1Sam 14:18 - ÎVUKU RÎA ÛVORO MWARO

¹⁸ Nake Saûlo nîwerire Ahija, ûrîa mûthînjîri-Ngai atîrî, “Rete îthandûkû rîa Kîrîkanîro rîa Ngai ava.” (Mûthenya ûcio, Ahija aathiîte arîkuîte arî mbere ya andû a Isiraeli.)

1Sam 14:18 ပူးပေါင်းရင်းမြစ်များ

2Sam 11:11

Nake Uria nîwacokerie Daudi atîrî, “Andû a Isiraeli na Juda marî mbaararî na îthandûkû rîa Kîrîkanîro. Nake mwathi wakwa, Joabu vamwe na ndungata ciake mambîîte magema mao werûrî. Nîngîrathiîre mûciî ngarîe, ngînyunyaga na njoke menyane kîîmwîrî na mûndûmûka wakwa atîa? Nînîvîta na Ngai-Mûnene ûrîa ûtûûraga mwoyo atî, ndîngîrekire ûndû ta ûcio!”

Ndari 27:21

Eliazaru, mûthînjîri-Ngai nîke ûkaamûmenyithagia wendi wakwa na njîra ya gûtûmîra Urimu na Thumimu. Na njîra îo, Eleazaru agaatongoragia Joshua na andû onthe a Isiraeli maûndûrî mao monthe.”

Atir 20:18

Aisiraeli nîmaathiîre Betheli na makîûria Ngai atîrî, “Nî andû a mûvîrîga ûrîkû makûthiî kûtharîkîra Aabenjamini marî a mbere?” Nake Ngai-Mûnene nîwacokirie atîrî, “Nî andû a mûvîrîga wa Juda makwambîrîria.”

Atir 20:23

Nîmaathiîre vandû varîa vaagoocagîrwa na nîmaarîrîre Ngai-Mûnene nginya kîvwaî. Nîmaamûririe atîrî, “Nî waro tûthiîte kûrûa na andû etû a Benjamini?” Nake Ngai-Mûnene nîwacokirie atîrî, “Îî.” Kwoguo Aisiraeli nîmeeyûmîrîrie na makiga athigari ao varîa maamaigîte mbere.

1Sam 14:17

Vîndî îo Saûlo nîwerire arûme arîa maarî vamwe nake atîrî, “Ta tarani andû nîguo mwone nîûrîkû ûtarî vo.” Rîrîa maataranire, nîmoonire atî Jonathani matiarî vo.

1Sam 14:36

Nake Saûlo nîwerire arûme ake atîrî, “Tigani tûnyûrûrûke kûrî Afilisiti ûtukû wa ûmûnthî tûkamacune indo ciao, na tûmaûrage onthe nginya rûyû macangîa.” Nao magîcokia na makiuga atîrî, “Îka wa ûrîa we ûkwona kwagîrîrîte.” Nwatî mûthînjîri-Ngai nîwaugire atîrî, “Tigani twambe tûvoe Ngai.”

1Sam 23:9

Rîrîa Daudi aamenyire atî Saûlo aarî na mûvango wa kûmûtharîkîra, nîwerire Abiatharu mûthînjîri-Ngai atîrî, “Ndetere efodi ava.”

1Sam 5:2

Nao nîmaacokire makîrîoca na makîrîvira hekarûrî ya ngai yao îrîa yetagwa Dagoni, na makîriigîrîra vakuvî na mûvuanano wa ngai îo.

1Sam 7:1

Nao athuuri a Kiriathu Jearimu nîmaanyûrûrûkire na magîoca îthandûkû rîa Kîrîkanîro rîa Ngai-Mûnene na makîrîvira mûciî kwa mûndû wetagwa Abinadabu. Nao nîmaatheririe mûûriû wake, Eleazaru nîguo atuîke mûmenyereri wa îthandûkû rîu rîa Ngai-Mûnene.