1Sam 10:5 - ÎVUKU RÎA ÛVORO MWARO

⁵ Vuva wa ûguo, we ûthiî na mbere nginya kîrîmarî Kîam Ngai kîrîa kîrî Gibea. Kûu nîkuo Afilisiti matumîte magema mao. Wakinya vau kîvingorî gîa îtûûra ûgatûngana na gîkundi Kîam arathi manyûrûrûkîte makîvûraga inanda, ndarama, mîtûrirû, na ngita. Nao makethîrwa maumîte metharî ya Kîgongoona kûu Kîrîmarî makinaga maugîrîrîtie.

1Sam 10:5 ပူးပေါင်းရင်းမြစ်များ

1Atha 18:29

Wana thaa thita ciavîtûka, nîmaathiîre na mbere kugîrîria ta andû a ngoma makîvoyaga ngai wao nginya kîvwaî rîrîa matega maarutagwa; nwatî gûtirî mûgambo weguîkire, gûtirî mûndû wamacokerie na gûtirî mûndû wamathikîrîrie.

2Atha 2:15

Rîrîa gîkundi Kîam arathi mîrongo îtano arîa maarî Jeriko maamwonire, nîmaaugire atîrî, “Elisha arî na roho wa Elija!” Nîmaathiîre kûmûtûnga na makînamîrîria mothiû mao nthî mbere ya Elisha,

2Atha 2:3

Gîkundi Kîam arathi arîa maatûûraga Betheli nîmaathiîre kûrî Elisha na makîmûûria atîrî, “Nîwîcî atî Ngai-Mûnene nîakûthengutia mwathi waku varî we ûmûnthî?” Nake Elisha nîwacokirie atîrî, “Îî, nîmbicî, tigani kwaria ûvoro ûcio.”

2Atha 2:5

Gîkundi Kîam arathi arîa maatûûraga Jeriko nîmaathiîre kûrî Elisha na makîmûûria atîrî, “Nîwîcî atî Ngai-Mûnene nîakûthengutia mwathi waku varî we ûmûnthî?” Nake Elisha nîwacokirie atîrî, “Îî, nîmbîcî, nwatî tûtige kwarîrîria ûndû ûcio.”

2Atha 2:7

na andû mîrongo îtano (50) a gîkundi Kîam arathi nîmaamarûmîrîre. Elija na Elisha nîmaarûngamire vakuvî na rûnjî rwa Jorodani nao arathi acio makîrûngama varacaraca nao.

2Atha 3:15

Nwatî rîu ndetereni mûvûri wa ngita.” Rîrîa mûvûri wa ngita aainire, vinya wa Ngai-Mûnene nîwatonyire kûrî Elisha,

2Atha 4:38

Elisha nîwacokire Giligali rîngî. Nakuo kûu vûrûrirî ûcio kwarî na yûra. Nakîo gîkundi Kîam arathi gîekarîte nthî mbere yake, na wa akîmathomithagia nîwerire ndungata yake atîrî, “Îkîra nyûngû îrîa nene riiko na ûrugîre arathi aya irio.”

2Atha 6:1

Gîkundi Kîam arathi arîa Elisha aatongoragia nîmerire Elisha atîrî, “Taroria, vandû ava tûtûûraga nî vanini mûno!

1Maû 11:16

Daudi aarî kûndû kûrîa kwarî kûgitîre, nao athigari a mbaara a Afilisiti maarî Bethilehemu.

1Maû 13:8

Daudi na andû onthe nîmeinagia na vinya wao wonthe magîkumagia Ngai. Nîmaainaga makîvûraga indo cia kwina ta ngita, ndarama, ithaani irîa iringithanagua na tûrumbeta.

1Maû 16:42

Hemani na Jeduthuni maarî na wîra wa kûvuva tûrumbeta, kûringithania ithaani, na indo ciîngî irîa ciavûthagîrwa vîndî ya kwina nyîmbo cia gûkumia Ngai-Mûnene. Avîcî a Jeduthuni nîmaathuurirwe matuîke arangîri.

1Maû 16:5

Asafu ûrîa waringithanagia ithaani irîa igambaga nîke wathuurirwe arî mûtongoria, nake Zekaria nîke wamûtethagia. Nao Jeieli, Shemirathothi, Jehieli, Matithia, Eliabu, Benaia, Obedi-edomu na Jeieli nîo maavûraga ngita na mîtûrirû.

Thaburi 49:4

Ngaathikagîrîria nthimo, na ndaarîrie ûrîa ciugîte ngîvûraga kînanda.

Thaburi 92:3

tûgîkwinagîra nyîmbo na ngita, na mîgambo mîaro ya kînanda.

1Akor 14:1

Geragiani na vinya mûno kûgîa na wendani. Îîriragîrieni na vinya mûno kûgîa na iveo cia kîîroho, na mûno makîria kîveo gîa kûvota kwanîrîra ndûmîrîri ya Ngai.

1Sam 10:10

Rîrîa Saûlo marî na ndungata yake maakinyire Gibea, nîwatûngirwe nî gîkundi Kîam arathi. Naguo Roho wa Ngai ûgîûka îgûrû rîake na vinya wa rîmwe na na ûkîmûtongoria. Nake nîwambîrîrie kwina augîrîrîtie marî na arathi acio.

1Sam 10:4

Nao magagûkethia na makûve mîgate îrî, nawe ûmîoce.

1Sam 13:2

Saûlo nîwathuurire arûme ngiri ithatû (3,000) a kuuma Isiraeli. Ke nîwekarire na arûme ngiri igîrî cia acio kûu Mikimashi na vûrûri ûrîa ûrî irîma wa Betheli. Nîwacokire akîîra mûvîcî ûrîa wetagwa Jonathani mathiî kûu Gibea marî na arûme ngiri îmwe. Gibea yarî vûrûrirî wa mûvîrîga wa Benjamini. Agîcoka akîîra acio engî menûke, wa mûndû gwake mûciî.

1Sam 13:3

Nake Jonathani nîwaûragire mûnene wa Afilisiti arîa maarî Geba, nao Afilisiti onthe makîgua ûvoro ûcio. Nake Saûlo agîtûma anjaama na akîmeera mete Ahibirania na njîra ya kûvuva karumbeta vûrûrirî wonthe.

1Sam 19:20

Kwoguo nîwatûmire anjaama mathiî makamûnyite. Rîrîa moonire gîkundi Kîam arathi gîkina gîtongoreretue nî Samueli, roho wa Ngai nîwatonyire kûrî anjaama a Saûlo na wanao makîambîrîria kwina.

1Sam 9:12

Nao erîtu acio nîmaacokirie, “Ii, arî kuo, arî vau mbere yenyu thiîcangani. Ke aukîte îtûûrarî wa rîu, nîûndû andû nîmaûkîte ûmûnthî kûruta îgongona kûndû kûrîa gûtûgîru.