1Sam 17:52 - ÎVUKU RÎA ÛVORO MWARO

⁵² Nao andû a Isiraeli na Juda nîmaathiîre makiugagîrîria na makîngata Afilisiti, makîmakinyia nginya Gathu na ivingorî cia Ekironi. Afilisiti arîa maativangîtue maagûcaga njîrarî kuuma Sha-araimu nginya Gathu na Ekironi.

1Sam 17:52 ပူးပေါင်းရင်းမြစ်များ

2Sam 23:10

nwatî Eleazaru nîwarûire na Afilisiti nginya njara yake îkînoga na îkîûmagara ûndû îtangîavotire kûrekia rûviû rûrîa aanyitîte. Ngai-Mûnene nîwatûmire ûvootani mûnene wonekane mûthenya ûcio. Mbaara yathira Aisiraeli nîmaacokire varîa Eleazaru aarî na magîoca indo irîa ciatigîtwe nî andû arîa maaûragîtwe.

1Atha 20:21

Ahabu mûthamaki wa Isiraeli nîwathiîre mîgûndarî, agîtava mbarathi na ikaari cia mbaara, na nîwaûragire andû eengî mûno a Sîria.

Josh 15:11

Nîwacokire ûkîvîtûka Timina na ûkathiî nginya îriarî rîa Mediterania. Mbere ya ûkinya îriarî rîa Mediterania nîwavîtûkîrîrîte kîrîmarî îgûrû kîrîa kîrî mwena wa rûgûrû wa Ekironi, nîwegatire ûthiîrîrîte Shikeroni, kîrîmarî Kîam Baali na ûkîthiî ûgîkinya Jamunia na ûkîthirîra îriarî rîa Mediterania.

Atir 7:23

Nao Aisiraeli a kuuma mîvîrîgarî ya Nafutali, Asheri na Manase nîmaarûmîrîre Amidiani na îvenya.

1Sam 17:53

Rîrîa Aisiraeli maacokire maumîte kwîngata Afilisiti, nîmoocire indo cionthe irîa ciarî kûrîa Afilisiti maambîte magema.

1Sam 5:10

Kwoguo nîmaakuire îthandûkû rîa kîrîkanîro rîa Ngai na makîrîvira îtûûrarî rîngî rîa kûu Filisiti rîetagwa Ekironi. Nwatî rîrîa rîakinyire kuo, andû a Ekironi nîmaanegenire mûno makiugaga atîrî, “Taroriani! Nîmarete îthandûkû rîa Kîrîkanîro rîa Ngai wa Isiraeli gûkû nîguo tûûragwe tuonthe vamwe na andû etû!”

1Sam 5:8

Kwoguo nîmaatûmire anjaama mathiî magete athamaki onthe atano a Afilisiti maûke vamwe. Nao nîmaaûririe athamaki acio atîrî, “Rîu nîtwîka atîa na îthandûkû rîrî rîa Kîrîkanîro rîa Ngai wa Isiraeli?” Nao athamaki makiuga atîrî, “Ocani Îthandûkû rîa Ngai wa Isiraeli na mûrîvire Gathu.” Kwoguo nîmaakuire îthandûkû rîa Ngai wa Isiraeli na makîrîvira Gathu; Gathu rîarî îtûûra rîngî rîa kûu Filisiti.