1Sam 17:25 - ÎVUKU RÎA ÛVORO MWARO

²⁵ Nao nîmeeranire atîrî, “Taroriani mûndû ûyû! Na ma ke aûka kûnyararithia andû a Isiraeli. Mûthamaki Saûlo nîwîranîrîte atî mûndû ûrîa ûkaamûraga, nîakaamûva kîveo kîene. Mûthamaki nîagaacoka amûve mwarî amûvikie na andû a mûciî wa îthe matigaacoka kûrîva gooti kûu vûrûri wa Isiraeli.”

1Sam 17:25 ပူးပေါင်းရင်းမြစ်များ

Ezira 7:24

Wana nî tûramûmenyithia atî mûtiagîrîrwe nî gwîtia gooti kuuma kûrî athînjîri-Ngai, Alawi, aini a nyîmbo, arangîri na kîvingo, ndungata cia hekarû, kana mûndû wa wonthe ûkonenie na hekarû îno.

Mathaayo 17:26

Nake Petero nîwacokirie atîrî, “Nî ageni.” Nake Jesû nîwerire Petero atîrî, “Ûguo nîkuga ene vûrûri matiagîrîrwe nî kûrîva gooti.

Josh 15:16

Kalebu nîwacokire akiuga atîrî, “Mûndû ûrîa ûkaavota kûnyita îtûûra rîa Kiriathi-seferi nîngaamûva Akisa atuîke mûka.” Akisa aarî mwarî wa Kalebu.

Kûguû 2:17

“Mûndû wa wonthe ûrî na matû ma kwîgua, nîathikîrîrie ûrîa Roho areera makanitha! “Arîa makaavootana nie nîngaamava mamwe ma maana marîa mathithe. Nie nîngaava wa ûmwe wa ciao îthiga rîa rangi njerû rîandîkîtwe rîîtwa rîcerû. Rîîtwa rîu rîtikethîrwa rîcîkene nî mûndû wîngî tiga ûrîa ûkaarîamûkîra.

Kûguû 2:7

“Mûndû wa wonthe ûrî na matû ma kwîgua, nîathikîrîrie ûrîa Roho arera makanitha! “Arîa makaavootana nîngaametîkîria marîe matunda ma mûtî wa mwoyo ûrîa ûrî mûgûndarî wa Ngai.

Kûguû 3:12

Arîa makavootana, nîngaamatua itugî cia hekarû ya Ngai wakwa na matikaauma kuo. Nîngaamandîka rîîtwa rîa Ngai wakwa na nîmandîke rîîtwa rîa îtûûra rîa Ngai wakwa. Îtûûra rîu nîrîo Jerusalemu njerû, îrîa îkanyûrûrûka. Îkanyûrûrûka kuuma îgûrû kûrî Ngai wakwa wana nîngaamandîka rîîtwa rîakwa rîcerû.

Kûguû 3:21

Arîa makaavootana, nîngaamava rûtha rwa gwîkara mwenarî wakwa gîtîrî gîakwa Kîam ûthamaki wata ûrîa wananie naavootanire na rîu mbîkarîte mwenarî wa Vava gîtîrî gîake Kîam ûthamaki.

Kûguû 3:5

Arîa makaavootana nîmageekîra nguo cia rangi njerû wata andû acio. Na nie ndikaavuta marîîtwa mao îvukuurî rîrîa Ngai andîkîte marîîtwa ma andû arîa makaavewa mwoyo wa tene na tene. Nie nîngaarûngama mbere ya vava na araika ake mbuge atî nî akwa.

1Sam 17:24

Rîrîa Aisiraeli moonire Goliathu, nîmeguire guoya na makîûra nîûndû wa guoya.

1Sam 17:27

Nao andû acio nîmaamwîrire ûrîa mûndû ûrîa ûkaaûraga Goliathu ageekwa.