1Sam 12:8 - ÎVUKU RÎA ÛVORO MWARO

⁸ Rîrîa Jakovu na andû a mûciî wake maathiîre Misiri nao andû a Misiri makîmakînyîrîria, methe menyu ma tene nîmaathaithire Ngai-Mûnene nîguo amatethie. Nake Ngai-Mûnene nîwatûmire Musa marî na Aroni, arîa maatongoretie methe menyu ma tene makiuma Misiri, na magîûka gûtûûra vûrûrirî ûyû.

1Sam 12:8 ပူးပေါင်းရင်းမြစ်များ

Thaburi 105:44

Nîwamavere mîgûnda ya mavûrûri ma andû engî, na makîîgwatîra mîgûnda ya andû arîa maatûûraga kuo,

Ntha 12:51

Na mûthenya ûcio Ngai-Mûnene nîwarutire andû a mîvîrîga ya Isiraeli vûrûri wa Misiri.

Ntha 6:26

Aroni na Musa nîo Ngai-Mûnene eerire atîrî, “Tongoriani andû a Isiraeli maume vûrûri wa Misiri.”

Ndari 20:15

Nîmwîcî ûrîa methe metû maathiîre Misiri, na ûrîa twatûûrire Misiri mîaka mîngî, wana ûrîa andû a Misiri maatûnyamaririe wa vamwe na methe metû,

Ciîko 7:15

Nake Jakovu nîwathiîre Misiri kûrîa ke na avîcî ake maakuîrîre.

Josh 1:6

Gîa na vinya na ûmîrîrie nîûndû nîwe ûgaatûma andû aya magae vûrûri ûrîa nerîre methe mao na ngîîvîta atî nîngaamava.

Josh 21:43

Ngai-Mûnene nîwavere andû a Isiraeli vûrûri wonthe ûrîa eerîrîte methe mao ma tene na mwîvîtwa atî nî akaamava. Kwoguo andû a Isiraeli nîmegwatîre vûrûri ûcio na magîtûûra kuo.

1Sam 10:18

na akîmeera Ngai-Mûnene, Ngai wa Isiraeli arauga atîrî, “Nî nie naamûrutire Misiri na ngîmûvonokia kuuma kûrî andû onthe arîa maamûvinyagîrîria.

1Sam 12:6

Samueli nîwathiîre na mbere kwîra andû atîrî, Ngai-Mûnene ûrîa wathuurire Musa na Aroni na nîke warutire methe menyu ma tene vûrûrirî wa Misiri nîke mûira.