1Sam 13:5 - ÎVUKU RÎA ÛVORO MWARO

⁵ Nao Afilisiti nîmaacokanîrîre vamwe na makîîvarîria nîguo marûe na Aisiraeli; o maarî na ngari ngiri mîrongo îthatû cia mbaara, arûme ngiri ithathatû arîa mathiîcaga matûîte mbarathi, na athigari eengî meengîvîte ta mûthanga ûrîa wîthagîrwa ûrî rûtererî rwa îria. O nîmaaunûkirie na makîamba magema mao mwena wa îrathîro wa Bethiaveni, kûu Mikimashi.

1Sam 13:5 ပူးပေါင်းရင်းမြစ်များ

Kîam 22:17

Nama nîngaakûrathima na njiarwa nyîngî ta njata cia îgûrû kana ta mûthanga ûrîa ûrî rûtererî rwa îria. Njiarwa ciaku nîikaavoota nthû ciao.

2Sam 17:11

Ûrîa ngûgûtaara nî atî, ûcokanîrîrie Aisiraeli onthe vamwe kuuma Dani nginya Berisheba, mengîve ta mûthanga ûrîa wîthagîrwa ûrî rûtererî rwa îria, na ûmatongorie mbaararî we mwene.

1Atha 20:27

Andû a Isiraeli nîmaaûnganirue na makîvewa indo cia mbaara na makîthiî kûrûa na Asîria. Aisiraeli moonekaga ta tûkundi twîrî tûnini twa mbûri, nwatî Asîria maanyaganîte vûrûrirî wonthe.

2Maû 1:9

Ngai-Mûnene, Ngai, tûma ûrîa werîre vava Daudi ûvinge. Nî ûrandwire mûthamaki wa andû eengî mûno ta rûkûngû rwa nthî.

Isaia 10:28

Nthû nîciaunûkirie kuuma Rimoni, na nînginyu îtûûrarî rîa Aiathi! Ivîtûkîrîrîte Migironi! Na cigîte mîrigo yacio Mikimashi!

Isaia 48:19

Njiarwa ciaku ingîengîvîte ta mûthanga, ciana ciaku ingîengîvîte ta tûthiga twa mûthanga, rîîtwa rîao rîtikaathengutua kana rîcûkangua.”

Jeremia 15:8

Nîndûmîte aka ao a ndigwa mongerereke, na mengîve gûkîra mûthanga ûrîa ûrî îriarî. Aciari a andû ethî nînîmareterete, ûndû wa kûmacûkangia mûthenya. Nîndûmîte manyitwe nî ûrûrû na kîmako wa rîmwe.

Hosea 10:5

Andû arîa matûûraga Samaria nîmagaatetema, nîûndû wa njaû ya Bethaveni. Andû a kuo nîmagacakaîra njaû îo, wana athînjîri-Ngai arîa magoocaga ngai cia mûviano nîmakaamînamîrîria, makarîra nîûndû riiri wa njaû îo nîmûthengutie.

Hosea 4:15

Wana ethîrwa nama mue andû a Isiraeli nîmûvûraga ûmaraa! mûtigatûme andû a Juda methîrwa na mavîtia! Mûtikathiî vandû varîa vatheru kûu Giligali, wana mûtikathiî Bethiaveni, na ndakevîte akiugaga, “Wa ta ûrîa Ngai-Mûnene atûûraga mwoyo.”

Hosea 5:8

Vuvani coro kûu Gibea, na tûrumbeta kûu Rama. Vuvani kîng'ora kûu Bethaveni. Mue andû a Benjamini, tetemani!

Aroma 9:27

Nake Isaia nîwanîrîre ûvoro wîgiî Isiraeli akiuga atîrî, “Wana ethîrwa ciana cia Isiraeli nî nyîngî ta mûthanga ûrîa ûrî îriarî, nî andû anini mûno gatagatîrî kao makaavonoka,

Josh 11:4

Nao athamaki acio onthe nîmaaûkire na athigari ao a mbaara. Athigari acio onthe a mbaara meengîvîte ta mûthanga ûrîa ûrî rûtererî rwa îria. Na maarî na mbarathi nyîngî na ikaari ciacio.

Josh 18:12

Mwena wa rûgûrû mûvaka wa vûrûri wa mûvîrîga wa Benjamini wambîrîrîtie rûnjîrî rwa Jorodani. Nîwacokete ûkanyûrûrûkîra ciîkûrûkorî irîa irî na mwena wa rûgûrû wa Jeriko na agacoka ûkathiîrîra irîmarî na mwena wa îthûîro nginya werûrî wa Bethiaveni.

Josh 7:2

Joshua nîwatûmire andû amwe makiuma Jeriko makîthiî Ai îtûûra rîrîa rîarî vakuvî na Bethiaveni mwena wa îrathîro wa Betheli. Joshua ameerire mathiî magatuîrie vûrûri ûcio. Na rîrîa andû acio maatuîririe vûrûri wa Ai,

Atir 7:12

Amidiani, Amaleki na andû onthe a mwena wa îrathîro maanyagarûkîte kûu Kîamndarî ta gîtutu Kîam ngige na maarî na ngamîîra nyîngî ta mûthanga ûrîa wîthagîrwa ûrî rûtererî rwa îria.

1Sam 13:11

Nake Saûlo nîwacokirie na akiuga atîrî, “Rîrîa nie monire atî andû nîkwa makûnyaganagia makîndiganagîria na we ndûrarî mûku vîndî îrîa wambîrîte nîûgûka, na atî Afilisiti maûnganîte kûu Mikimashi;

1Sam 13:2

Saûlo nîwathuurire arûme ngiri ithatû (3,000) a kuuma Isiraeli. Ke nîwekarire na arûme ngiri igîrî cia acio kûu Mikimashi na vûrûri ûrîa ûrî irîma wa Betheli. Nîwacokire akîîra mûvîcî ûrîa wetagwa Jonathani mathiî kûu Gibea marî na arûme ngiri îmwe. Gibea yarî vûrûrirî wa mûvîrîga wa Benjamini. Agîcoka akîîra acio engî menûke, wa mûndû gwake mûciî.

1Sam 14:23

Nao nîmaarûire mbaara îo na makîvîtûka Bethaveni. Nake Ngai-Mûnene nîwavonokirie andû a Isiraeli mûthenya ûcio.

1Sam 14:52

Ûtûûrorî wake wonthe, Saûlo nîwarûaga na Afilisiti na vinya mûno; na rîrîa rîonthe ke oonaga mûndûmûrûme wîna vinya kana mûmîrîru, ke nîwamwocaga na akamûtonyia gîkundirî gîake Kîam athigari ake a mbaara.

1Sam 17:1

Afilisiti nîmaaûnganirie mbûtû ciao cia mbaara kûu Soko nîguo makarûe. Soko rîarî îtûûra rîmwe rîa Juda. Maambire magema mao vandû vetagwa Efesi-damimu. Efesi-damimu îrî gatagatî ka Soko na Azeka.

1Sam 7:13

Nao Afilisiti makîvootwa viû na matiacoka kûvîtûka mîvaka ya Isiraeli rîngî ûtûûrorî wonthe wa Samueli.