1Sam 17:28 - ÎVUKU RÎA ÛVORO MWARO

²⁸ Nake Eliabu, mûrwang'ina ûrîa mûkûrû nîweguire Daudi akîaria na andû acio. Nîwarakarirue nî Daudi na akîmûria atîrî, “We ûreka atîa gûkû? Ûtigîre ng'ondu icio itarî nyîngî werûrî irî na û? Nîmbicî ûrîa ûreîgîria na ûûru ûrîa ûrî ngororî yaku! Nîûndû we ûûkîte tu kwona mbaara.”

1Sam 17:28 ပူးပေါင်းရင်းမြစ်များ

Kîam 37:11

Aa mûrwang'ina na Josefu nîmaamwîguîrîre wîru, nwatî îthe nîwaigire maûndû mau ngororî yake.

Kîam 37:4

Rîrîa aa mûrwang'ina moonire atî Josefu nîwendetwe nî îthe kûmakîra, nîmaamûmenire na magîtiga kûmwonia wendo.

Kîam 37:8

Nao aa mûrwang'ina nîmaamûririe atîrî, “Ûreciria nama atî nîûgûtuîka mûnene wetû ûtwathage?” Nao nîmaamûmenire mûno makîria, nîûndû wa iroto ciake na nîûndû wa maûndû marîa aaugaga mamegiî.

2Maû 11:18

Rehoboamu nîwavikirie Mahalathi, mwarî wa Jerimothi na mûka Abihaili. Jerimothi aarî mûvîcî wa Daudi, nake Abihaili aarî mwarî wa Eliabu mûvîcî wa Jesii.

Thaburi 35:11

Andû arîa acûku nîmarutaga ûira wa maveeni, mambûragia maûndû marîa nie ndaicî.

Nthi 18:19

Rîrîa watethia mûrwanyûkwe wîkaraga ta îtûûra rîrî na vinya, nwatî ngarari itigithanagia andû ta ivingo cia vandû varîa vagitîre.

Nthi 27:4

Marakara na mang'ûrîka nîkwa macûkangagia, nwatî wîru nîûcûkangagia makîria.

Mûvunjia 4:4

Nînacokire ngîmenya atî andû marutaga wîra na vinya nîûndû wa wîru wa andû arîa engî. Ûcio wanaguo nî wîra wa mana na nî ta kûvinyûrania na rûkûngi.

Mathaayo 10:36

Andû a nyomba yaku nîo makethagîrwa marî nthû ciaku irîa nene.

Mathaayo 27:18

Pilato nîwecî waro atî atongoria a Ayahudi maanenganîrîte Jesû kûrî ke nîûndû maarî na rwetho.

Maariko 3:21

Rîrîa andû a mûciî wao meeguire ûguo, nîmaathiîre kûmûnyita, nîûndû andû maugaga atî, “Nîagûrûkîte.”

Juda 1:10

Nwatî andû acio nîmarumaga maûndû marîa o matataûkagîrwa nîmo. Namo maûndû marîa mamenyaga na ûmenyo wa mûciarîre ta nyamû cia kîthaka, nîmo mamacûkangagia.

1Sam 16:13

Samueli nîwocire mûcuva ûrîa warî na maguta ma mîtamaiyû îrîa îciaraga matunda na agîtîrîria Daudi maguta aa mûrwang'ina makîonaga. Naguo roho wa Ngai-Mûnene nîwanyûrûrûkîre Daudi wa rîmwe na agîkara nake kuuma mûthenya ûcio. Nake Samueli nîwacokire Rama.

1Sam 16:7

Nwatî Ngai-Mûnene nîwerire Samueli atîrî, “Tiga kûroria ûrîa aracavîte kana ûrîa arî mûthaka. Nie nînîmûregete, nîûndû ndiroragia ta ûrîa andû maroragia. Andû maroragia ûrîa mûndû ethagîrwa ekariî akîonwa na metho, nwatî nie ndoragia ngoro ndaarî.”

1Sam 17:29

Nake Daudi nîwaûririe atîrî, “Nîkwa neka atîa rîu? Anga ndiagîrîrwe nî kûria kîûria?”