1Sam 11:11 - ÎVUKU RÎA ÛVORO MWARO

¹¹ Ûtukû ûcio Saûlo nîwagaanirie andû ake ikundi ithatû na makîthitûkîra andû a Amoni kîraûko tene kûu magemarî mao. Nîmaaûragire andû a Amoni nginya thaa thita cia mûthenya. Nao arîa maatigarire nîwanyaganirie, wa mûndû akîthiî njîra yake wenga.

1Sam 11:11 ပူးပေါင်းရင်းမြစ်များ

Kîam 22:14

Kwoguo Iburahimu nîwetire vandû vau “Ngai-Mûnene nîavecanaga”. Nginya ûmûnthî andû maugaga atîrî, “Kîrîmarî Kîam Ngai-Mûnene, nîavecanaga.”

2Sam 18:2

Daudi nîwagaanirie athigari ake ikundi ithatû. Nîwathuurire Joabu nîguo atuîke mûnene wa gîkundi Kîam mbere, Abishai ûrîa warî mûrwang'ina na Joabu agîtuîka mûnene wa gîkundi gîa kaîrî, nake Îtai ûrîa waumîte Gathu agîtuîka mûnene wa gîkundi gîa kathatû. Mûthamaki Daudi nîwacokire akîra andû acio ake atîrî, “Wa nanie nîtûkûthiî namue.”

Thaburi 46:1

Ngai nîke mûgitîri wetû na vinya wetû, nîke ûtûtethagia vîndî cionthe rîrîa tûrî na thîna.

Ntha 14:24

Mbere ya kûthamburûkana Ngai-Mûnene nîwaroririe nthî kûrî athigari a mbaara a Misiri arî gîtugîrî Kîam mwaki na Kîam îtu, na agîtûma magwatwe nî guoya.

Mathaayo 7:2

Nîûndû Ngai akaamûtuîra wata ûrîa mûtucagîra andû arîa engî, na kîthimi kîrîa mûthimagîra arîa engî nakîo nwa kîo mûkaathimîrwa nakîo.

Jakuvu 2:13

Nîûndû Ngai ndakeegua ntha agîcirithia andû arîa mategucanagîra ntha, nwatî mûndû ûrîa wîgucanagîra ntha ndageetigîra îtuîro.

Atir 1:7

Adonibeseki nîwacokire akiuga atîrî, “Nîkwarî na athamaki mîrongo mûgwanja maatinîtue ciara irîa nene cia njara wana cia magûrû. Athamaki acio moocanagia rwîtîki rungu rwa metha yakwa makîrîcaga. Wata ûrîa nekire andû, nwaguo Ngai ambîka.” Adonibeseki nîwacokire akîvirwa Jerusalemu, kûrîa aakuîrîre.

Atir 4:16

Baraki nîwarûmîrîrie ikaari cia Sisera cia mbaara vamwe na andû ake nginya Haroshethu-hagoimu. Athigari onthe a Sisera nîmaaûragirwe na gûtirî wanarî ûmwe wao watigarire.

Atir 7:16

Gideoni nîwagaanirie andû arîa ake magana mathatû ikundi ithatû. Nîwacokire akîva wa mûndû karumbeta na nyûngû îrî na kîmûrî ndaarî.

Atir 7:20

Nao andû a ikundi icio ciîngî igîrî nîmeekire wa ûguo. Onthe maanyitîte imûrî na njara cia ûmotho, natuo tûrumbeta manyitîte na njara cia ûrîo, makiugagîrîria atîrî, “Îno nî mbaara ya Ngai-Mûnene na ya Gideoni!”

Atir 9:43

Kwoguo nîwocire andû ake, akîmagaania ikundi ithatû na makîthiî kwîthitha na kûu mîgûndarî nîguo mameterere kuo. Rîrîa Abimeleki oonire andû maumîte îtûûrarî, nîwaumire kûrîa eethithîte nîguo amaûrage.

1Sam 11:2

Nake Nahashu, ûcio Mûamoni akîmeera atîrî, Ûndû ûmwe tu nîguo ûngîtûma mbîtîkîre tûthondeke kîrîkanîro namue. Naguo nî atî, nîmûkûûre wa mûndû ritho rîake rîa ûrîo, naguo ûndû ûcio ûtuîke wa gûconorithia andû onthe a Isiraeli.

1Sam 14:47

Vîndî îrîa Saûlo aatuîkire Mûthamaki wa Isiraeli, nîwarûire na nthû ciake cionthe kuuma mîena yonthe: Nîwarûire na Amoabu, andû a Amoni, Aedomu, athamaki a Zoba na Afilisiti. Nao andû onthe arîa ke aathiîcaga kûrûa nao, nîwamavootaga.