1Sam 18:10 - ÎVUKU RÎA ÛVORO MWARO

¹⁰ Naguo mûthenya ûcio wîngî roho mûcûku aumîte kûrî Ngai nîwatonyire kûrî Saûlo wa rîmwe arî gwake mûciî na agîkara ta mûndû wî na ngoma. Vîndî îo, Daudi nîkwa aavûûraga ngita wata ûrîa aamenyerete gwîka wa mûthenya wa mûthenya, nake Saûlo aanyitîte îtumû na njara yake.

1Sam 18:10 ပူးပေါင်းရင်းမြစ်များ

1Atha 18:29

Wana thaa thita ciavîtûka, nîmaathiîre na mbere kugîrîria ta andû a ngoma makîvoyaga ngai wao nginya kîvwaî rîrîa matega maarutagwa; nwatî gûtirî mûgambo weguîkire, gûtirî mûndû wamacokerie na gûtirî mûndû wamathikîrîrie.

1Atha 22:12

Nao arathi acio engî nîmaarathire wa ûguo na makiuga atîrî, “Thiî ûkatharîkîre îtûûra rîa Ramothi-gileadii na nîûkûvootana; Ngai-Mûnene nîagûkûvotithia kûmavoota.”

Jeremia 28:11

Hanania nîwaririe arî mbere ya andû onthe na akiuga atî, Ngai-Mûnene arauga atîrî, “Ûguo nîguo ngaunanga îcoki rîrîa Nebukadinezarû mûthamaki wa Babuloni aigîrîrîte mavûrûri monthe. Ngeka ûguo îvindarî rîa mîaka îîrî îgûka.” Vuva wa ûguo mûrathi Jeremia nîwacokire akînethiîra.

Ciîko 16:16

Na vîndî îmwe rîrîa twathiîte vandû va kûvoera, nîtwatûngirwe nî mwîrîtu ûmwe ngombo, warî na ngoma yamûvotithagia gwîciirîria maûndû marîa maarî mekîke. Mwîrîtu ûcio nîwatûmaga ene ke moone mbeca nyîngî mûno na njîra ya gwîciirîria kûu gwake kwa maûndû marîa maarî mekîke.

2Ath 2:11

Nîûndû wa ûguo Ngai nîatûmaga maveeneke nîguo metîkie maûndû ma maveeni.

Atir 16:20

Nîwacokire akiugîrîria atîrî, “Samusoni! Afilisiti nîmaûkîte!” Samusoni nîwaramûkire na akîîra na ngoro atîrî, “Nînyuma nja na nîîrivarive wata ûrîa nekaga mîthenya îo îngî.” Ndaamenyaga atî Ngai-Mûnene nîwamûtigîte.

1Sam 16:23

Kuuma vîndî îo, rîrîa rîonthe roho mûcûku atûmîtwe nî Ngai aûka kûrî Saûlo, Daudi nîwocaga ngita yake na akamîthaka. Kwoguo roho ûcio mûcûku nîwathengutagîra Saûlo na akegua waro rîngî.

1Sam 18:9

Kwoguo Saûlo nîwambîrîrie kwîguîra Daudi wîru kuuma mûthenya ûcio.

1Sam 19:10

Saûlo nîwaikirie îtumû rîake akîgeria kûmundanîria Daudi na rûthingo, nwatî Daudi nîwavinyûrire na akîûra.

1Sam 19:7

Kwoguo Jonathani nîwetire Daudi na akîmwîra maûndû monthe, agîcoka akîvira Daudi kûrî Saûlo, nake Daudi akîthiî na mbere gûtungatîra mûthamaki wata ûrîa eekaga mbere.

1Sam 19:9

Naguo roho mûcûku umîte kûrî Ngai-Mûnene nîwanyitire Saûlo mûthenya ûmwe arî gwake nyomba anyitîte îtumû na njara. Vîndî îo Daudi nîkwa aavûûraga ngita.

1Sam 26:19

Mwathi wakwa, rîu thikîrîria ûrîa ndungata yaku îkuga. Ethîrwa nî Ngai-Mûnene ûtûmîte wende kûmbûraga, nînîmûrutîra îtega nîguo agarûre îtua rîake. Nwatî ethîrwa nî andû matûmîte, Ngai-Mûnene arotûma magwatwe nî kîrumi nîûndû nîmamîngatîte ngauma îgairî rîrîa Ngai-Mûnene aatûveere na makiuga atî, ‘Thiî ûgatungatîre ngai ng'eni.’