1Sam 12:10 - ÎVUKU RÎA ÛVORO MWARO

¹⁰ Namo methe menyu ma tene nîmaathaithire Ngai-Mûnene amatethie makiugaga atîrî, “Nîtwîvîtie nîûndû tue nîtwagûtiganîrie we, Ngai-Mûnene na tûgîtungatîra ngai cia mîvuanano cia Baali na Ashitarothu, nwatî rîu tûvonokie kuuma kûrî nthû cietû na tûgagûtungatagîra!

1Sam 12:10 ပူးပေါင်းရင်းမြစ်များ

Thaburi 106:44

Kûnarî ûguo, Ngai nîwonire mathîna mao, rîrîa eegwire kîrîro Kîamo.

Isaia 26:16

Ûûi Ngai-Mûnene, rîrîa maarî thînarî, nîmaagûkaîre, rîrîa wamaverithirie, o nîmaakûvoire.

Isaia 33:22

Nîûndû Ngai-Mûnene nîke mûtucanîri ciira wetû, Ngai-Mûnene nîke ûtwathaga, Ngai-Mûnene nîke mûthamaki wetû, na nîke ûgaatûvonokia.

Josh 13:31

Wana nîwanyitîte nuthu ya vûrûri wa Gileadi na îtûûra rîa Ashitarothu na rîa Edirei. Ashitarothu na Edirei nîmo maarî matûûra marîa manene ma mûthamaki Ogu wa Bashani. Kûu nîkuo kwagaîrwe nuthu ya mbarî ya Makiru mûvîcî wa Manase.

Atir 10:10

Aisiraeli nîmaacokire makîrîrîra Ngai-Mûnene makiugaga atîrî, “Nîtûkûvîtîrîtie, nîûndû nîtûgûtiganîrîtie we Ngai wetû na tûgatungatîra Baali ngai cia mîvuanano.”

Atir 2:11

Andû a Isiraeli nîmeekire maûndû macûku mbere ya Ngai-Mûnene na njîra ya gûtungatîra Baali.

Atir 2:13

Maatigire kûgooca Ngai-Mûnene na makîambîrîria gûtungatîra ngai cia mîvuanano cia Baali na Ashitarothu.

Atir 3:15

Nwatî rîrîa Aisiraeli maarîrîre Ngai-Mûnene, Ngai-Mûnene nîwamatûmîre mûndû wetagwa Ehudi nîguo amavonokie. Ehudi aarî mûvîcî wa Gera, Mûbenjamini na aarî wa njara ya ûmotho. Andû a Isiraeli nîmaanenganîre iveo kûrî Ehudi nîguo avirîre Egiloni mûthamaki wa Moabu.

Atir 3:7

Aisiraeli nîmeekire maûndû macûku mbere ya Ngai-Mûnene. Nîmaariganîrwe nîke na magîtungatîra ngai cia mîvuanano cia Baali na Asherothu.

Atir 3:9

Nwatî rîrîa Aisiraeli maavoire Ngai-Mûnene, nîwamatûmîre mûndû wetagwa Othinieli nîguo amavonokie. Othinieli aarî mûvîcî wa Kenazi. Kenazi nîke warî mûrwang'ina ûrîa mûnini wa Kalebu.

Atir 4:3

Jabini aarî na ikaari magana kenda cia mbaara cia cuuma na nîwavinyîrîrie andû a Isiraeli îvinda rîa mîaka mîrongo îrî. Nao Aisiraeli nîmaakaîre Ngai-Mûnene amavonokie.

Atir 6:7

Rîrîa Aisiraeli maarîrîre Ngai-Mûnene nîûndû wa Amidiani,

1Sam 7:2

Narîo îthandûkû rîa Kîrîkanîro rîa Ngai-Mûnene nîrîekarire kûu Kiriathu Jearimu kwa îvinda rîa mîaka mîrongo îîrî. Narîo îvinda rîu rîarî îraca. Nao andû onthe a Isiraeli nîmaarîrîre Ngai-Mûnene nîguo amatethie.

1Sam 7:6

Kwoguo nîmaacemanirie kûu Mizipa. O nîmaatavire manjî na makîmetûrûra kîrî ta kîveo kûrî Ngai-Mûnene na makîînyerekia mûthenya ûcio wonthe. Nao nîmaaugire atîrî, “Tue nîtwîvîrîtie Ngai-Mûnene.” (Nake Samueli aacirithagîria andû a Isiraeli kûu Mizipa.)