1Sam 13:6 - ÎVUKU RÎA ÛVORO MWARO

⁶ Rîrîa Afilisiti maatonyerere andû a Isiraeli na vinya ûndû andû a Isiraeli matangîavotire gwîtethia, andû amwe a Isiraeli nîmeethithire ngurungarî, marimarî, mîanyarî ya mathiga marîa manene, na ndaarî ya iriko cia manjî;

1Sam 13:6 ပူးပေါင်းရင်းမြစ်များ

2Sam 24:14

Daudi nîwerire Gadi atîrî, “Nînîrathînîka mûno! Nwatî ndikwenda kûverithua nî andû. Nî kava tûverithue nî Ngai-Mûnene ke mwene nîûndû arî ntha nyîngî.”

Isaia 42:22

Nwatî aya nî andû aîe indo na magatavwa, onthe nîanyitîre marimarî nî mûtego na makathithwa njeera. Mekariî ta nyamû iguîmîtwe matarî na mûndû wa kûmavonokia, Nî atave na gûtirî wa kuga atî: “Nîmacokue kwao!”

Jeremia 41:9

Kîriko Kîam manjî kîrîa Ishumaeli aikirie ciimba cia andû arîa aûragîte, Kîamrî kînene na kîenjîtwe nî mûthamaki Asa, akîîgitîra kuuma kûrî mûthamaki Baasha wa Isiraeli. Ishumaeli nîwecûririe îrima rîu na ciimba irîa aaûragîte.

Ezek 33:27

“Marîrie na ûmere nie Ngai-Mûnene nîrauga atî: Wata ûrîa ndûûraga mwoyo, andû acio onthe matûûraga matûûrarî mau momomoku nîmakaaûragwa. Arîa marî mîgûndarî makaarîwa nî nyamû cia kîthaka; na arîa marî kûndû kûrîa kûgitîre na ngurungarî makaaûragwa nî mîrimû mîcûku.

Afil 1:23

Maûndû mau maîrî nîmarangucanîria. Nînîrerirîria mûno gûkua, nîguo ngatûûranie na Kristû nîûndû ûguo nîguo waro mûno.

Ahib 11:38

Andû acio mationaga vata wa gûtûûra nthî. Maaûrûraga ta ageni werûrî na irîmarî na matûûraga makurungurî na marimarî menjîtwe nthî.

Josh 8:20

Vîndî îrîa andû a Ai maaroririe na vuva, nîmoonire îtûûra rîao rîkiuma ndogo yunûkîtie na îgûrû matuurî. Nao athigari a Isiraeli arîa maaûrîte mathiîte werûrî, nîmaamavûgûkîre na makîtharîkîra andû a Ai na matingîavotire kûûra.

Atir 10:9

Aamoni nîmaaringire Jorodani na makîthiî kûrûa na andû a mûvîrîga wa Juda, Benjamini, na nyomba ya Efiraimu. Kwoguo Aisiraeli maarî na thîna mûno.

Atir 20:41

Andû a Isiraeli nîmaagarûrûkire, nao andû a Benjamini makîmaka nîûndû nîmaamenyire atî maarî vakuvî kûthirua.

Atir 6:2

Andû a Midiani maarî na vinya gûkîra Aisiraeli. Nao Andû a Isiraeli nîmeethithire ngurungarî na kûndû kwîngî kûu irîmarî.

1Sam 13:15

Nake Samueli nîwaumire kûu Giligali na akîthiî Gibea, vûrûrirî wa Benjamini. Nake Saûlo nîwatarire andû arîa aarî nao na maarî ta arûme magana matandatû.

1Sam 14:11

Nao oîrî nîmeeyonithanirie kûrî Afilisiti, nao Afilisiti nîmaaugire atîrî, “Aia! Taroriani mwone Ahibirania amwe makiuma marimarî kûrîa marethithîte!”

1Sam 14:22

Nao Aisiraeli arîa engî meethithîte vûrûrirî ûrîa ûrîa irîma wa Efiraimu megua atî Afilisiti nîkwa maaûrîte, wanao nîmaanyitanîre na Saûlo na Jonathani na makîthiî kûrûa na Afilisiti.

1Sam 23:19

Nao andû amwe a kuuma Zifu nî maathiîre kûrî Saûlo kûu Gibea na makîmwîra atîrî, “Daudi ethithîte vûrûrirî wetû kûu Horeshu kîrîmarî Kîam Hakila kîrîa kîrî mwena wa îveti wa werû wa Judea.

1Sam 24:3

Saûlo nîwakinyire ngurungarî ya vandû vaarî na njaga cia ng'ondu rûtere rwa njîra na nîwatonyire ndaarî nîguo etethie. Nakuo kûu ngurungarî îo ndaarî nîkuo Daudi na andû ake meethithîte.

1Sam 31:7

Rîrîa Aisiraeli arîa maarî mwena ûcio wîngî wa Kîamnda Kîam Jezireeli na arîa maarî mwena wa îrathîro wa rûnjî rwa Jorodani meegwire atî andû a Isiraeli nîmaûra, na atî Saûlo na anake ake maarî akuû, nîmaatiganîrie matûûra mao na makîûra. Nao Afilisiti nîmaathiîre na magîtûûra matûûrarî mau.

1Sam 7:7

Na rîrîa Afilisiti megwire atî andû a Isiraeli nîmaacemanîtie kûu Mizipa, athamaki acio atano a Filisiti nîmaathiîre marî na mbûtû yao ya mbaara nîguo makarûe na Aisiraeli. Rîrîa Aisiraeli meegwire ûguo, nîmeetigîre.