1Sam 13:7 - ÎVUKU RÎA ÛVORO MWARO

⁷ Nao arîa engî makîringa rûnjî rwa Jorodani makîthiî mavûrûrirî ma Gadi na Gileadi. Vîndî îo Saûlo aarî Giligali, nao andû onthe arîa maarî nake nîkwa maainainaga nîndû wa guoya.

1Sam 13:7 ပူးပေါင်းရင်းမြစ်များ

Alawi 26:17

Nîngaamûtiganîria nîguo mûkaavootwa nî nthû cienyu, nao andû arîa mamûmenete nî makaamwatha. Mûkaamaka nginya mûrage wana gûtarî mûndû ûmûvinyûrithîtie.

Gûco 20:8

“Anene acio a athigari a mbaara nîmakaathiî na mbere kwarîria andû mameere atîrî, ‘Kûrî mûndû gatagatîrî kenyu ûregua guoya na atarî na vinya ngoro? Mûndû ûcio nîacoke mûciî, nîûndû avota gûtûma athigari acio engî megue guoya.’

Gûco 28:25

“Ngai-Mûnene nîagaatûma mûvootwe nî nthû cienyu. Mûkaamatharîkîra kuuma mwena ûmwe, nwatî mûkaaûra nîo na mîena yonthe. Andû onthe a nthî nîmakaanyitwa nî guoya nyîngî mona ûrîa gwîkîkîte kûrî mue.

Gûco 3:12

“Rîrîa twenyitîre vûrûri ûcio, nînavere andû a mûvîrîga wa Reubeni na wa Gadi vûrûri ûrîa ûrî mwena wa rûgûrû wa Aroeri vakuvî na rûnjî rwa Arinoni, nuthu ya vûrûri ûrîa ûrî irîma wa Gileadi, wa vamwe na matûûra maguo.

Josh 13:11

Nîwanyitîte Gileadi, vûrûri wa Geshuri na Maaka, kîrîma Kîam Herimoni kîonthe na Bashani kuonthe nginya Saleka.

Josh 13:8

Musa ndungata ya Ngai-Mûnene nîwagaîrîte mûvîrîga wa Reubeni na wa Gadi na nuthu îmwe ya mûvîrîga wa Manase vûrûri ûtuîke wao. Vûrûri ûcio warî mwena wa îrathîro rîa rûnjî rwa Jorodani.

Atir 7:3

Kwoguo anîrîra kûrî andû onthe ûmeere atîrî, ‘Mûndû wa wonthe ûretigîra nîacoke mûciî.’ ” Nao andû ngiri mîrongo îrî na igîrî nîmaacokire mûciî, nwatî andû ngiri îkûmi nîmaatigirwe kuo.

1Sam 13:8

Ke nîwetererire Samueli kuo kwa îvinda rîa mîthenya mûgwanja, wata ûrîa eerîtwe nî Samueli, nwatî Samueli ndaathiî Giligali. Nao andû nîmaambîrîrie kûnyagania magîtiganîria Saûlo

1Sam 17:11

Rîrîa Saûlo na andû onthe a Isiraeli meeguire ûrîa Mûfilisiti ûcio aaugire, nîmaamakire na magîîtigîra.

1Sam 31:7

Rîrîa Aisiraeli arîa maarî mwena ûcio wîngî wa Kîamnda Kîam Jezireeli na arîa maarî mwena wa îrathîro wa rûnjî rwa Jorodani meegwire atî andû a Isiraeli nîmaûra, na atî Saûlo na anake ake maarî akuû, nîmaatiganîrie matûûra mao na makîûra. Nao Afilisiti nîmaathiîre na magîtûûra matûûrarî mau.