1Sam 14:33 - ÎVUKU RÎA ÛVORO MWARO

³³ Nake mûndû ûmwe nîwerire Saûlo atîrî, “Ta roria, andû nîmareka wîvia kûrî Ngai-Mûnene makîrîa nyama irî na nthakame.” Nake Saûlo nîwaugire atîrî, “Mue mûrî aunu watho. Vingiritiani îthiga rînene mûndetere ava.”

1Sam 14:33 ပူးပေါင်းရင်းမြစ်များ

Kîam 9:4

Kîndû kîrîa tu mûtakaarîcaga nî nyamû îrîa yonthe yûragîtwe îtagwîtûrûra nthakame nîûndû mwoyo wayo ûrî nthakamerî.

Alawi 17:10

“Mûisiraeli wa wonthe kana mûgeni wa wonthe ûtûûranagia nao angîrîa nyamû îrî na nthakame, Ngai-Mûnene nîakaamûverithia na amwamûranie na andû ake.

Alawi 19:26

“Mûtikarîe nyama irî na nthakame na mûtikaragûrie kana mûragûrîrwe.

Alawi 7:26

Kûrîa kuonthe mûtûûraga, mûtiagîrîrwe nî kûnyua nthakame wa yonthe îrî ya gîconi kana ya nyamû.

Alawi 7:27

Mûndû wa wonthe ûkaauna watho ûyû wanake nîakaamûranua na andû ake.”

Mathaayo 7:5

We mvinga îno! Amba ûrute gîting'û kîrîa kîrî rithorî rîaku we mwene na nîûkûvota kwona waro ûkîruta kîvuti kîrîa kîrî rithorî rîa mûrwanyûkwe.

Ciîko 15:20

Vandû va ûguo, tue nîtwagîrîrwe nî kwandîka maarûa kûrî o tûmere maûndû mama. Matikarîcage irio irîa irî na mûgiro nîûndû nîciîthagîrwa itegeretwe mîvuanano: matigekage ciîko cia ûmaraa: matikarîcage nyama cia nyamû irîa ciîthagîrwa ithioretwe ngingo itagwîtûrûra nthakame; na matikaarîcage nthakame.

Aroma 2:1

Mûrata wakwa ethîrwa we nîûtucagîra andû arîa engî, ndûrî na kîîgwatio wana ethîrwa we nîwe û. Nîûndû rîrîa ûgûtuîra andû arîa engî ûgacoka ûgeka maûndû marîa maratûma ûmatuîre, nîwe mwene ûretuîra.

Gûco 12:16

Nwatî mûtikarîe nthakame. Mîtûrûrageni nthî ta manjî.

Gûco 12:23

Menyererani mûtikarîe nthakame nîûndû mwoyo wîthagîrwa ûrî nthakamerî, na mûtikarîcanîrie mwoyo na nyama.

Gûco 15:23

Nwatî mûtikarîe nthakame ya cio, vandû va ûguo mîtûrûrageni nthî ta manjî.

1Sam 14:34

Nake Saûlo nîwaugire rîngî atîrî, “Thiîni kûrî andû onthe na mûmeere wa mûndû wonthe aûke na ndegwa yake îmwe wana ndûrûme ava. Nao maithînjîre ava na marîe, na nwanginya mamenyerere matikeevîrie Ngai-Mûnene makîrîa nyama irî na nthakame.” Kwoguo andû acio onthe, wa mûndû wa mûndû nîwavirire nyamû ciake ûtukû ûcio na makîithînjîra vau.