1Sam 18:27 - ÎVUKU RÎA ÛVORO MWARO

²⁷ Daudi nîmaathiîre marî na arûme ake na makîûraga Afilisiti magana maîrî. Daudi nîwacokire akîvirîra mûthamaki ikonde cia Afilisiti acio na akîmûtarîra cio nîguo atuîke mûthoniwe. Kwoguo Saûlo nîwavecanire Mikali mwarî kûrî Daudi nîguo atuîke mûka wake.

1Sam 18:27 ပူးပေါင်းရင်းမြစ်များ

2Sam 3:13

Daudi nîwacokirie atîrî, “Ûguo nî waro! Nîngûthondeka kîrîkanîro nawe ethîrwa nîûkûmbîka ûndû ûmwe. Naguo nî atî, nwanginya ûndetere Mikali mwarî wa Saûlo ûgîûka kûmona.”

2Sam 3:14

Nake Daudi, nîwatûmire anjaama kûrî Ishiboshethu mûvîcî wa Saûlo makamwîre atîrî, “Nengera Mikali mûndûmûka wakwa, ûrîa watûmire ndwithie Afilisiti îgana rîmwe nîguo nîmûvikie.”

Atir 14:19

Roho wa Ngai-Mûnene nîwamûnyûrûkîre wa rîmwe na ûkîmwîkîra vinya. Nîwanyûrûrûkire Ashikeloni na akîûraga andû mîrongo îthatû kûu îtûûrarî. Nîwacokire akîmaruta nguo ciao irîa mbaro mûno na akîinenganîra kûrî andû arîa maataûrîte ndaî. Vuva wa ûguo, Samusoni nîwacokire mûciî arî mûrakaru.

1Sam 14:49

Nao anake a Saûlo maarî Jonathani, Ishivi, na Malikishua. Mwîrîtu wake ûrîa mûkûrû eetagwa Merabu, nake ûrîa mûnini eetagwa Mikali.

1Sam 18:13

Kwoguo Saûlo nîwamûthengutirie mbere yake na akîmûtua mûnene wa athigari ngiri îmwe (1,000). Daudi nîwatongoririe andû ake mbaararî,

1Sam 18:17

Saûlo nîwacokire akîîra Daudi atîrî, “Merabu mwarîwa ûrîa mûkûrû nîke ûyû, Nîngûkûva ke atuîke mûka waku ethîrwa nîûkûndungatîra ta mûthigari mûmîrîru na mwîvokeku na ûrûage mbaara cia Ngai-Mûnene.” (Nîûndû Saûlo eeciragia atî na njîra îno Afilisiti nîmakûûraga Daudi vandû va Saûlo ke mwene aûrage Daudi.)

1Sam 18:28

Rîrîa Saûlo aamenyire waro atî Ngai-Mûnene aarî vamwe na Daudi na atî andû onthe a Isiraeli nîmaamwendete,

1Sam 25:44

Vîndî wa îo, Saûlo nîwavecanîte mwarî Mikali ûrîa warî mûka wa Daudi, kûrî Paliti mûvîcî wa Laishi ûrîa waumîte îtûûrarî rîa Galimu.