1Sam 16:7 - ÎVUKU RÎA ÛVORO MWARO

⁷ Nwatî Ngai-Mûnene nîwerire Samueli atîrî, “Tiga kûroria ûrîa aracavîte kana ûrîa arî mûthaka. Nie nînîmûregete, nîûndû ndiroragia ta ûrîa andû maroragia. Andû maroragia ûrîa mûndû ethagîrwa ekariî akîonwa na metho, nwatî nie ndoragia ngoro ndaarî.”

1Sam 16:7 ပူးပေါင်းရင်းမြစ်များ

Kîam 4:5

nwatî nîwaregire Kaini wa vamwe na matega make. Kwoguo Kaini nîwarakarire mûno na agîtukia ûthiû.

2Sam 14:25

Vûrûri wonthe wa Isiraeli gûtiarî mûndû warî na ngumo nîûndû wa ûthaka wake ta Abusalomu. Kuuma gîtende nginya rûcuîrî rwa kîongo, ndaarî ûcuke.

2Sam 7:20

Nîngîkwîra rîngî atîa? We nîûmbicî nie ndungata yaku, we Mwathani Ngai-Mûnene!

1Atha 8:39

nakûthaitha ûkaathikîrîria mavoya mao ûrî kûu ûtûûraga îgûrû, ûkaamovera na ûmatethie. Na nîûndû we wenga nîwe wîcî ngoro ya mûndû, îka wa mûndû kûringana na ûrîa ûkoona kwagîrîrîte,

1Maû 17:18

Nie Daudi ndungata yaku nîngiuga atîa makîria. We nîûmbicî na nîûmvete gîtîîo.

1Maû 28:9

Mûthamaki Daudi nîwerire Solomoni atîrî, “Mwana wakwa, ûmenye Ngai wa aguo na ûmûtungatagîre na ngoro yonthe na meciria marî na wendi. Ngai-Mûnene nîatuîragia ngoro cionthe na nîamenyaga meciria na mîvango yacio. Ûngîmûcaria, ke nîagûgwîtîkîra. Nwatî ûngîmûrega nîagûgûtiganîria nginya tene na tene.

2Maû 16:9

Ngai-Mûnene nîaroragia nthî yonthe waro nîguo ekîre vinya andû arîa onthe mamwîvokete. We nîwîkîte ûndû ûyû na ûrimû, kwoguo kuuma rîu kûthiî na mbere ûkethagîrwa ûkîrûa.”

2Maû 6:30

ûkegua mavoya mao ûrî kûu îgûrû. Ûcoke ûmovere nîûndû we, nîwe wicî ngoro cia andû. Ûgeeka kûringana na ûrîa wa mûndû agîrîrwe

Ayubu 10:4

Metho maku nîta ma mûndû? Wonaga ta ûrîa mûndû onaga?

Ayubu 35:5

Taroria îgûrû wone, ûrorie wone matu marîa marî îgûrû rîaku.

Thaburi 139:2

Nîûmenyaga rîrîa ngwîkara nthî na rîrîa ngûkîra, nîûmenyaga meciria makwa ûrî kûraca.

Thaburi 7:9

We wî Ngai mûthingu, na ûtucagîra ngoro cietû na meciria metû, thiria waganu wa eki naaî, na ûrathime andû arîa athingu.

Nthi 15:11

Ethîrwa Ngai-Mûnene nîonaga ûrîa kwa arîa akuû gwîkariî, na ma nîonaga ûrîa ngoro cia andû ciîkariî.

Nthi 16:2

Mûndû onaga ciîko ciake cionthe irî mbaro, nwatî Ngai-Mûnene atuîragia ngoro ya mûndû.

Nthi 24:12

Ethîrwa nwa uge atîrî, “Nie ndiîcî ûvoro ûyû,” Ngai-Mûnene ûrîa ûmenyaga ngoro cia andû nîonaga, nîakaarîva mûndû kûringana na wîra wake.

Nthi 31:30

Ûgemu nîûveenanagia, na ûthaka nîûthiraga, nwatî mûndûmûka wîtigîrîte Ngai-Mûnene nîakumagua.

Jeremia 11:20

Nwatî we Ngai-Mûnene mwene vinya wonthe, ûrîa ûtucanagîra na kîvooto, we ûthimaga ngoro na meciria ma andû, tiga mone ûkîndîvîrîria kûrî andû aya, nîûndû nîwe tu ûngîtua cira wakwa.

Jeremia 17:10

Nie Ngai-Mûnene nî nie nduîragia meciria ma andû, na ngathima ngoro ciao. Kwoguo mvecaga mûndû kîrîa kîringanîte na mûtûûrîre wake, na kûringana na ciîko ciake.”

Jeremia 20:12

We Ngai-Mûnene mwene vinya wonthe, we ûthimaga andû arîa athingu, we wonaga ngoro na meciria ma andû, ndethia mone ûkîndîvîrîria kûrî nthû ciakwa, nîûndû mbigîte mwîvoko wakwa kûrî we.

Luka 16:15

Nake Jesû nîwamerire atîrî, “Mue mwendaga gwîtua ûrîa mûrî aro methorî ma andû, nwatî Ngai nîwîcî ngoro cienyu. Nîûndû maûndû marîa monekanaga marî na vata methorî ma andû matirî vata methorî ma Ngai.

Johana 7:24

Tigani gûtucanagîra ciira kûringana na ûrîa maûndû monekaga mekariî, nwatî tucanagîrani ciira kûringana na ivooto.”

Johana 8:15

Mue mûtucanagîra ciira kûringana na ûmûndû. Nie gûtirî mûndû nducagîra ciira.

Ciîko 1:24

Nao nîmavoire makiugaga atîrî, “Mwathani we nîwîcî meciria ma andû onthe, ta twonie gatagatîrî ka andû aya aîrî ûrîa we ûthuurîte

2Akor 10:10

Nîûndû amwe maugaga atî, “Maarûa cia Paûlo nî ndito na irî na vinya, nwatî rîrîa arî vamwe natue kîîmwîrî, ndarî vinya na ciugo ciake nî cia mana!”

2Akor 10:7

Taroria maûndû marîa marî mbere ya metho maku. Ethîrwa kûrî mûndû wicî atî nî wa Kristû, ke nîamenye atî wanatue tûrî a Kristû ta ke.

Ahib 4:13

Gûtirî ûndû wana ûmwe ûngîthithwa Ngai. Maûndû monthe methagîrwa marî ûtherirî na matarî mathithe mbere ya metho make. Na nwanginya tûmûtaaragîrie maûndû monthe marîa twîkaga.

1Pet 2:4

Ûkani kûrî Mwathani na nîke Îthiga rîrî mwoyo rîrîa rîaregirwe nî andû nwatî nîrîathuurirwe nî Ngai na nî rîa goro.

1Pet 3:4

Vandû va ûguo tigani kîrîa kîrî ngororî cienyu kîmûtucage athaka. Ûthaka ûcio ûtathiraga umanaga na ngoro mvoreri na îkiragîrîria na ûrî vata mûnene mûno methorî ma Ngai.

Kûguû 2:23

Wana nîngaaûraga arûmîrîri ake. Namo makanitha monthe nîmakaamenya atî nie nînie nduîragia meciria ma andû na ngamenya merirîria mao. Nie nîngaaverithia wa ûmwe wa cienyu kûringana na mevia marîa ekîte.

1Sam 2:3

Mûtigacoke kwaria na mwîtîîo rîngî. Tigani gwîtîîaga vîndî îrîa mûkwaria, nîûndû Ngai-Mûnene nîke Ngai ûrîa wicî maûndû, atucagîra andû onthe kûringana na ciîko ciao.

1Sam 9:2

Kishu aarî na mûvîcî wake wetagwa Saûlo. Saûlo aarî mwanake mûthaka mûno. Gûtiarî na mûndû mûrûme wîngî gatagatîrî ka andû a Isiraeli warî mûthaka gûkîra Saûlo. Kuuma cianderî ciake kûthiî mwena wa îgûrû, ke aarî mûraca gûkîra mûndû wîngî wa wonthe kûu Isiraeli.