1Sam 18:3 - ÎVUKU RÎA ÛVORO MWARO

³ Jonathani nîwendire Daudi mûno na kwoguo nîwathondekire kîîranîro na Daudi, atî magaatûûra marî arata.

1Sam 18:3 ပူးပေါင်းရင်းမြစ်များ

2Sam 21:7

Nwatî Daudi nîwavonokirie Mefiboshethu, mûvîcî wa Jonathani. Jonathani aarî mûvîcî wa Saûlo. Daudi aavonokirie Mefiboshethu nîûndû wa mwîvîtwa ûrîa ke mwene na Jonathani meevîtanîrîte mbere ya Ngai-Mûnene.

Nthi 18:24

Ûrata ûmwe ndwîthagîrwa ûrî wa ma, nwatî kûrî arata evokeku gûkîra mûndû na mûrwang'ina.

1Sam 19:1

Saûlo nîwerire mûvîcî Jonathani vamwe na ndungata ciake cionthe atî nîatuîte kûûraga Daudi. Nwatî Jonathani nîwendeete Daudi mûno.

1Sam 20:41

Mwanake ûcio arîkia kûthiî, Daudi nîwaumîrire varîa eethithîte vuva ya kîrûndo Kîam mathiga, agîturia maru na akînamîrîra nthî maita mathatû. Nao oîrî, Jonathani na Daudi nîmaamumunyanire makîrîraga. Daudi aarî na kîeva kîngî gûkîra Jonathani.

1Sam 20:42

Jonathani nîwacokire akîra Daudi atîrî, “Thiî na waro Ngai-Mûnene arotûtethia nie nawe, na njiarwa cietû tûtûûre tûmenyererete kîîranîro kîrîa tûrîkanîrîte nawe.” Nake Daudi nîwacokire akîthiî nake Jonathani agîcoka îtûûrarî.

1Sam 22:8

Kîu nîkîo gîtûmîte mûvanga kûregana nanie? Gûtirî mûndû wanarî ûmwe wa cienyu ûmbîrîte atî mûvîcîwa nîmanyitanîrîte na Daudi. Gûtirî wanarî mûndû ûranûmbûyia kana ambîra atî Daudi, ûmwe wa ndungata ciakwa nîaracaria kamweke nîguo ambûrage na mûvîcîwa nîke ûramwîkîra vinya!”

1Sam 23:18

Nao oîrî nîmaathondekire kîîranîro kîtheru Kîam ûrata mbere ya Ngai-Mûnene. Vuva wa ûguo, Daudi nîwekarire kûu Horeshu nake Jonathani akînûka mûciî.