1Sam 12:12 - ÎVUKU RÎA ÛVORO MWARO

¹² Nwatî mue rîrîa mwonire mûthamaki wa Aamoni, ûrîa wîtagwa Nahashu aûkîte kûmûthûngîrîra, mue nîmwaregire Ngai-Mûnene, Ngai wenyu ûrîa warî mûthamaki wenyu na mûkîmbîîra atî, mue mûrenda mûthamaki wa kûmûtongoragia.

1Sam 12:12 ပူးပေါင်းရင်းမြစ်များ

Kîam 17:7

“Nîngavingia kîrîkanîro gîakwa nawe wana kûrî njiarwa ciaku irîa igaaûka. Kîrîkanîro kîu gîgaatûûra tene na tene. Nîngaatuîka Ngai waku na nduîke Ngai wa njiarwa ciaku.

Thaburi 74:12

Kûnarî ûguo, we Ngai ûrî mûthamaki wetû kuuma tene; nîwîthîrîtwe ûgîka maûndû meengî ma gûtûvonokia.

Isaia 33:22

Nîûndû Ngai-Mûnene nîke mûtucanîri ciira wetû, Ngai-Mûnene nîke ûtwathaga, Ngai-Mûnene nîke mûthamaki wetû, na nîke ûgaatûvonokia.

Jeremia 40:11

Ayahudi onthe arîa maarî Moabu, Amori, na Edomu na mavûrûri mau meengî, nîmegwire atî mûthamaki wa Babuloni nîwatigîte andû amwe Juda, na atî nîwathuurîte Gedalia mûvîcî wa Ahikamu, mûvîcî wa Shafani atuîke mûnene wao.

Hosea 13:10

Mûthamaki wenyu arîkû rîu nîguo amûvonokie? Atongoria enyu marî kû nîguo mamûgitîre? Nîmue mwavoire atîrî, ‘Tûve mûthamaki na anene nîguo matwathage.’

Ndari 23:21

Gûtirî ûndû mûcûku Ngai-Mûnene onete kûrî andû a Jakovu. Gûtirî îvîtia onete kûrî andû a Isiraeli. Ngai-Mûnene, Ngai wao arî vamwe nao, maugaga atî nîke mûthamaki wao.

Atir 8:23

Nwatî Gideoni nîwacokirie atîrî, “Nie ndigûtuîka mwathi wenyu, wana mûvîcîwa ndagûtuîka mwathi wenyu. Ngai-Mûnene nîke ûgûtuîka mwathi wenyu.”

Atir 9:18

Nwatî ûmûnthî nîmûtharîkîre andû a mûciî wa vava na mwaûragîra avîcî ake mîrongo mûgwanja îthigarî rîmwe. Nîmûcokete mûgatua Abimeleki, mûvîcî wa ndungata yake ya mûndûmûka mûthamaki wa andû a Shekemu, nîûndû atî mûrî amwe nake.

1Sam 10:19

Nî nie Ngai wenyu, ûrîa ûmûvonokagia kuuma mathînarî na mîtangîkorî yenyu yonthe, nwatî mue nîmûndiganîrîtie na mûkambîra nîmûnengere mûthamaki. Ûguo nî waro mûno. Kwoguo rûngamani mbere ya Ngai-Mûnene kûringana na ûrîa mîvîrîga yenyu îkariî, na wata ûrîa mbarî cienyu ciîkariî?”

1Sam 8:3

Nwatî anake acio a Samueli matiarûmîrîra maûndû marîa îthe eekaga; maacaragia ûtonga tu; kwoguo nîmeetagia mavaki na matiatucaga ciira na kîvooto.