1Sam 14:44 - ÎVUKU RÎA ÛVORO MWARO

⁴⁴ Nake Saûlo nîwerire Jonathani atîrî, “Ngai arombûraga ethîrwe we tî ûkua!”

1Sam 14:44 ပူးပေါင်းရင်းမြစ်များ

Kîam 38:24

Vuva wa mîeri îthatû Juda nîwerirwe atîrî, “Tamarû mûka wa mûvîcîguo ethîrîtwe akîvûra ûmaraa, na rîu arî îvu.” Juda nîwathanire akiuga atîrî, “Mûruteni nja ya îtûûra na mûmûvîvie.”

2Sam 12:31

Nîwacokire agîtua andû a kuo aatûri a mbaû na mîcumano, aruti wîra na macembe ma cuuma, na mathanwa ma cuuma, na athondeki a matuvarî. Ûguo nîguo eekire andû onthe a matûûra mau mengî ma Aamoni. Nake Daudi na andû ake onthe nîmaacokire Jerusalemu.

2Sam 12:5

Daudi nîwarakarirue nî gîtonga kîu mûno na akîîra Nathani atîrî, “Nevîta na Ngai-Mûnene ûrîa ûtûûraga mwoyo, atî mûndû ûrîa wîkîte ûguo agîrîrwe nî gûkua!

2Sam 19:13

Daudi nîwacokire akîmeera meere Amasa atîrî, “We ûrî wa nyomba yakwa kuuma ûmûnthî nînagûtua mûnene wa athigari akwa a mbaara vandûrî va Joabu. Ngai arombûraga ethîrwa tî mvingia ûguo.”

2Sam 3:9

Ngai-Mûnene arombûraga ethîrwa tîmvingîria Daudi ûrîa Ngai-Mûnene aamwîrîîre na mwîvîtwa, atî nîakaaruta ûthamaki kuuma kûrî Saûlo na njiarwa ciake na atue Daudi mûthamaki wa Isiraeli na Juda, kuuma Dani îtûûra rîrîa rîrî mwena wa rûgûrû nginya Beerisheba îtûûra rîrîa rîrî mwena wa îveti.”

Nthi 25:16

Ûngîona ûûkî, rîa ûrîa ûkwîganîte, ûngîrîa ûkî mwîngî mûno nwa ûtûme ûtavîka.

Atir 11:35

Rîrîa Jefitha aamwonire, nîwatembûrangire nguo ciake nîûndû wa kîeva na akiuga atîrî, “Ûûi, mwarîwa! Nîwambûraga ngoro! Nîwatûma nyitwa nî mathîna meengî mûno. Nînerîrîre Ngai-Mûnene na mwîvîtwa na ndingîvota kûregana naguo!”

Ruthu 1:17

Kûrîa ûgaakuîra nîkuo ngaakuîra na nwakuo ngaathikwa. Ngai-Mûnene aromverithie kûngîkaagîa ûndû ûngîtûma tûtigane nawe tiga gîkuû.”

1Sam 14:39

Nie nîngwîvîta na Ngai-Mûnene ûrîa ûtûûraga mwoyo, ûrîa ûvotithagia andû a Isiraeli kûvootana atî, mûndû ûrîa ûkwîthîrwa arî na mavîtia nwanginya aûragwe, wana ethîrwa arî mûûriû wakwa, Jonathani.” Nwatî gûtirî mûndû wanarî ûmwe gatagatîrî ka andû acio onthe waugire ûndû.

1Sam 25:22

Ngai arombûraga ethîrwa ndikethîrwa mbûragîte arûme onthe a mûciî wake rûyû mbere ya gûkîe!”

1Sam 3:17

Nake Eli nîwaûririe Samueli atîrî, “Ngai-Mûnene arakwîrire atîa? Mbîra maûndû monthe. Ngai nîagaakûverithia mûno ethîrwa tî ûmbîra maûndû monthe marîa arakwîrire.”