1Sam 15:6 - ÎVUKU RÎA ÛVORO MWARO

⁶ Nake nîwerire Akeni atîrî, “Nyûrûrûkani muume gûkû mûthengutîre Amaleki nîguo ndikamûraganîrie vamwe nao, nîûndû mue nîmwekire Aisiraeli ciîko mbaro vîndî îrîa maaumîte Misiri.” Kwoguo Aakeni nîmaathengutîre Amaleki.

1Sam 15:6 ပူးပေါင်းရင်းမြစ်များ

Kîam 15:19

Mavûrûri mau nîmo matûûragwa nî Akeni, Akenizi, Akadimoni,

Kîam 18:25

Nama ndûngîka ûguo. Ndûngîcûkangia andû arîa athingu vamwe na arîa matarî athingu. Ûngîka ûguo, andû arîa aro makaaverithagua vamwe na arîa acûku. We ndûngîka ûguo. Mûndû ûrîa ûtucagîra nthî yonthe ciira nwanginya eke guo na kîvooto.”

1Maû 2:55

Nacio mbarî ino irûmîrîrîte ciarî cia andû maarî na ûûgî na wara wa kwandîka na gûkovia mandîko na ciatûûraga Jabezi. Mbarî icio ciarî Atirathi, Ashimeathi na Asukathi. Acio maaumîte kûrî Keni ûrîa warî wa kuuma Hamathi nyombarî ya Rekabu.

Ntha 18:19

Rîu ka ngûtaare na Ngai ethîrwe arî vamwe nawe. Nîkwagîrîrîte ûtuîke mûtongoria wa andû aya na ûvirage mateta mao mbere ya Ngai.

Nthi 9:6

Tiganani na andû arîa matarî na ûûgî, na nî mûgûtûûra mwoyo. Tiga ûmenyo ûkwonie mîthiîre mîaro.”

Ndari 16:34

Andû onthe a Isiraeli arîa maarî vau, nîmaaûrire megua kîrîro Kîamo. Maaûrire makiugaga atîrî, “Nthî yavota gûtûmeria wanatue!”

Ciîko 2:40

Petero nîwamaarîrie na akîmathaitha na ciugo nyîngî akîmeeraga atîrî, “Îîvonokieni kuuma îverarî rîrîa rîgûka kûrî andû a rûciaro rûrû rwaganu!”

2Akor 6:17

Kwoguo Mwathani augîte atîrî, “Umani kûrî o na mûtigane nao, mûtikanyite kîndû gîtarî kîtheru, na nie nîngaamwîtîkîra.

2Tim 1:16

Mwathani aroîguîra andû a mûciî wa Onesiforo ntha, nîûndû aanatûma njokwe nî thayû mavinda meengî. Ke ndaanaconoka nîûndû atî nie naarî njeera,

Kûguû 18:14

Nao avûri a mbiacara nîmakaamwîra atîrî, “Indo irîa cionthe mbaro wendete nîciaûra, naguo ûtonga waku na indo irîa ûregemagia nacio nîciathiî na ndûgaciona rîngî.”

Atir 1:16

Njiarwa cia mûthoniwe wa Musa ûrîa warî Mûkeni, vamwe na andû a Juda nîciaumire Jeriko îtûûra rîa Mîkîndû na makîthiî werûrî wa Juda ûrîa ûrî Negebu vakuvî na Aradi. Kûu nîkuo maatûûranirie na Amaleki.

Atir 4:11

Vîndî îo Heberi ûrîa Mûkeni nîwatiganîte na Akeni arîa engî arîa maarî njiarwa cia Hobabu ûrîa warî mûthoniwe wa Musa. Heberi aambîte îgema rîake mûtîrî wa mûvuru vau zananimu vakuvî na Kedeshi.

Atir 5:24

Jaeli nîke mûndûmûka ûrîa mûrathime kûrî aka onthe, mûka wa Heberi, ûrîa Mûkeni, nîke mûndûmûka mûrathime mûno, kûrî aka onthe arîa matûûraga magemarî.

1Sam 15:5

Nake Saûlo marî na arûme ake nîmaathiîre îtûûrarî rîa Amaleki na magîkara methithîte Kîamndarî.

1Sam 27:10

Nake Akishi angîamûririe atîrî, “Wauma kûtharîkîra kû ûmûnthî?” Daudi nîwamwîraga atî ke aathiîte mwena wa îveti wa Juda, kana vûrûrirî wa Ajerahameeli, kana vûrûrirî wa Akeni.

1Sam 30:29

Rakali, matûûrarî ma Ajerameeli, matûûrarî ma Aakeni,