1Sam 14:41 - ÎVUKU RÎA ÛVORO MWARO

⁴¹ Saûlo nîwavoire kûrî Ngai-Mûnene na akîmwîra atîrî, “Ngai-Mûnene, Ngai wa Isiraeli, nîkwa warega kûnthikîrîria ûmûnthî nîkî? Ethîrwa nînie nîrî na mavîtia kana nî mûûriû wakwa, Jonathani njokeria na njîra Urimu; nwatî ethîrwa mavîtia nî ma andû aku a Isiraeli, njokeria na njîra ya Thumimu.” Nake Jonathani marî na Saûlo nîo moonekire mevîtie. Nao andû acio engî makîvonoka.

1Sam 14:41 ပူးပေါင်းရင်းမြစ်များ

Nthi 16:33

Andû maikagia mîtî nîguo mamenye ûrîa gûgaatuîkîka, nwatî Ngai-Mûnene nîke ûtucaga ûrîa gûgaatuîkîka.

Nthi 18:18

Gwikia mîtî nî kûthiragia ngarari ciirarî, nî gûtuithanagia ciira gatagatî ka andû aîrî magîkararania na vinya.

Jona 1:7

Amenyereri a meri nîmeeranire atîrî, “Tigani twikie mîtî nîguo tûmenye tûrona thîna ûyû nîûndû wa mavîtia ma û.” Kwoguo nîmaaikirie mîtî, na mûtî ûkîgwîrîra Jona.

Ciîko 1:24

Nao nîmavoire makiugaga atîrî, “Mwathani we nîwîcî meciria ma andû onthe, ta twonie gatagatîrî ka andû aya aîrî ûrîa we ûthuurîte

Ciîko 1:26

Nao nîmaaikirie mîtî nîguo mathuure ûmwe gatagatîrî kao. Nake Mathiia akîthuurwa na agîcoka agîtaranîrua na atûmwa arîa engî îkûmi na ûmwe.

1Sam 14:40

Ke nîwacokire akîîra andû atîrî, “Mue muonthe thiîni mwena ûûrîa wîngî, natue tûrî na Jonathani nîtwîthîrwa tûrî mwena ûyû.” Nao nîmaacokirie na makiuga atîrî, “Îka wa ûrîa we ûkwona kwagîrîrîte.”

1Sam 14:42

Nake Saûlo nîwaugire rîngî atîrî, “Tuonie nîûrîkû ûrî na mavîtia gatagatîrî ka mûûriû wakwa, Jonathani nanie.” Na Jonathani nîke wonekire arî na mavîtia.