1Sam 14:39 - ÎVUKU RÎA ÛVORO MWARO

³⁹ Nie nîngwîvîta na Ngai-Mûnene ûrîa ûtûûraga mwoyo, ûrîa ûvotithagia andû a Isiraeli kûvootana atî, mûndû ûrîa ûkwîthîrwa arî na mavîtia nwanginya aûragwe, wana ethîrwa arî mûûriû wakwa, Jonathani.” Nwatî gûtirî mûndû wanarî ûmwe gatagatîrî ka andû acio onthe waugire ûndû.

1Sam 14:39 ပူးပေါင်းရင်းမြစ်များ

2Sam 12:5

Daudi nîwarakarirue nî gîtonga kîu mûno na akîîra Nathani atîrî, “Nevîta na Ngai-Mûnene ûrîa ûtûûraga mwoyo, atî mûndû ûrîa wîkîte ûguo agîrîrwe nî gûkua!

2Sam 14:21

Mûthamaki nîwacokire akîîra Joabu atîrî, “Nînetîkîra gwîka ûguo ûrenda. Kwoguo thiî ûgîre mwanake ûcio wîtagwa Abusalomu ûmûcokie gûkû.”

Mûvunjia 9:2

Gûtirî ngûrani ya mûndû mûthingu na mûndû mwaganu, mûndû mwaro na mûndû mûcûku, mûndû mûtheru na ûtarî mûtheru, arîa marutaga matega na arîa matarutaga, nîûndû mûrigîrîrio wao onthe nî ûmwe. Gûtirî ngûrani ya mûndû mwaro na mwîvia, na gûtirî ngûrani ya mûndû ûrîa wîvîtaga na ûrîa ûtevîtaga.

1Sam 14:24

Nao andû a Isiraeli nîmaathirirwe nî vinya mûno mûthenya ûcio, nîûndû Saûlo nîwamevîtithîtie mwîvîtwa na akîmeera atîrî, “Mûndû wa wonthe ûrîa ûkaarîa irio ûmûnthî mbere ya gûtuke nie ndarîkîtie gûtooria nthû ciakwa aronyitwa nî kîrumi.” Kwoguo gûtirî mûndû warîre irio mûthenya ûcio wonthe.

1Sam 14:40

Ke nîwacokire akîîra andû atîrî, “Mue muonthe thiîni mwena ûûrîa wîngî, natue tûrî na Jonathani nîtwîthîrwa tûrî mwena ûyû.” Nao nîmaacokirie na makiuga atîrî, “Îka wa ûrîa we ûkwona kwagîrîrîte.”

1Sam 14:44

Nake Saûlo nîwerire Jonathani atîrî, “Ngai arombûraga ethîrwe we tî ûkua!”

1Sam 19:6

Saûlo nîwetîkirie ûrîa Jonathani aamwîrire na akîîvîta na rîîtwa rîa Ngai-Mûnene atî, ndakaaûraga Daudi.

1Sam 20:31

Anga ndûicî atî Daudi arî mwoyo ndûgaatuîka mûthamaki wa vûrûri ûyû? Kwoguo thiî ûkamûrete ava nîrî, nîûndû nwanginya akue!”

1Sam 22:16

Nake mûthamaki nîwerire Ahimeleku atîrî, “We vamwe na andû onthe a mûciî wenyu nwanginya mûragwe.”

1Sam 28:10

Nake Saûlo nîwevîtire na akîîra mûndûmûka ûcio atîrî, “Nie nînîîvîta na Ngai-Mûnene ûrîa ûtûûraga mwoyo atî, we ndûkaaverithua nîûndû wa gwîka ûguo.”