1Sam 16:14 - ÎVUKU RÎA ÛVORO MWARO

¹⁴ Roho wa Ngai-Mûnene nîwatiganîrie Saûlo, naguo roho mûcûku atûmîtwe nî Ngai-Mûnene akîambîrîria kûmûnyarira.

1Sam 16:14 ပူးပေါင်းရင်းမြစ်များ

2Sam 7:15

Nwatî ndikaamûthengutîria wendo wakwa ûtathiraga ûrîa nîmwendete naguo ta ûrîa naathengutîrie Saûlo nîguo we ûtuîke mûthamaki.

1Atha 22:19

Mikaia nîwathiîre mbere na akiuga atîrî, “Rîu thikîrîria ûrîa Ngai-Mûnene augîte! Nînoonire Ngai-Mûnene ekarîrîte gîtî gîake Kîam ûthamaki kûu îgûrû, nao araika ake onthe maarûngamîte mamûthiûrûrûkîrîtie.

1Atha 22:22

Nake Ngai-Mûnene nîwamûririe atîrî, ‘ûkaamûveenereria atîa?’ Naguo roho nîwacokirie atîrî, ‘Nînthiî na ndûme arathi a Ahabu onthe maveenanie.’ Ngai-Mûnene nîwamwîrire atîrî, ‘Thiî na ûmûveenererie. Nîûkûvootana!’ ”

Thaburi 51:11

Ndûkamîngate nyume kûrî we; na ndûkarute roho waku mûtheru kûrî nie.

Hosea 9:12

Wana marera ciana, ngaaciûraga cionthe viû. Kûgwatwa nî kîrumi nî o, rîrîa nie ngamatiganîria!”

Atir 16:20

Nîwacokire akiugîrîria atîrî, “Samusoni! Afilisiti nîmaûkîte!” Samusoni nîwaramûkire na akîîra na ngoro atîrî, “Nînyuma nja na nîîrivarive wata ûrîa nekaga mîthenya îo îngî.” Ndaamenyaga atî Ngai-Mûnene nîwamûtigîte.

Atir 16:29

Nîwacokire akînyita itugî igîrî cia gatagatî irîa ciagwatîrîrîte nyomba. Wa njara nîyanyitire gîtugî Kîamyo, agîîtirîkania na nyomba îo

Atir 9:23

Ngai nîwacokire agîtûma roho mûcûku aûke gatagatîrî ka Abimeleki na andû a Shekemu, na andû a Shekemu nîmaareganire na Abimeleki.

1Sam 11:6

Rîrîa Saûlo eguire ûguo, Roho wa Ngai nîwaûkire na ûkîmûnyita na vinya na akîrakara mûno.

1Sam 16:15

Nacio ndungata cia Saûlo nîciamwîrire atîrî, “Tue nîtwîcî atî roho mûcûku atûmîtwe nî Ngai rîu nîarakûnyarira.

1Sam 16:16

Kwoguo Mwathi wetû tûve rûtha tue ndungata ciaku nîguo tûthiî tûgacarie mûndû wicî kûthaka ngita, nîguo roho mûcûku aûka kûrî we atûmîtwe nî Ngai, mûndû ûcio nwa akûthakagîre ngita yake na ûkegua waro rîngî.”

1Sam 16:23

Kuuma vîndî îo, rîrîa rîonthe roho mûcûku atûmîtwe nî Ngai aûka kûrî Saûlo, Daudi nîwocaga ngita yake na akamîthaka. Kwoguo roho ûcio mûcûku nîwathengutagîra Saûlo na akegua waro rîngî.

1Sam 18:10

Naguo mûthenya ûcio wîngî roho mûcûku aumîte kûrî Ngai nîwatonyire kûrî Saûlo wa rîmwe arî gwake mûciî na agîkara ta mûndû wî na ngoma. Vîndî îo, Daudi nîkwa aavûûraga ngita wata ûrîa aamenyerete gwîka wa mûthenya wa mûthenya, nake Saûlo aanyitîte îtumû na njara yake.

1Sam 18:12

Saûlo nîwetigagîra Daudi nîûndû Ngai-Mûnene aarî vamwe na Daudi, nwatî agatiganîria Saûlo.

1Sam 28:15

Nake Samueli nîwaûririe Saûlo atîrî, “Ûranthînia nîkî na njîra ya gûtûma mbûke gûkû?” Nake Saûlo nîwacokirie atîrî, “Nie nînîrathînîka mûno, nîûndû Afilisiti nîmararûa nanie, na Ngai nîandiganîrîtie. Ke ndaranjokeria ûndû wanarî ûrîkû na njîra ya arathi kana ya iroto. Kwoguo nagwîta nîguo ûmbîre ûrîa mbagîrîrwe nî gwîka.”