1Sam 18:13 - ÎVUKU RÎA ÛVORO MWARO

¹³ Kwoguo Saûlo nîwamûthengutirie mbere yake na akîmûtua mûnene wa athigari ngiri îmwe (1,000). Daudi nîwatongoririe andû ake mbaararî,

1Sam 18:13 ပူးပေါင်းရင်းမြစ်များ

2Sam 5:2

Wana mbererî rîrîa Saûlo aarî mûthamaki wetû, nîwe watongoririe andû a Isiraeli makîthiî mbaararî na makînûka. Ngai-Mûnene nîwakwîrîre atî nîûgaatuîka mûrîthi wa andû ake na ûtuîke mûtongoria wao.”

Thaburi 121:8

Ngai-Mûnene agaakûmenyagîrîra ûkiumagara na ûgîcoka; kuuma rîu nginya tene na tene.

1Sam 18:25

nake Saûlo agîciatha ithiî ikeere Daudi atîrî, “Mûthamaki ndarenda rûracio rwa mûviki, tiga ikonde cia ûruu cia arûme îgana rîmwe a Afilisiti, nîguo erîvîrîrie kûrî nthû ciake.” (Ûguo nîguo Saûlo aavangîte nîguo Daudi aûragwe nî Afilisiti.)

1Sam 22:7

Saûlo nîwerire ndungata ciake atîrî, “Nthikîrîriani mue andû a Benjamini! Mûreciria atî Daudi nîakaamûva muonthe mîgûnda ya irio na ya mîthavibu na amûtue anene a athigari ake?

1Sam 8:12

Amwe ao nîakaamatua athani a athigari ngiri îmwe, nao engî amatue athani a athigari mîrongo îtano. Nao arîa engî nîakaamatua arîmi a mîgûnda yake, magîkethaga maketha make. Nî gûkethîrwa kûrî na anake engî arîa makethîrwa marî a kûthondekagîra mûthamaki indo ciake cia mbaara, na cia ikaari ciake cia mbaara.