1Sam 12:23 - ÎVUKU RÎA ÛVORO MWARO

²³ Makîria ya ûguo, Ngai-Mûnene arondethia ndikavîtie ngîrega kûvoya nîûndû wenyu, nwatî ngaamûthomithagia ûvoro wîgiî maûndû marîa maro na marîa ma ûma.

1Sam 12:23 ပူးပေါင်းရင်းမြစ်များ

1Atha 8:36

nakûthaitha ûkaamathikîrîria ûrî kûu îgûrû. Ûkoovera andû aku a Isiraeli mevia mao, na ûkaamathomithia mîtugo mîaro îrîa magîrîrwe nî kûrûmîrîra. Ûcoke urithie mbura vûrûrirî waku ûrîa waveere andû aku rîrî îgai rîao.

2Maû 6:27

nakûthaitha ûkaamathikîrîria ûrî kûu îgûrû na wovere andû aku a Isiraeli, ndungata ciaku. Ûgaacoka ûmathomithie mîtugo mîaro îrîa magîrîrwe nî kûvingia na ûtûme mbura yure vûrûrirî ûyû waku ûrîa waveere andû aku ûtuîke îgai rîao.

Thaburi 122:6

Voyani nîguo Jerusalemu kûgîe thayû, “Arîa makwendete marothatûkwa.

Thaburi 34:11

Ûkani kûrî nie mue anake mûnthikîrîrie, nîngûmûthomithia kûgooca Ngai-Mûnene.

Thaburi 34:12

Nwa wende gûkenera ûtûûro waku? Nwa wende gûtûûra îvinda îraca na ûrî na gîkeno?

Ntha 32:30

Mûthenya ûcio warûmîrîrîte Musa nîwerire andû atîrî, “Mue nîmwîkîte mevia macûku mûno. Nwatî rîu nîngunûkia kîrîmarî kûrî Ngai-Mûnene ngone kana Ngai-Mûnene nwa amwovere mevia menyu.”

Nthi 4:11

Nîngûthomithîtie ûrîa ûngîgîa na ûûgî, na ngakwonia kûthiî na mîthiîre mîkinyanîru.

Mûvunjia 12:10

Mûvunjia nîwageririe gûcaria ciugo cia gûkenia andû, nwatî aandîkaga ciugo cia ûma.

Isaia 30:21

Mûngîvîtia njîra mûthiî na mwena wa ûrîo kana wa ûmotho, nîmûkegucaga mûgambo vuva wenyu ûkîmwîra atîrî, “Îno nîyo njîra; mîrûmîrîreni.”

Jeremia 15:1

Ngai-Mûnene nîwacokire akîmbîra atîrî, “Wana Musa na Samueli mangîrûngama mbere yakwa, nie ndingîguîra andû aya ntha. Meere mathiî maume mbere yakwa.

Jeremia 27:18

Ethîrwa o nî arathi na marî na ndûmîrîri ya Ngai-Mûnene, nî makaîre Ngai-Mûnene mwene vinya wonthe nîguo indo irîa ciatigarire hekarûrî ya Ngai-Mûnene na nyombarî ya mûthamaki wa Juda na Jerusalemu itikavirwe Babuloni.”

Jeremia 42:4

Nake Jeremia nîwamacokerie atîrî, “Nîwaro nînegua; rîu nîngûvoya Ngai-Mûnene Ngai wenyu wata ûrîa mwambûria, na ûrîa wonthe akanjokeria nîngûmwîra, ndikamûthitha wanarî ûndû.”

Jeremia 6:16

Ngai-Mûnene arauga atîrî, “Rûngamani makathîkanorî ma njîra na mûrorie, na mûrie ûvoro wa njîra cia tene, kûrîa njîra îrîa mbaro îrî. Mûthiîrîre yo, na nîmûgûtûûra na thayû. Nwatî nîmwaugire atî: ‘Tue tûtikamîthiîrîra.’

Ciîko 12:5

Kwoguo Petero nîwaigirwe njeera, nwatî andû arîa maarî a kanitha nîmaamûvoere Ngai marî na kîîo.

Ciîko 20:20

Mue nîmwîcî nînaamûvunjîrie na ndiamûthithaga ûndû wana ûrîkû ûrîa ûngîamûgunire. Mue nîmwîcî nînavunjirie na ngîthomithania mbere ya andû na ngîvunjia mîciîrî yenyu.

Aroma 1:9

Nake Ngai ûrîa ndungatagîra na ngoro yakwa yonthe na njîra ya kûvunjia Ûvoro Mwaro wa mûrû wake nî mûira atî nînîmûririkanaga

1Akor 9:16

Gûtuîka atî nîmvunjagia ûvoro mwaro tîkuo gûtûmaga nîtîîe, nîûndû ûguo nîguo mbathîtwe mbîke na nîûndû mûcûku mûno nîngîrega kûvunjia Ûvoro mwaro.

Akol 1:28

Kwoguo nîtwanagîrîra kûrî andû onthe ûvoro wîgiî Kristû. Nîtûmataaraga na tûkamathomithia tûgîtûmagîra ûûgî wonthe ûrîa tûrî naguo nîguo tûmarete mbere ya Ngai marî agima na marî na ngwatanîro na Kristû.

Akol 1:9

Kîu nîkîo gîtûmaga tûmûvoere vîndî cionthe kuuma rîrîa twambîrîrie kwîgua ûvoro ûmwîgiî. Tûragia Ngai amûvotithagie kûmenya wendi wake na kûgîa na ûûgî mwîngî na ûtaûku ûrîa Roho wake avecanaga.

1Ath 3:10

Mûthenya na ûtukû nîtûvoyaga na ngoro yetû yonthe nîguo atûvotithie twonane namue rîngî nîguo tûvote kûmûva kîrîa mûvatarîte wîtîkiorî wenyu.

2Tim 1:3

Nie nînjokagîria Ngai ngatho ûrîa ndungataga na thamiri itarî na ûcuke. Methe metû ma tene nwaguo meekaga. Nînjokagîria Ngai ngatho vîndî îrîa ngûkûririkana mavoyarî makwa thaa cionthe ûtukû na mûthenya.

1Sam 12:19

Nao andû acio nîmeerire Samueli atîrî, “Twakûthaitha ûtûvoere kûrî Ngai-Mûnene, Ngai waku, nîguo tûtigakue. Rîu nîtwamenya atî nîtwongererete mevia marîa mengî monthe metû na wîvia wa gwîtia mûthamaki.”

1Sam 8:6

Nwatî Samueli ndaakena egua andû acio makîmûûria amathuurîre mûthamaki wa kûmathaga; kwoguo Samueli nîwavoire kûrî Ngai-Mûnene,