1Sam 14:40 - ÎVUKU RÎA ÛVORO MWARO

⁴⁰ Ke nîwacokire akîîra andû atîrî, “Mue muonthe thiîni mwena ûûrîa wîngî, natue tûrî na Jonathani nîtwîthîrwa tûrî mwena ûyû.” Nao nîmaacokirie na makiuga atîrî, “Îka wa ûrîa we ûkwona kwagîrîrîte.”

1Sam 14:40 ပူးပေါင်းရင်းမြစ်များ

2Sam 15:15

Nacio ndungata cia mûthamaki nîciamwîrire atîrî, “Îî mwathi wetû tue nîtwîvarîrîtie gwîka ûrîa wonthe ûrenda twîke.”

1Sam 1:23

Nake Elikana, mûthuuri wake nîwamwîrire atîrî, “Îka wata ûrîa ûrona kwagîrîrîte; îkara mûciî nginya vîndî îrîa ûkaamûtigithia kwonga. Nake Ngai-Mûnene arotuma kîîranîro gîake kîvinge.” Nake Hana nîwekarire mûciî akîreraga mwana nginya rîrîa aatigire kwonga.

1Sam 14:36

Nake Saûlo nîwerire arûme ake atîrî, “Tigani tûnyûrûrûke kûrî Afilisiti ûtukû wa ûmûnthî tûkamacune indo ciao, na tûmaûrage onthe nginya rûyû macangîa.” Nao magîcokia na makiuga atîrî, “Îka wa ûrîa we ûkwona kwagîrîrîte.” Nwatî mûthînjîri-Ngai nîwaugire atîrî, “Tigani twambe tûvoe Ngai.”

1Sam 14:39

Nie nîngwîvîta na Ngai-Mûnene ûrîa ûtûûraga mwoyo, ûrîa ûvotithagia andû a Isiraeli kûvootana atî, mûndû ûrîa ûkwîthîrwa arî na mavîtia nwanginya aûragwe, wana ethîrwa arî mûûriû wakwa, Jonathani.” Nwatî gûtirî mûndû wanarî ûmwe gatagatîrî ka andû acio onthe waugire ûndû.

1Sam 14:41

Saûlo nîwavoire kûrî Ngai-Mûnene na akîmwîra atîrî, “Ngai-Mûnene, Ngai wa Isiraeli, nîkwa warega kûnthikîrîria ûmûnthî nîkî? Ethîrwa nînie nîrî na mavîtia kana nî mûûriû wakwa, Jonathani njokeria na njîra Urimu; nwatî ethîrwa mavîtia nî ma andû aku a Isiraeli, njokeria na njîra ya Thumimu.” Nake Jonathani marî na Saûlo nîo moonekire mevîtie. Nao andû acio engî makîvonoka.

1Sam 14:7

Nake mwanake ûcio nîwacokerie Jonathani na akîmwîra atîrî, “Thiî na mbere gwîka ûndû wa wonthe ûrîa meciria maku marakwîra wîke; nie nîrî vamwe nawe.”