paûlo.

Ciîko 9:24

Nao nîmaamwetagîrîra kîvingorî Kîam îtûûra rîu makîenda kûmûûraga, nwatî Saûlo nîwamenyire mûvango ûcio wao.

1Sam 19:1

Saûlo nîwerire mûvîcî Jonathani vamwe na ndungata ciake cionthe atî nîatuîte kûûraga Daudi. Nwatî Jonathani nîwendeete Daudi mûno.

1Sam 19:3

Nîngaathiî na nûngame vakuvî na vava kûu ûkethîrwa wîthithîte na nîmwarîrie ûvoro ûkwîgiî. Ethîrwa nîngaamenya ûndû wanarî ûrîkû, nîngaakwîra.”

1Sam 20:2

Nake Jonathani nîwamûcokerie atîrî, “Ûguo ûroaga gwîkîka! We tîûkua. Gûtirî ûndû wanarî ûmwe vava angîka atambîrîte, ûrî mûnene kana ûrî mûnini. Na ndangînthitha ûndû ûcio. Ûcio tî ûvoro wa ma!”

1Sam 20:5

Daudi nîwacokirie atîrî, “Rûyû nîrîo kûrî na kîrugo gîa karûngamo ka mweri na mbagîrîrwe nî kûrîcanîra na mûthamaki. Nwatî tiga nthiî ngethithe nginya kîvwaî Kîam mûthenya wa kathatû.