1Sam 18:5 - ÎVUKU RÎA ÛVORO MWARO

⁵ Daudi nîwavootanaga kûrîa kuonthe Saûlo aamûtûmaga, na nîûndû wa ûguo Saûlo nîwamûtuire mûnene wa athigari ake. Ûndû ûyû nîwakenirie andû onthe wana ndungata cia Saûlo.

1Sam 18:5 ပူးပေါင်းရင်းမြစ်များ

Kîam 39:23

Mûrûngamîrîri wa njera ndaatindanagîra na ûndû wana ûrîkû wa marîa meethagîrwa makîmenyererwa nî Josefu, nîûndû Ngai-Mûnene aarî vamwe na Josefu. Ûndû wa wonthe ûrîa Josefu eekaga Ngai-Mûnene nîwatûmaga ûmûthatûke.

2Sam 5:10

Daudi nîwathiîre na mbere kûgîa na vinya nîûndû Ngai-Mûnene, Ngai mwene vinya wonthe aarî vamwe nake.

2Sam 5:2

Wana mbererî rîrîa Saûlo aarî mûthamaki wetû, nîwe watongoririe andû a Isiraeli makîthiî mbaararî na makînûka. Ngai-Mûnene nîwakwîrîre atî nîûgaatuîka mûrîthi wa andû ake na ûtuîke mûtongoria wao.”

2Maû 17:3

Ngai-Mûnene nîwarathimire Jehoshafati nîûndû nîwarûmîrîre mîtugo îrîa îthe Asa aarî nayo. Jehoshafati ndaagooca Baali.

Thaburi 1:3

Eekariî ta mûtî ûrîa ûkûraga rûtererî rwa rûnjî, ûrîa ûciaraga maciaro îvinda rîrîa rîagîrîru, na mathangû ma guo matiûmaga. Nîathatûkagwa wîrarî wonthe ûrîa arutaga.

Thaburi 101:2

Nîngwîmenyerera ndûûre ndarî na ûcuke. Ûgaaûka kûrî nie rî? Nîngûtûûra nyombarî yakwa nîrî na ngoro ntheru,

Mathaayo 10:16

“Tathikîrîriani, namûtûma ta ng'ondu gatagatîrî ga ciathi. Kwoguo, gîani na ûûgî ta njoka na mwîthîrwe mûrî avoreri ta ndutuura.

Ciîko 7:10

na nîwamûtethûrire mathînarî mau make monthe. Josefu aarî mûve ûûgî mwîngî mûno nî Ngai arî mbere ya mûthamaki. Kwoguo mûthamaki wa Misiri nîwamûtuire mûnene wa vûrûri wa Misiri na akîmûva wîra wa kûrûngamîrîra andû onthe a mûciî wake.

Aefeso 5:17

Kwoguo tigagani gûtuîka irimû. Nwatî geragiani kûmenya ûrîa Mwathani endaga mwîke.

Akol 4:5

Îthagîrwani mûrî na ûûgî rîrîa mûgwîka maûndû gatagatîrî ka andû arîa matetîkîtie Kristû. Vûthagîrani waro kanya wa konthe karîa mwagîa nako.

Atir 1:19

Ngai-Mûnene nîwavotithirie andû a Juda kûnyita vûrûri ûrîa ûrî irîmarî, nwatî matiavota kûvoota andû arîa maatûûraga kûndû kûrîa kwaraganu nîûndû maarî na ikaari cia mbaara cia cuuma.

1Sam 13:2

Saûlo nîwathuurire arûme ngiri ithatû (3,000) a kuuma Isiraeli. Ke nîwekarire na arûme ngiri igîrî cia acio kûu Mikimashi na vûrûri ûrîa ûrî irîma wa Betheli. Nîwacokire akîîra mûvîcî ûrîa wetagwa Jonathani mathiî kûu Gibea marî na arûme ngiri îmwe. Gibea yarî vûrûrirî wa mûvîrîga wa Benjamini. Agîcoka akîîra acio engî menûke, wa mûndû gwake mûciî.

1Sam 14:52

Ûtûûrorî wake wonthe, Saûlo nîwarûaga na Afilisiti na vinya mûno; na rîrîa rîonthe ke oonaga mûndûmûrûme wîna vinya kana mûmîrîru, ke nîwamwocaga na akamûtonyia gîkundirî gîake Kîam athigari ake a mbaara.

1Sam 18:16

Nwatî andû onthe a Isiraeli na Juda nîmeendire Daudi nîûndû wa ûrîa aarî mûtongoria mwaro.

1Sam 18:30

Na rîrîa rîonthe athigari a Afilisiti mangîaûkire kûrûa, Daudi nîke wavootanaga gûkîra athigari onthe a Saûlo. Kwoguo Daudi nîwamenyekanire mûno.

1Sam 18:4

Nîwarutire nguo ndaca îrîa eekîrîte na akînengera Daudi vamwe na indo ciake cia mbaara na rûviû rwake ûta na mûcivi.

1Sam 18:6

Rîrîa Daudi marî na athigari a mbaara menûkîte arîkia kûûraga Goliathu, aka nîmaaumire matûûrarî monthe ma Isiraeli na makîthiî gûtûnga Saûlo. Maathiîre makinaga na makîrûgarûgaga nîûndû wa gûkena makîvûraga tamburini na ngita cia mîthemba na mîthemba.

1Sam 3:19

Nake Samueli nîwakûrire arî ûrûmwe na Ngai-Mûnene; nake Ngai-Mûnene agîtûma maûndû monthe marîa Samueli aarîtie mavinge.