1Sam 12:18 - ÎVUKU RÎA ÛVORO MWARO

¹⁸ Kwoguo Samueli nîwavoire kûrî Ngai-Mûnene, nake Ngai-Mûnene akîrete ngûa na akiurithia mbura mûthenya wa ûcio. Nao andû onthe nîmeetigîre Ngai-Mûnene na Samueli

1Sam 12:18 ပူးပေါင်းရင်းမြစ်များ

1Atha 18:42

Kwoguo Ahabu nîwathiîre akarîe na anyue; nake Elija nîwaunûkirie îgûrû rîa kîrîma gîa Karimeli. Nîwenamîrîrie ûthiû wake nthî, na agîkîra kîongo gatagatî ka maru make.

Ezira 10:9

Mîthenyarî îo îthatû, arûme onthe kuuma vûrûrirî wa Juda na wa Benjamini nî maagomanire Jerusalemu na magîkara kîvarorî Kîam hekarû. Mûthenya wa mîrongo îîrî wa mweri wa kenda kwarî na mbura nene mûno, na andû arîa maagomanîte kûu Jerusalemu nî maatetemaga nîûndû wa maûndû mau na nîûndû wa mbura.

Ayubu 37:13

Ngai ekaga wendi wake gûkû nthî, ûrî wa kûverithia andû, kana wa kwonania wendo wake.

Thaburi 99:6

Musa na Aroni maarî amwe a athînjîri-Ngai ake, Samueli wanake aarî ûmwe wa arîa maamûvoire; nîmaakaîre Ngai-Mûnene na nîwamegwire.

Ntha 14:31

Vîndî îrîa andû a Isiraeli moonire vinya mûnene ûrîa Ngai-Mûnene aavootire andû a Misiri naguo, nîmeetigîre Ngai-Mûnene, makîmwîtîkia na magîtîkia ndungata yake Musa.

Josh 10:12

Mûthenya ûcio Ngai-Mûnene aavotithirie andû a Isiraeli kûvoota andû a Amori, Joshua nîwaririe na Ngai-Mûnene. Joshua arî mbere ya andû a Isiraeli nîwaugire atîrî, “Riûa, rûngama ki îgûrû rîa Gibeoni; nawe mweri rûngama ki Kîamndarî Kîam Aijaloni.”

Josh 4:14

Mûthenya ûcio Ngai-Mûnene nîwekire ûndû wa gûtûma Joshua aneneve methorî ma andû onthe a Isiraeli. Nao nîmeekarire makîmûvecaga gîtîîo ûtûûrorî wake wonthe wata ûrîa mavecaga Musa.