1Sam 14:7 - ÎVUKU RÎA ÛVORO MWARO

⁷ Nake mwanake ûcio nîwacokerie Jonathani na akîmwîra atîrî, “Thiî na mbere gwîka ûndû wa wonthe ûrîa meciria maku marakwîra wîke; nie nîrî vamwe nawe.”

1Sam 14:7 ပူးပေါင်းရင်းမြစ်များ

2Sam 15:15

Nacio ndungata cia mûthamaki nîciamwîrire atîrî, “Îî mwathi wetû tue nîtwîvarîrîtie gwîka ûrîa wonthe ûrenda twîke.”

2Sam 7:3

Nake Nathani nîwacokerie mûthamaki atîrî, “Îka wa ûrîa wonthe ûreciria gwîka, nîûndû Ngai-Mûnene arî vamwe nawe.”

Thaburi 46:7

Ngai-Mûnene mwene vinya wonthe arî vamwe natue; Ngai wa Jakovu nîke mûgitîri wetû.

Zakaria 8:23

Vîndî îo, andû îkûmi kuuma mavûrûrirî na mîarîrie yonthe nîmagetonyereria varî Mûyahudi ûmwe na mamwîre atîrî, ‘Tiga tûthiîcanie nawe nîûndû nîtwîguîte atî Ngai arî vamwe namue.’ ”

Atir 9:54

Wa rîmwe Abimeleki nîwacokire agîta mwanake ûrîa wamûkuuagîra indo ciake cia mbaara na akîmwîra atîrî, “Comora rûviû rwaku na ûmbûrage. Ndikwenda andû makauga atî naûragirwe nî mûndûmûka.” Nake mwanake ûcio nîwamûmundire akîmûtûrîkania na agîkua.

1Sam 10:7

Vîndî îrîa maûndû mama magekîka, we ûgeka wa ûrîa ûkona kwagîrîrîte nîûndû Ngai arî vamwe nawe.

1Sam 14:6

Nake Jonathani nîwerire mwanake ûcio wamûkuuagîra indo ciake cia mbaara atîrî, “Ûka, tûthiî mûringo ûrîa wîngî kûrîa Afilisiti arîa matarî aruu marî. Ngai-Mûnene avota gûtûtethia; nîûndû gûtirî kîndû kîngîgiria Ngai-Mûnene atûtethie wana ethîrwa tûtirî eengî.”

1Sam 14:8

Nake Jonathani nîwerire mwanake ûcio atîrî, “Ûguo nî waro, tue nîkwa tûkûthiî mûringo ûrîa wîngî nîguo Afilisiti matûone.