1Sam 17:55 - ÎVUKU RÎA ÛVORO MWARO

⁵⁵ Rîrîa Saûlo oonire Daudi athiîte kûrûa na Goliathu, ke nîwaûririe Abineri atîrî, “Abineri, kavîcî gaka nî ka û?” Abineri aarî mûnene wa athigari a Saûlo. Nake Abineri nîwamûcokerie atîrî, “Mwathi wakwa nie ndiîcî kavîcî gaka nî ka û.”

1Sam 17:55 ပူးပေါင်းရင်းမြစ်များ

Kîam 42:15

Ûndû ûcio nîguo mûkaagerua naguo. Nîngwîvîta na rîîtwa rîa mûthamaki wa Misiri atî mûtingiuma gûkû mûrwanyûkwe ûrîa mûnini atarî gûkû.

1Sam 1:26

Nake Hana nîwaugire atîrî, “Ta mbîtîkîria mwathi wakwa! Wata ûrîa mwathi wakwa ûgûtûûra mwoyo, nie nînie mûndûmûka ûrîa warûngamîte mbere yaku ngîvoya Ngai-Mûnene.

1Sam 14:50

Nake mûka wa Saûlo eetagwa Ahinoamu, mwarî wa Ahimaazi; na mûndû ûrîa wathaga gîkundi gîake Kîam mbaara eetagwa Abineri, mûvîcî wa Neri. Neri aarî îthe mûnini wa Saûlo.

1Sam 16:12

Kwoguo Jesii nîwamûtûmanîre na akîretwe. Nake aarî mwanake mûthaka, wîna vinya na aarî na metho maakengaga. Nake Ngai-Mûnene nîwerire Samueli atîrî, “Mûndû nî ûyû. Ûkîra na ûmwîtîrîrie maguta.”

1Sam 17:54

Nake Daudi nîwocire kîongo Kîam Goliathu na agîkîvira Jerusalemu, nwatî indo cia mbaara irîa Goliathu aavûthagîra agîciga îgemarî rîake.

1Sam 17:56

Nake Saûlo nîwathire Abineri athiî agatuîrie na amenye nî ka û.

1Sam 17:58

Nake Saûlo nîwaûririe Daudi atîrî, “Mwanake ûyû, aguo nû?” Nake Daudi nîwamûcokerie atîrî, “Nie nîrî mûvîcî wa ndungata yaku Jesii ya kuuma Jerusalemu.”

1Sam 26:5

Daudi nîwathiîre varîa Saûlo aambîte magema make na akîona varîa Saûlo aamamîte marî na Abineri, mûvîcî wa Neri ûrîa warî mûnene wa athigari a Saûlo. Saûlo aamamîte ndaarî ya îgema nao athigari maambîte magema mamûthiûrûrûkîrîtie.