1Sam 16:20 - ÎVUKU RÎA ÛVORO MWARO

²⁰ Nake Jesii nîwocire koori ka mbûri, mvunda îkuuîte mîgate na mûvuko wa rûûo wîcûrîtue ndivei na akîîra Daudi athiî nacio kûrî Saûlo.

1Sam 16:20 ပူးပေါင်းရင်းမြစ်များ

Kîam 43:11

Nake îthe nîwamerire atîrî, “Ethîrwa nwanginya mwîke ûguo, nîmwoca indo imwe cia irîa mbaro cia vûrûri ûyû mwîkîre nguniarî cienyu na mûvirîre mûndû ûcio irî kîveo. Nacio nî mînyamû mînungi waro, maguta ma kwîvaka, ûûkî mûnini, matunda ma mûthemba wa ngandamia, na maguta kuuma kûrî mûtî wa mare.

Nthi 18:16

Kûvecana kîveo nî gûtûmaga mîrango îvingûke, na gûgakinyia mûndû kûrî andû arîa marî îgweta.

1Sam 10:27

Nwatî nîkwarî na andû amwe maarî a mana maaûririe atîrî, “Nî ûndû ûrîkû mwaro mûndû ûyû angîtwîkîra?” Nao makîmûnyûrûria na makîrega kûmûva kîveo wanarî kîmwe. Nwatî Saûlo agîkira kivi.

1Sam 10:4

Nao magagûkethia na makûve mîgate îrî, nawe ûmîoce.

1Sam 16:19

Kwoguo Saûlo nîwatûmire anjaama mathiî kûrî Jesii makamwîre atîrî, “Ndetere mûvîcîguo Daudi ûrîa ûrîthagia ng'ondu.”

1Sam 17:18

Na ûvirîre mûnene wa athigari icunjî îkûmi cia maguta ma îriia. Thiî na ûtuîrie ûrîa aa mûrwanyûkwe mekariî na ûke na kîndû gîa kwonania atî nîwamoonire na atî o nî aro.”

1Sam 25:18

Abigaeli nîwevarîrie na îvenya na agîoca mîgate magana maîrî, mbooro igîrî ciîcûrîte ndivei, ng'ondu ithano irî mvîvie, kilo îkûmi na mûgwanja cia ngano irî mvîvie, tûkundi îgana rîmwe twa thavibu irî nyûmithie na geki magana maîrî cia ngûyû irî nyûmithie na agîcigîrîra îgûrû rîa mvunda.