1Sam 18:17 - ÎVUKU RÎA ÛVORO MWARO

¹⁷ Saûlo nîwacokire akîîra Daudi atîrî, “Merabu mwarîwa ûrîa mûkûrû nîke ûyû, Nîngûkûva ke atuîke mûka waku ethîrwa nîûkûndungatîra ta mûthigari mûmîrîru na mwîvokeku na ûrûage mbaara cia Ngai-Mûnene.” (Nîûndû Saûlo eeciragia atî na njîra îno Afilisiti nîmakûûraga Daudi vandû va Saûlo ke mwene aûrage Daudi.)

1Sam 18:17 ပူးပေါင်းရင်းမြစ်များ

2Sam 11:15

Maarûarî îo, aandîkire atîrî, “Iga Uria mbere varîa mbaara îmatîrîte mûno, namue mûkînacoka mûmûtige aûragwe.”

2Sam 12:9

Rîu nîndûî gîtûmîte ûkararie watho wa Ngai-Mûnene? Nîndûî gîtûmîte wîke ûndû ûyû mûcûku ûguo? Watûmire Uria aûragîrwe mbaararî nî Aamoni na ûgîcoka ûgîoca mûndûmûka wake!

2Sam 6:16

Rîrîa îthandûkû rîa kîrîkanîro Kîam Ngai-Mûnene rîatonyagua îtûûrarî rîa Daudi, Mikali mwarî wa Saûlo nîwarorererie ndiricarî na akîona mûthamaki Daudi akinîra Ngai-Mûnene akîrûgarûgaga. Nake nîwanyararire Daudi.

Thaburi 12:2

Wa mûndû nîaveenagia ûrîa wîngî, maveenanagia makînyûrûranagia.

Thaburi 55:21

Ciugo ciao cianyorokete gûkîra kîrimû Kîam îriia, nwatî ngoro ciao mecûrîtwe nî rûmena; ciugo ciao cianyorokete ta maguta, nwatî ciatemaga ta mviû ino mbûgî.

Nthi 26:24

Mvinga îkunîkagîra ûvinga wa yo na ciugo mbaro, na ngororî yake ethagîrwa akîveenania.

Nthi 26:25

Rîrîa mvinga îkwaria waro, ndûkamîtîkie, nîûndû îthagîrwa îcûrîtwe nî ûvinga ngororî yayo.

Nthi 26:26

Wana îngîgeria gûkunîkîra ûvinga wayo, ûcûku wayo nîûkaamenyekana nî andû onthe.

Ndari 21:14

Kîu nîkîo gîatûmire kwandîkwa îvukuurî rîa mbaara cia Ngai-Mûnene atî: “Îtûûra rîa Wahebu rîrî vûrûrirî wa Sufa, ciandarî cia rûnjî rwa Arinoni,

Ndari 32:20

Musa nîwamerire atîrî, “Ethîrwa nîmûgwîka ûguo mûrauga, ocani indo cienyu cia mbaara wa rîu mûrî ava mbere ya Ngai-Mûnene mûthiî mbaararî.

Ndari 32:27

Nwatî tue ndungata ciaku nîtwîvarîrîtie kûthiî mbaararî tûtongoretue nî Ngai-Mûnene. Nîtûkûringa rûnjî rwa Jorodani na tûrûe wata ûguo wauga.”

Ndari 32:29

“Ethîrwa andû a mûvîrîga wa Gadi na wa Reubeni nîmakaaringa rûnjî rwa Jorodani vamwe namue, marî na indo ciao cia mbaara na matongoretue nî Ngai-Mûnene, nîmûkaavootana na mwoce vûrûri ûcio, mûcoke mûûve andû a mûvîrîga wa Gileadi ûtuîke wao.

Gûco 17:7

Aira nîo makethagîrwa marî a mbere gwikia mûndû ûcio mathiga, nao andû acio engî onthe marûmîrîre. Ûguo nîguo mûkaathiria ûndû ûcio mûcûku gatagatîrî kenyu.

1Sam 14:49

Nao anake a Saûlo maarî Jonathani, Ishivi, na Malikishua. Mwîrîtu wake ûrîa mûkûrû eetagwa Merabu, nake ûrîa mûnini eetagwa Mikali.

1Sam 17:25

Nao nîmeeranire atîrî, “Taroriani mûndû ûyû! Na ma ke aûka kûnyararithia andû a Isiraeli. Mûthamaki Saûlo nîwîranîrîte atî mûndû ûrîa ûkaamûraga, nîakaamûva kîveo kîene. Mûthamaki nîagaacoka amûve mwarî amûvikie na andû a mûciî wa îthe matigaacoka kûrîva gooti kûu vûrûri wa Isiraeli.”

1Sam 17:36

Nîmbûragîte mînyambû na ngatûnyi, na ûguo nwaguo ngwîka Mûfilisiti ûyû ûtarî mûruu ûrîa ûnyararithîtie athigari a Ngai ûrîa ûtûûraga mwoyo.

1Sam 17:47

Nao andû aya onthe marî ava nîmakûmenya atî Ngai-Mûnene ndavonokanagia na rûviû rwa njûra na îtumû. Ke nîke ûvootanaga mbaararî na nîke ûgûtûma tûmûvoote mue muonthe.”

1Sam 18:21

Saûlo eeîraga na ngoro atîrî, “Tiga mvecane Mikali kûrî Daudi, nîguo atuîke mûtego kûrî ke na nîakûragwa nî Afilisiti.” Kwoguo Saûlo nîwerire Daudi riita rîa kaîrî atîrî, “Rîu we nîûgûtuîka mûthoniwa.”

1Sam 18:25

nake Saûlo agîciatha ithiî ikeere Daudi atîrî, “Mûthamaki ndarenda rûracio rwa mûviki, tiga ikonde cia ûruu cia arûme îgana rîmwe a Afilisiti, nîguo erîvîrîrie kûrî nthû ciake.” (Ûguo nîguo Saûlo aavangîte nîguo Daudi aûragwe nî Afilisiti.)

1Sam 18:27

Daudi nîmaathiîre marî na arûme ake na makîûraga Afilisiti magana maîrî. Daudi nîwacokire akîvirîra mûthamaki ikonde cia Afilisiti acio na akîmûtarîra cio nîguo atuîke mûthoniwe. Kwoguo Saûlo nîwavecanire Mikali mwarî kûrî Daudi nîguo atuîke mûka wake.

1Sam 25:28

Nîrakûthaitha mwathi wakwa ûnjovere nie ndungata yaku. Ngai-Mûnene nîgaagûtua mûthamaki wana njiarwa ciaku, nîûndû nîûmûrûagîrîra mbaararî, na we ndûkoona ûûru matukû monthe ma ûtûûro waku.

1Sam 30:26

Rîrîa Daudi aacokire Zikilagi, nîwavecanire indo imwe cia irîa ciatavîtwe kûrî arata ake arîa maarî atongoria a Juda, na akîmeera atîrî, “Gîkî nîkîo kîveo kîenyu kîrîa kiumîte kûrî indo irîa itavîtwe kuuma kûrî nthû cia Ngai-Mûnene.”