1Sam 16:21 - ÎVUKU RÎA ÛVORO MWARO

²¹ Nake Daudi nîwathiîre kûrî Saûlo na agîtuîka ndungata yake. Saûlo nîwendire Daudi mûno na akîmûthuura atuîke wa kûmûkuuagîra indo ciake cia mbaara.

1Sam 16:21 ပူးပေါင်းရင်းမြစ်များ

Kîam 41:46

Josefu aambîrîrie wîra kwa mûthamaki wa Misiri arî na ûkûrû wa mîaka mîrongo îthatû (30). Nîwaumire kûu kwa mûthamaki na akîthiî akîthiûrûrûka vûrûri wonthe wa Misiri.

1Atha 10:8

Gûkena-rî nî aka aku! Wana kûgîa na mûnyaka nî ndungata ciaku, irîa mwîkaraga nacio vîndî cionthe ikîthikagîrîria ciugo ciaku cia ûûgî.

Thaburi 118:9

Nîkava kwîthitha kûrî Ngai-Mûnene, gûkîra kwiga mwîvoko kûrî atongoria a nthî.

Thaburi 146:3

Ndûkaige mwîvoko waku kûrî anene, ndûkaige mwîvoko waku kûrî mûndû, ndangîkûvonokia.

Thaburi 62:9

Andû onthe mekariî ta mîvevû tu; andû arîa marî îgweta na arîa matarî îgweta matirî vata. Ûngîmathima ûrito na kîthimi, matirî ûrito; onthe marî vamwe nîavûthû gûkîra mîvevû.

Nthi 22:29

Nîkûrî na mûndû mwara wîrarî wake? Ûcio nîagaatungatîra athamaki, ndagaatungatîra andû matarî îgweta.

Gûco 1:38

Nwatî Joshua mûvîcî wa Nuni ndungata yake nîke ûgaaûtonya. Kwoguo mûmagîrîrie nîûndû nîke ûgaatûma andû a Isiraeli maûgae ûtuîke wao.’

Gûco 10:8

Vîndî îo, Ngai-Mûnene nîwathuurire andû a mûvîrîga wa Lawi makuuage îthandûkû rîa kîrîkanîro na mamûtungatagîre marî athînjîri-Ngai, na marathimage andû rîîtwarî rîake. Ûguo nîguo mekaga nginya ûmûnthî.

Atir 9:54

Wa rîmwe Abimeleki nîwacokire agîta mwanake ûrîa wamûkuuagîra indo ciake cia mbaara na akîmwîra atîrî, “Comora rûviû rwaku na ûmbûrage. Ndikwenda andû makauga atî naûragirwe nî mûndûmûka.” Nake mwanake ûcio nîwamûmundire akîmûtûrîkania na agîkua.

1Sam 16:22

Kwoguo Saûlo nîwatûmire ndûmîrîri kûrî Jesii na akiuga atîrî, “Tiga Daudi ekare gûkû akîndungatagîra, nîûndû nie nînîmwendete.”

1Sam 17:15

nwatî Daudi nîwamatigaga na agacoka Bethilehemu kûrîthia ng'ondu cia îthe.

1Sam 17:55

Rîrîa Saûlo oonire Daudi athiîte kûrûa na Goliathu, ke nîwaûririe Abineri atîrî, “Abineri, kavîcî gaka nî ka û?” Abineri aarî mûnene wa athigari a Saûlo. Nake Abineri nîwamûcokerie atîrî, “Mwathi wakwa nie ndiîcî kavîcî gaka nî ka û.”

1Sam 19:7

Kwoguo Jonathani nîwetire Daudi na akîmwîra maûndû monthe, agîcoka akîvira Daudi kûrî Saûlo, nake Daudi akîthiî na mbere gûtungatîra mûthamaki wata ûrîa eekaga mbere.